ياجماعة متى راح تطلع النتائج.

خلونا نتناقش على اختبار المحاسبه هنا

السلام عليكم

الف الف مبروك للمقبولين مبدئيا..
الله يرضى عليكم اي احد عنده فكره عن الاختبار كيف حيكون يقلنا عليه هنا
ارجوكم لان من الان انا متوتره

السلام عليكم


ماخلاني اسجل الا مصلحة الزكاة ،،

انا رقمي من ضمن الارقام اللي طلعت لاكن مادري وش نسوي كل اللي اعرف ان السبت نودي الاوراق للادارة وبس ،،

وش سالفة الاختبار ماجاني شي انا


ياليت احد يفيدنا ،، ولو فيه اختبار وش طريقته ووش نذاكر ( محاسبة ) ،،


والله الموفق

مو معقول حذاكر محاسبة متوسطه 1 و2 وماليه 1 و2 ومراجعه المواد مرا طويله
اكيد في مواضيع مهمه نركز عليها ياريت اللي عنده فكرا يقلنا عليها

فتحت كتاب محاسبه متوسطه 1 وجاني الهم بليز خلونا نشجع بعض

اخ يوسف.. بعد مطابقة الاوراق حيكون في اختبار محاسبه على حد علمي عشان كذا كلنا مجتمعين للمراجعه

الله يستر ،، ياااا هالاختبارات ملاحقتنا بكل مكان :@

لاكن ماقول الا جزاك الله خير على المعلومة ويالله ان شاء الله تتسهل لنا يارب ،،

قريت بالرابط حق السنه اللي راحت

في ردودهم

كاتبين النتايج مبدئيا ظهرت وكان تاريخ الرد 28-6-2010

وبعدين جات وحده وردت بعد فتره ان الاختبار كان صعب وكان بتاريخ 15-7-2010

يعني لو انهم نفس الشئ هالسنه

فبمجرد ماينتهي الاسبوعين حق المطابقه راح يكون فيه اختبار

+++++++++++


وكاتبين الاختبار صعب

لكن اللي حطمني

هالرد

اقتباس:

المشاركة الأصلية كتبت بواسطة محاسب قانوني1 ياشباب هونو على انفسكم انا تخصصي محاسبه ومعدلي حلو ومجتاز مادة الزكاة والضريبه من الهيئة السعودية للمحاسبين القانونيون والرخصة الدولية لقيادة الحاسب الالي وخبرة سنة في مكتب محاسبة على تدقيق القوائم المالية واعدادها ومع ذلك ما قبلت الله كريم

بسم الله الرحمن الرحيم

اقتباس:

المشاركة الأصلية كتبت بواسطة رعبوب الحمام الاختبار السنه الي راحت كان اسئله محااسبيه على شكل اختيار متعدد كانت اسئله سهله وبعد الاختبار مباشره المقابله الشخصيه يعني كلها يوم واحد او تكون المقابله في اليوم الي بعده عاد انت وحظك موفقين

اقتباس:

المشاركة الأصلية كتبت بواسطة فيلسوف المحاسبه خذوها نصيحه لاتذاكرون الامحاسبه متوسطه1و2 ومتقدمه ومراجعه غيرها ماراح يجيك شي خصوصا وظيفه مساعد محاسب انا انصدمت في الاختبار لاني توقعتهم يجيبون اساله عن الزكاه ولا الضرائب او على الاقل محاسبه حكومية ولكن والله ولافقره عنها حتى المقابله ماطروها المهم الاختبار يعتمد على الذكاء والفهم فحاول تفهم السؤال صح وتفكر فيه مثال : ماهو التأثير على اجمالي الاصول المتداوله في حاله سداد بعض المدينون نقدا ؟؟* الجواب بديهيا بالزياده بس ركز شوي ولاحظ ان السؤال عن اجمالي الاصول المتداوله خصوصا انهن دفعوا نقدا يعني انتقال مبلغ من بند المدينون الى النقديه فما راح يكون فيه اي تاثير على اجمالي الاصول المتداوله فالجواب هو لاتاثير وهاذا السؤال تكرر مفهومه اكثر من مره فاتمنى منكم التركيز وباذن الله بارجع اكتب باقي الاسئله اللي اتذكرها

اقتباس:

المشاركة الأصلية كتبت بواسطة رعبوب الحمام الاسئله اختيااريه يعني يعطيك سؤال واربع اجابات وتختار الصحيحه هذا الي جاء السنه الي راحت لا مافيها تعمق اغلبها اساسيات محاسبه طبعا مهيب عن الزكاه ابد وارجع واقول هذا الي كان السنه الي راحت ولا هوب اكيد يتكرر بالعربي كلها وترا المعدل مهم في القبول المبدئي السنه الي راحت قبلو حتى 3.50

