28-02-2012, 09:29 PM
|
|
Guest
|
|
تاريخ التسجيل: Jul 2011
الدولة: بيتنا
المشاركات: 839
معدل تقييم المستوى: 0
|
|
هلا اخوي الوفل
النقطة الاولى : امتناع مدير اي دائرة عن التوقيع .
[glint]اخوي تقدم بشكوى للي اعلا منه وخذ رقم الشكوى وتابعها انت بنفسك وشف النتيجة[/glint]
مقتبس من كلامك اخوي : ( أنا قلت لك السبب الرئيسي التعقيدات الحكومية يأخي أذا على توقيع فقط توقيع تأخذ ما يقارب الأسبوعين وش تبي يسوي صاحب المشروع أكيد بيشوف له طريقه ثانية)
طيب صبر الين طلع الاوراق وخلص كل شي وقبل المشروع شيي مو منطقي
لا كن السبب الحقيقي من وجهة نظري هو متلخص في ها التجربة
[read]انا فتحت محل سوبر ماركت بديت اجيب البضاعة طيب وش هي البضاعة ووش هي الكمية ومن وين اجيبها
تدري ليه اتعب نفسي اسال العامل واكلفه بكل ها المور
طي بجاب العامل البضعة وانا دفعت الدراهم كذا نقول حلو
بدينا نبيع وبدا نشاط المحل بديت احاسب جلست فترة الصبح ماش زبائن والجلسة مملة اروح البيت احسن وتعال يا بندو امسك المحل
راح الصبح وراحت الضهرية وجت العصرية جيت المحل
بندو بعت شي
ايوه عمي طيب سجلته بالدفتر ايوه عمي وصدقت ابو هنود ولا كلفت خاطري ونفسي اخذ لفه بالمحل واشوف
جلست ساعة ساعتين ثلاث والله طفش والحركة ماش احسن لي اروح اغير واجي
بندو المحل عندك
رحت ولا جيت الى بعد المغرب العامل قابلني ويقول عمي ناقص لبن مراعي حليب مجفف بطايق سواء
طيب وش المطلوب
المطلوب عمي لا زم جيب بضاعة
طيب جيب ليه ما تجيب
عمي فلوس مافيه انت كل يوم يشيل فلوس
خلاص كم تبي
2000 كفي
دوك هذي الفين ريال وكمل الناقص
اليوم الثاني بندو جبت كل اللي ناقص
ايوه عمي كل شي تمام
ايوه عمي
وكل يوم على ها الحال
وانا مثل الاطرش في الزفة مير رايح جاي ادربي راسي ما ادري وش اللي يسير بغيابي
ما اجرد البضاعة على الاقل كل اسبوع مرة
ولا انزل البضاعة بنفسي واشرافي
ولا اقفل الحساب يوميا واشوف اذا فيه عجز ولا غيرة
مر شهر شهرين
بندو عمي انا ما يبغى شغل هنا
ليه سلامات وش عندك
عمي انا يبغى شغل برى
انت لازم شغل هنا
لا عمي انا يروح ويجي نفر ثاني
المهم ان المليح راح وجا ابن اخية
ثاني يوم عمي يبغى 20000 ريال
ليه يا مال الطاعون
عمي هذا كله صاحب بضاعة يبغى فلوس لبن يبغى معلبات يبغى بلاستيك يبغى
انت وش تقول
ايوه عمي انت ينزل بضاعة كله تكت يعني بالدين
بندو سرق الكاش ومشى شغلي بالدين
والله انا ما عندي دراهم وش اسوي
عمي ما فيه خوف انا يشوف طريقة
تكفى يا شكيل لا تخليني
لا ما فيه مشكله عمي انا يشوف طريقة
يومين وشكيل جاي وبيده شاه
ايوه عمي هذا نفير يبغى شيل بقالة
كيف يشيل بقالة مافهمت
انت عمي يطلع برى وهذا نفر يمسك بقالة
وبعدين
بعدين عمي هوا يعطي انته 2000 ريال كل شهر
اقوم غصب عن ابو طوايفي لاني استاهل اوافق مجبر اخاك
وبعد ما يمسك جاه المحل
يومين وامر ابي بريال ماء
اطالع والى والله بندو وشكيل وشاه كلهم ما سكين البقالة والشغل عال العال
وكل على حساب ابو شماغ وطاقيه ها الرزة[/read]
اعتقد من ها التجربة وضحت الصورة واللي هي الدارجة والمتبعة عند كل اجنبي مسكت السعودي بطفسة كل نهاية شهر
يجي غشيم يتعلم
يتمسكن حتى يتمكن
وبد ل ماهو عامل صار صاحب المشروع كله
والسعودي يمر كل نهاية شهر ياخذ مصروفة من عاملة
اخوي تبي تشوووووووف الفرق الحقيقي بين الاجانب صح
شف الاجنبي اللي جاي على كفالة شركة
وشف الاجنبي الى جاي على كفالة سعودي وتلاحض الفرق
الشركة تكدة وتلعن ابو خيرة ولا له الى راتبة ولا تسفير ويجي غيرة
الي عند السعودي لو ينفخ فيه السعودي اللحين ساعة وهو يراضية وياخذ بخاطرة
ياعيني عليكم يا السعوديين طيبين مررررررررررررررررررررررة
حبيبي سياستي
[read]اذا لي شي عند حكومة ولا عامل ولا اين كان يكون اخذه من وسط عينة
واللي له عندي شي او حق يبشر به قبل يرمش له جفن [/read]
بالعربي العقد سنة المتعاقدين ولا لك عندي يا الاجنبي الى ما اتفقنا عليه
تشتغل وانت ما تشوف الدرب مثل ما اتفقنا والي لك تاخذه تقول
لا
خذ عفشك ودرب عمك تدلة ويروح ويجي غيرة
بس تكفى لو السعودي ما يحط راسة بشي الى بعد ما يدرسة صح ويعرف اللي له والي عليه
ويعرف اسرار كل لعبة صدقني يبطي الاجنبي يلعب علية
اخوي ابي اللحق الصلاة لاكن اباختم
واقول
[type=578163]ما فيه سعوديه للسعوديين [/type]
اسال الله لنا ولك التوفيق والرزق الحلال
وتقبل مداخلتي ولك شديد الاحترام والتقدير
|
العرض العادي
