فيه طريق ثاني وسهل ان شاء الله
تمشي تدخل الرياض يجيك الجسر لف مع الدوار تلف معه كانك جاي من الجسر رايح للدائري الجديد اسمه دائري عرقه اذا خذيت معه بيكون الجسر خلفك وانت وجهك شمال وسيدا وسيدا الين تجيك الراية العلم السعودي الكبير
هذي الدرعية تشوفها على اليسار ويجيك مجمع كباري خلها امش سيدا لا يسار ولا يمين قدام
سيدا وانت تمشي هذا الدائري الشمالي وسيدا يا ابوي وسيدا تتعداء كل المخارج ابتداء من 2 و3 و 4 و 5 و 6 و 7 و 8 اذا تعديت مخرج 8 وانت على الدائري تجيك مبنى سابك على اليسار وسيدا يابوي وسيدا الين يجيك مجمع كباري يقولك يمين كلية الملك فهد الامنية وسيدا الدمام ويسار الثمامة (شارع البعارين ) خاصة بالمهجولين ههههه
المهم تلف يمين مع الملك فهد الامنية يجيك كبري حق مدينة الامن العام وحق الكلية الامنية سيبها لا تروح معه
بعدها يجيك مخرج لفه معه توقف عند الاشارة تديور تحت الكبري وتاخذ الخدمة تلقاهم على اليمين للجنة القبول والتسجيل
طبعا هذا الطريق ميزته انه مابوه زحمه ولا بوه وقفه
نصف ساعة اول 40 دقيقة بالكثير من الجسر المعلق
و اي خدمه ان جاهز