بسم الله الرحمن الرحيم
.


السلام عليكم ورحمة الله وبركاته
.


عابرة سبيل



( رحمها الله )
.


شاعرة كبيرة ، وفي نفس الوقت غامضة
.


ولكن مبدعة
.


لا يعرف عنها إلا أنها من البادية ومن سكان الكويت وهذا ظاهر في أبياتها
.

.
هذي القصيدة تبين أنها حريصها على تغطيتها على نفسها بأسم ( عابرة سبيل )
وأنها ما تريد أن يعرف اسمها الحقيقي
.
( عابرة )




أهلي يدرون إني شاعرة
بس ما يدرون في جرح الليال
يمنعوني من كتابة خاطرة
ما دروا اني من زمان بهالمجال
آه .. لو يدرون إني (( عابرة ))
عندهم بتصير موتتنا .. حلال



.
وعرفت بنفسها في تعريفها ببطاقتها الشخصية
.
البطاقة الشخصية
.



أنا عجوز مطلقة وأم ورعان
وأيضاً مدام وبنت وآنس وعانس
أنا بدوية وعايشة عند حضران
وبنت البحر وابوي زارع وغارس
أمية ما تعرف حروف والوان
وتلميذة دشت جميع المدارس
ظفرة وخبلة ، عاقلة ، في نقصان
شرود وانطح لي ثمانين فارس
خلونِ .. أعيش العابرة دون عنوان
طيفٍ يمر بلا رقابه وحارس .. ! !



.
وتبين للقارئ علاقتها الوطيده مع الشعر بهذه الأبيات
.
خوية الذات
.



أنا آسفة يا قصيدة وابعدي عني
الوقت كله عطيته لامتحاناتي
حتى حبيبي بطيفه لادنى مني
للغرفة الثانية لملمت حاجاتي
الوقت ضيق وانا دروسي يهمني
خليني اختمها مسك آخر محطاتي
ما انكر جميلك علي يا مخففة عني
قصة شقاي وعناي وكل ضيقاتي
أدري أنا منك وانتي قطعة مني
لكن صراحة ثقيلة بعض الأوقاتي
خوية الذات لا ..لا تزعلي مني
العمر قدام .. وانتي مرصد آهاتي



.
.
لم تظهر من هويتها إلا أنها ( بدوية )

رسالة من بدوية
.



تعال بشرح لك أنا كل مغلوق
تعال شاهدني مع ذكرياتي
لا .. لا يغرك لبس موضة ومسحوق
إنفض غبار الوقت تلقى صفاتي
قرب وطالع ، معّن الشوف بحدوق
وزيف التطور جرده من حياتي
بتشوف في وجهي من الماضي اطروق
أخذت من بطن الصحاري صفاتي
طفلة بثوب مخيطينه ومفتوق
تنطر جديد الثوب بالعيد ياتي
سمعت أطراف أخبار عن كلمة السوق
وتاخذ وتسأل !!..هو وجوده ثباتي ؟
طفلة سحبها الوقت للهم برفوق
حتى انها صارت من العاشقاتي
وجار الزمن وعرض الحب للعوق
شرق ركايبها وهم مشملاتي
واتلا عهدها فيه يركض ورا نوق
مسرود جيب وفي يدينه عصاتي
ويصد ، لكن يلتفت لي من الشوق
عجلان يلخصني بعين تحاتي
وقفى وخطواته يتلن معلوق
وخلاني ما تنقل عظامي عباتي
ودار الزمان ولا مشى الحظ بوفوق
وما زلت أخفي بالظلام اعبراتي
ولا زلت أنا ألعب له على كل طاروق
حتى يجيب الله موعد وفاتي


.
وقصيد عابرة سبيل أكثره غزلي
.
أحب ثاني
.