اقتباس:

المشاركة الأصلية كتبت بواسطة فيلسوف المحاسبه الاسئله في الاختبار فيها نظري وهي في ماده المتقدمه والمراجعه وكانت الاسئله اللي اتذكرها عن السندات وعن ماهي الطريقه اللي لو تم تغير سياسه المنشأه في التقييم لترتب عليها تعديل للقوائم الماليه للسنوات السابقه والاجابه هي التحول من طريقه لايفو الى فيفو كذلك جتنا اساله في المتوسطات وكانت الاسئله عن طرق الاستهلاك الثابته ومجموع ارقام السنوات فمثلا لو كانت المنشاه تستخدم طريقة القسط الثابت لاصل وقدرت قيمته الخرده ب5000ريال وتكلفته 50000وعمره الانتاجي 9سنوات فماهي تكلفه الاهلاك السنوي الاجابه هي 50000-5000/ 9 =5000 ريال علما بان السؤال لم يكن مباشر يعني مككن يعطيك جميع البيانات ويطلب التكلفه ويمكن يقولك انه تم تغير الطريقه بعد مضي 4سنوات وعلي هالموال المهم انكم تفهمون الاستهلاك صح بحيث لو سالك اي سوال تكون عارف كيف تطلع النتيجه كذلك فيه سوال عن خصم الكمبيالات لدى البنك ويطلب منك كم قيمه البيع او قد يطلب منك كم الخصم اللي اعطاه البنك لصاحب الكمبياله وباذن الله اي سؤال اذكره بارجع اكتبه

اقتباس:

المشاركة الأصلية كتبت بواسطة فيلسوف المحاسبه اكثرها كان في المتوسطات ام المراجعه كان سؤالين من 30سؤال في الاختبار التحريري لكن في المقابله ركزوا فيها وسالوني عن معيار توحيد القوائم وعن الشركات القابضه وعن طريقه التكلفه و حقوق الملكيه فقط

اقتباس:

المشاركة الأصلية كتبت بواسطة فيلسوف المحاسبه الاختبار بالعربي وبيجيك ثقافه عامه واساله في التخصص

اقتباس:

المشاركة الأصلية كتبت بواسطة فيلسوف المحاسبه بالنسبه للمقابله كانت الاسئله مالفرق بين المخصص والاحتياطي ؟وماهو مصادرها ماهو معيار توحيد القوائم الماليه ؟ ماهي حقوق الاولويه؟ ماهي عناصر قائمه الدخل؟ ماهي الدوره المستنديه ؟ ماهي الدوره المحاسبيه ؟ ماهوالفرق بين المصروفات الايرادية والمصروفات الرأسماليه؟ ماهوالفرق بين الميزانية والموازنة؟ ماهي المصاريف المباشره والغير مباشره ؟ ماهو الفرق بين الميزانية والمركز المالي؟ هاذا اللي اذكره سألوني فيه واذا ذكرت سؤال اخر باضيفه

اقتباس:

المشاركة الأصلية كتبت بواسطة فيلسوف المحاسبه في اساله المقابله كانوا يسألون واذا جاوبت يتعمقون اكثر حتى يشوفوا انت فاهم ولا حافظ في اساله الاختبار ذكرت سؤال عن تصنيف المصروف ايرادي او راس مالي على فيمه الاصل فحاولو تعرفوا متى يكون المصروف ايرادي او راسمالي

اقتباس:

