اطلب من الله يد العون ثم منكم تساعدوني

هجير الاحزان · #1 (**permalink**) 21-02-2012, 06:39 PM

بسم الله الرحمن الرحيم
انا شاب ابلغ من العمر 21 سنة فضيت حياتي الدراسية وانا امشي
في الشمس والحراره والمطر والبرد القارس ولم الله وفقني ودخلت الكليه
بديت استلم مكافاه كنت اعطي امي منها واقضي مصروف الشهري بالباقي
عندي اب لايعرف الرحمة يجمع الفلوس باشتى انواع القسوه يجمع راتبة القتاعدي واجارات العمارة وفوق هذا مداخيل المزرعة التي بمساحتها وكانها بر وانا شاب احتاج الي سياره
وانا اكبر اخواني الي في البيت والان انا مقبل علي دراسة لغة انجليزية مكثفة وتبعد عن المنزل بحاولي
2 كيلو او 3

واحتاج الي توصيلة كل يوم تحملت علي نفسي 6 سنوات امشي في انواع الجو البارد والحار طبعا انا لا استطيع انا اشتري سيارة لا املك المبلغ الكافي اطلب من الله ثم منك يد العون
الي يقدر يساعدني او يدلني علي اي طريقة ابي لايعرف معنى الرحمة كل همه جمع المال ماذا افعل انا شاب في عمر لااستطيع انا اتحمل هذي القسوه
وامي خايفة علي اني اروح للطريق السوء وطريق الجحيم بسبب الحاله
امي تحتاج في بعض الاحيان الي مراجعات بالمستشفى وفي بعض الاحيان نظطر الي اخذ احد سيارة الاجره او اللومزين
طالب من الله ثم منك يد العون تعبت ماظل انسان ماشتكيت له بحالتي

ولكن لا اجد من يعيني ويساعدني ويمد لي يد المساعدة علمنا اني سجلت بحافز واستلمت مكافاه شهرين فقط وصرفت منها مصرف وقدره الف شوي واحتفظت بالباقي والان تم ادراج اسمي
ضمن الدراسة وتم قطعها من الشهر القادم
طالب من الله ثم منك يد العون او دلوني علي طريقة تعينوني فيها ابي رجل يملك الكثير من المال ولكن انا لا احصل حتى علي ريال يوميا لكي يستطيح احد لومي

اخوكم عبدالعزيز

تم التحديث · #2 (**permalink**) 21-02-2012, 07:02 PM

الله يعينك يارب

استغفر الله كثير

غرام الاحباب · #3 (**permalink**) 21-02-2012, 07:15 PM

موووفق

أحساس مترف · #4 (**permalink**) 21-02-2012, 07:19 PM

ليه تشتكي لناس .!

اخوي أشتكي حالك لله وحده ،، آما طلب الناس والشكوه لهم مايفيدك شي وينقص من نفسك للأسف

أنت الحين تشتكي من وضع أتوقع أن حالك أحسسن بكثير من حال شباب كثير بالمنتدى

وكويس المسافه 3 كيلوو أما تحمل البرد والحر والمطر ،، عاد هذي فصول السنه تمر على الكل

لا تضيع صبرك وأعمالك بالشكوى منها ..

وآكثر الإستغفار والدعاء والشكوى لله وحده

وفقك الله ..

هديل الورد · #5 (**permalink**) 22-02-2012, 12:29 AM

انت رجال وتعرف تاخذ حقوقك من ابوك حقك وحق امك واخوانك اذا مالين راسه ابكلام تلين راسه المحاكم . اجل لو انك بنت وش تعمل . احمح ربم انك رجال . . . بعدين اذا ماتقدر ليش تدرس انجليزي كان استمريت بحافز لما تلقى وظيفه مناسبه . .

أم عقاب · #6 (**permalink**) 22-02-2012, 12:51 AM

لا حول ولا قوة إلا بالله جعلك أخوي ما تحتاج لمنة خلقه يالله يارب

أخوي أنت رجل وسند لأميمتك وحقك وحقها طلعه من أبوك تودد له وإلا أطلب تدخل من عمومتك حرام اللي يسويه أدخل معه بأسلوب أنك يبه أنا سندك بهالدنيا و عزوتك يرضيك أتشحطط بهالدنيا وأنت حي و منعم عليك

والله ضاق صدري من تصرفات شيبانا الله يهديهم

هجير الاحزان · #7 (**permalink**) 22-02-2012, 04:01 AM

استغفر الله عدد خلقة ياررب اللهم ارحمني ونزل علي رحمتك يااارب
الي يقدر يساعدني او يدلني علي المساعده بيكون معروفه في رقبتي الي يوم الدين

فراشةة · #8 (**permalink**) 22-02-2012, 04:16 AM

الله يكون بعونك ويفرجها عليك يآرب , ترا الاب قلبة طيب ويخاف على عياله مهما كان
اخوي حب راس ابوك وضمةةةةةةة وقبل يدة وحاول تلبي طلباته وانت منشرح الصدر
وخلك جنبه وحسسه انك قد المسؤلية خله يعتمد عليك بكل شيء , وتشوف راح تكبر بعينة
ويعتمد عليك ان شاء الله ..

لاتنسى الدعاء , الله يحفظة ويخلية لكم ويطول بعمرة على طاعة يآرب , فديت ترابهم وربي مافي زي الام والاب

بحر الهلاك · #9 (**permalink**) 22-02-2012, 06:01 AM

قدم معروض للديوان الملكي,,..
رح للبريد وهم يعلمونك,,

قبل كذا

لاتنسى ان الله سبحانه يغضب ان تركت دعائه او سؤاله
استغفر اكثر من 5الاف مرة باليوم وشف وش يحصل معاك,؟