أنتم تحبوني وأنا أحب ثاني
واللي أحبه باغي ٍ ناس ثانين
هذا ابتلى فيني وهذا بلاني
واللي بلى مبلي وباليه مسكين
أنا ترجيته وغيره رجاني
والمشكلة ما ينقل القلب حبين
سهوم تجمع بين قاصي وداني
ياليت لسهوم المحبة قوانين
هذا ينوح وذا جريح يعاني
هذا قتل هذا ولا هم دارين
وهذا كتم سره وهذا علاني
الله أكبر يا جهاد المحبين



.
هذاك ...
.



هذاك لو قال الشتا صيف ، عرقت
ولو قال صيفي برد ، شبيت ناري
هذاك لو قال الجمل طير ، صدقت
أقول ريشة بعثرته الصحاري
هذاك لو قال المطر كذب ، وافقت
وادور الأعذار حق الخباري
هذاك لو قال القمر طاح ، صفقت
أقول مللته كثير المساري
هذاك لو قال النظر عيب ، دنقت
يصير لي كف على اللمس ضاري
هذاك لو ينفي وجودي ، توهقت
ما عاد ليه حل .. غير انتحاري


.
.
المشكلة
.



المشكلة ما هيب هذي ولا ذيك
المشكلة لا حبت العين طايش
تزعل ويضحك وان تبسمت يبكيك
الموت جاك وهو بالأفراح عايش
تناقشه يزعل ، تداريه يشقيك
ترقع شروخ ويطلعن لك درايش
ما ينتراضى وبالزعل ما يراضيك
والصبر يثر بالقلوب الهشايش

ولكن شاء الله أن نفقد هذه الشاعرة بسبب مرض السرطان
أجارنا الله وإياكم منه

ولـ عابرة سبيل 6 أبناء أكبرهم عمره 12 سنه
وأثناء ما كانت على فراش الموت كتبت هذه القصيدة
التي تبين مدى إيمانها بالله وان الموت سيكون مصيرها
فلم تكن هذه المرة الأولى التي تدخل فيها الشاعرة للمستشفى
وفي كل مرة تخرج منه يقوم زوجها بذبح وليمه بمناسبة خروجها
ولكن المرض دام معها حتى ماتت وكانت هذه أخر قصائد

تــــــــرى الذبايـح وأهلهـا ماتسّـلينـي ... أنا أدري إن المرض لا يمكن علاجه

أدري تبي راحـــــتي لا يابعـد عينـــي ... حــــرام ما قصّـرت يديك فـي حاجـه

أخـــــذ وصاتـي وأمـــــانـه لاتبّكينـي ... لو كان لك خاطرٍ ما ودي أزعــاجـه

أبيك في يديـــك تشهدنـي وتسقينـي ... أمانـتـك لا يجــي جسـمـي بـثـلاجــه

لـــــف الكفن في يديك وضف رجلينـي ... ما غيرك أحدٍ كشف حسناه واحراجه

أبـيــــك بالخيـر تـذكرنـي وتـطرينـي ... يـجـيـرني خالـقي مـن نـار وهـاجـه

سامح على اللي جرى ما بينك وبيني ... أيام نمشـي عــدل وأيـام مـنـعاجـه

هـمي عيالي وأنا اللي فـيّ كافينـي ... عـلمهـم الديـن تـفـسيـره ومنهـاجـه


وهذه تكمله للقصيده وجدتها في أحد المواضيع


البيت هذا من اعماقي يصحيني=ينده 0وينده واشوفه عاقد حجاجه
اشعرني بشي عنه الوقت معميني=شاهدت انا مدخله ماشعرت مخراجه
احساب نفسي بكل انصاف يدعيني=ويومانتهىالوزن ماشاهد ولاحاجه
ما شفت شي يطمني ويرضيني=كل ما ستقمت بطريق شفت معراجه!
الغفله اللي تشربها شراييني=مع اننا كثر ما ..كا نت على حاجه
كل ما تلفت على الواقع تنسيني=شيطانها ما كنن قفله ومزلاجه
كل ما تنا سيت قبل اصل يحييني=فرفش تناسا وممدي لك علىمواجه
كم تعتصرني اليالي ما انصفت ديني=ودرب الهدى بينٍ بخطاه واسراجه
عزوبي الكل وانا من يعزيني=عزاي رب عظيم حق با افراجه
واشوف الاطفال . عند اقفاي تبكيني=واحس قلبي صفق مرات بسياجه
وش اعتذربه وش اللي كان مغويني=? ? انتج اللي تها ون جزء بنتاجه
حلمي اوفي جميع اللي يبريني=كل واجب لازم اوفيه بدراجه
صوم0 وصلاه. ولاأمر الله. مطيعيني=والدين معهم تفاسيره ومنهاجه
ياالله عفوك بيوم القاك تجزيني=نفسي الرحمتك يا المعبود محتاجه
وها هو زوج عابرة سبيل ابو عيالها 00 يرد عليها بهذه الابيات