المشاركة الأصلية كتبت بواسطة فيلسوف المحاسبه اولا اخوي تخصص المحاسبه انا ذاكرت محاسبه حوكمية ومحاسبه ضريبه وزكاه ولكن للاسف ولافقره جتني منها لافي الاختبار ولافي المقابله فالاختبار كان لي صدمه لاني ماتوقعته يجي بهالشكل ولكن الحمد لله ربك يسرها ثانيا التصفيه اللي اقصدها وانا خوك هي انهم يحذفون المتقدمين اللي ماتطابقت شروط الوظيفه فيهم وقد يحذفون اللي معدلاتهم منخفضه او اللي مده تخرجهم قديمه وبعدها بيرسلون لك رساله على الجوال والايميي بقبولك مبدئيا ويطلبون منك مطابقه البيانات الشهاده وصورع البطاقه بعدها بيسون تصفيه مره اخرى على حسب المعدل وحداثه التخرج وبعدها يبلغون المقبلوين منهم بترشيحهم للاختبار وبعد الاختبار والمقابله يختارون الافظل في المعدل ودرجه الاختبار ودرجه المقابله العام اللي راح سمعت ان اللي ماقدمين 13000!! واللي وصلوا لمرحله الاختبار 200 بعدها اختاروا 48 متقدم فانت اجتهد والرزق بيد رب العالمين ثالثا لايوجد حد ادنى فهم بيتشرطون كل ماكان عدد المتقدمين كثر زي ماحصل لي العام اللي راح لكن العام اللي قبله كانو اللي دخلو الاختبار اقل من العدد المطلوب فقبلهم كلهم رابعا مهوي صحيح انه اقل معدل كان 3.5 انا اقل من كذا ولله الحمد قبلت ولكنهم يعتمدون على المعدل ودرجه الاختبار والمقابله فجميع من قبلو لاحظت معدلات اغلبهم من 3وطالع ودرجاتهم اغلبهم فوق 20 من 30 فهاذا دليل على ان اباختيار كان على المعدل والاختبار ودليل على ذلك اثنين من اخوياي معدلاتهم فوق 4 ولكن ماوفقوا في الاختبار ولم يتم قبلوهم خامسا لاتتعب نفسك في المراجعه افهم الاسئله حقت المراجعه اللي كتبتها واجهدك نفسك في المحاسبه المتوسطه والمتقدمه فهي زبده الاختبار والمقابله بالتوفيق

اقتباس:

المشاركة الأصلية كتبت بواسطة فيلسوف المحاسبه بعدين الاسئله في المتقدمه كثير ذكرتها في الردود السابقه لكنها ماهي اكثر من المتوسطات لان المتوسطات كان فيها نظري وعملي لكن المتقدمه كان نظري

اقتباس:

المشاركة الأصلية كتبت بواسطة تخصص المحاسبة هل فيه اسئلة عن محاسبة الشركات من حيث اصدار الاسهم والاكتتاب به وطريقة توزيع الارباح عن الاسهم والسندات وطريقة توزيع الارباح والانضمام مع شريك وشريك اخر ؟؟؟؟؟؟ وهل فيه عن الاحتياطيات من حيث الاحتياطي القانوني والاحتياطي العام واحتياطي ارباح من حيث تعريفهما وكيفية طريقة حسبتهما

اقتباس:

المشاركة الأصلية كتبت بواسطة فيلسوف المحاسبه ارجع للردود وتلقى الاسئله والمواضيع اللي تركز عليها هي طرق الاستهلاك الثابت ومجموع ارقام السنوات السندات الكمبياله وخصمها لدى البنك المصاريف الايراديه والراس ماليه والمحاسبه المتوسطه تلقى مذكره للدكتور أيمن شتيوي في مكتبه الجامعه كليه اداره اعمال ومكتبه القويفل على طريق الملك عبدالله امام بوابه جامعه الملك سعود *

اقتباس:

المشاركة الأصلية كتبت بواسطة تخصص المحاسبة في وحد من الشباب اختبار العام الماضي مو عام 1432 اختبر عام 1431ه واتت ليه اسئلة عن الزكاة والضريبة واتت اليه عن التكاليف واتت بعض الاشياء عن تحليل القوائم المالية التي تم دراسته في مقرر المالية الاتي فيه النسب عن نسبة السيولة ونسبة المدينون ونسبة الارباح مع العلم انه مو حق التخصص حق المختصين في المالية وكان الاختبار سهل حيل حيل الي سمعته من الي اختبر واتت سؤال عن اهمية الزكاة من الناحية الاسلامية والاقتصادية يالشباب ارجو من الي يعرف عن طريقة الاختبار يكتتب لنا حتى نستفيد

هذي الردود اللي تخص الاختبار في هذا الموضوع جمعتها في موضوع واحد

ويطلبون منك مطابقه البيانات الشهاده وصورع البطاقه بعدها بيسون تصفيه مره اخرى على حسب المعدل وحداثه التخرج وبعدها يبلغون المقبلوين منهم بترشيحهم للاختبار وبعد الاختبار والمقابله يختارون الافظل في المعدل ودرجه الاختبار ودرجه المقابله العام اللي راح سمعت ان اللي ماقدمين 13000!! واللي وصلوا لمرحله الاختبار 200 بعدها اختاروا 48 متقدم فانت اجتهد والرزق بيد رب العالمين


^^

ماني مذاكره الا بعد المطابقه من جد تخيلوا اتعب ويقولون مع السلامه