وها هو زوج عابرة سبيل ابو عيالها 00 يرد عليها بهذه الابيات

التي تنفطر منها القلوب وتدمع منها العيون باحاسيس صادقه

رحمك الله يا عابره وأدخلك فسيح جناته 00000



حاولت أنام وحاربت عيني النوم
وجريت صوت مثل صوت الذيابه

الجفن كنه صار ضايق ومهزوم
ودموع عيني مثل رش السحابه

على وليف قالوا اليوم مرحوم
فارق وراح وما تهنى في شبابه

زرت القبور اللي على بعضها ارسوم
وخطيت رسم فوق ذيك النصابه

قلبي من الدنيا عليه مرسوم
والرسم توه عقب خط الكتابه

أحبها مير القدر صار مقسوم
ويحبها كل الاهل والقرابه

الموت أخذها واودع القلب مثلوم
جرح عميق مايداوي صوابه

الموت أخذ شجعان وارخوم وقروم
وأخذ رسول الله وباقي الصحابه

الله يرحمها

ابداااااااااااااااع

الله يعطيك الف عافيه


حاولت أنام وحاربت عيني النوم
وجريت صوت مثل صوت الذيابه

الجفن كنه صار ضايق ومهزوم
ودموع عيني مثل رش السحابه

على وليف قالوا اليوم مرحوم
فارق وراح وما تهنى في شبابه

زرت القبور اللي على بعضها ارسوم
وخطيت رسم فوق ذيك النصابه

قلبي من الدنيا عليه مرسوم
والرسم توه عقب خط الكتابه

أحبها مير القدر صار مقسوم
ويحبها كل الاهل والقرابه

الموت أخذها واودع القلب مثلوم
جرح عميق مايداوي صوابه

الموت أخذ شجعان وارخوم وقروم
وأخذ رسول الله وباقي الصحابه


جآآآآري حفظها بالجوال

من افضل ماقريت

صح لسانها وسلمت يمينك ع النقل

يسلموووووووووووووو

يعطيك العافيه على الطرح الرائع شكرا لك

عاطل الباحه .... وين دميتي .... بو تريمس ...... كلك حركات

بيض الله وجيهكم وعشاكم ذا الليل عندي ******** قاعد في بيت ابوووه ههههه


تشرفت بمروركم اخواني وحياكم الله

أنتم تحبوني وأنا أحب ثاني
واللي أحبه باغي ٍ ناس ثانين
هذا ابتلى فيني وهذا بلاني
واللي بلى مبلي وباليه مسكين
أنا ترجيته وغيره رجاني
والمشكلة ما ينقل القلب حبين
سهوم تجمع بين قاصي وداني
ياليت لسهوم المحبة قوانين
هذا ينوح وذا جريح يعاني
هذا قتل هذا ولا هم دارين
وهذا كتم سره وهذا علاني
الله أكبر يا جهاد المحبين

رووووووووووووعة

المشكلة ما هيب هذي ولا ذيك
المشكلة لا حبت العين طايش
تزعل ويضحك وان تبسمت يبكيك
الموت جاك وهو بالأفراح عايش
تناقشه يزعل ، تداريه يشقيك
ترقع شروخ ويطلعن لك درايش
ما ينتراضى وبالزعل ما يراضيك
والصبر يثر بالقلوب الهشايش

وهذه كمان رااااائعة

عوافي

حيااااااكم الله