السلام عليكم ورحمة الله وبركاته



بسم الله الرحمن الرحيم







الحمدلله والصلاة والسلام على رسول الله وعلى آله وصحبه أجمعين







اخواني انا طالب جامعي باقيلي سنتين بأذن الله واتخرج من الجامعه والحين قدمت علي العسكريه وانقبلت ولله الحمد هل اقدر أأجل سنه من دراستي والتحق بالعسكريه واكمل دراستي انتساب؟ لان مقهور مابغي تعبي في الجامعه يروح هدر

وهل اقدر بعد ماخلص من الجامعه اخذ رتبه ضابط ولا لا؟

وعليكم السلام ورحمة الله وبركاته
موفق أخي ..ينقل للقسم المناسب~|ْ|

كمل يبوي ولاحق خير وفرصتك لدخول السللك العسكري تكون اقوى

يارجال كولها سنتين وتاخذ جامعه ما اذا وضعك المادي سيئ
وتبها روح اما تبي وضيفه وبس انصحك كمل جامعه والله هالايام
ثانوي وحاسب ما صارت تخارج كولهم يبون دبلومات سنتين انت احسبها
من بعيد لاتحسبها من قريب تحياتي لك

أخوي خلك في جامعتك وهي كلها سنتين و روح العسكريه..
أذا الله ماكتب لك تصير ظابط تصير رقيب و الله يوفقك..ويوفق جميع المسلمين..
موفق بإذن الله ... لك مني أجمل تحية .

بسم الله الرحمن الرحيم

وعليكم السلام ورحمة الله وبركاتة

اذا مالله حداك على الوظيفه كمل دراستك ولاحق على الوظيفه اذا ظروفك زينه كمل ياخووووكـ ترى كل اللي باقي لك الا سنتين والله تهوووون
لاتقووولي وظيفه جاتني لابد اتمسك فيها ... ادري وانا اخووك ان حن بزمن مابه وظايف لكن ماتدر وش الله كاتب لك

اما اذا ظروووفك تحدك على الوظيفه لا والله اقلك رح ودربك تساهيل

شف انا بعطيك قصه حصلت لي
يمكن حوالي قبل خمس سنوات تزود او تنقص الله واعلم رحت انا واحد من ربعي للقاعدة الجوية نقدم طبعا بالثانوية جــــــــــــــــــــنــــــــــــــــــــــــــــ ـــــــــــووووود ولكن على خبرك ماعندنا واسطة ومسكووونا الباب بسبب الطول والله ثم والله ان الاعمى لو يشوفنا كان يدخلنا من دوون مايقيس طولنا المهم طال عمرك قال خويي لي وش رايك نكمل دراسة ودخلنا كلية التقنية اللي العرب تهج منها وتقول مالها مستقبل المهم هو دش تخصص وانا دشيت تخصص وتخرجنا
هو راح يكمل دراستة للبكالوريوس بالرياض وانا تخصصي مافي تكميل
المهم الرجال تخرج واخذ الشهادة واللحين طال عمرك بالكلية الامنيه يعني يتخرج ملازم

اللي ابي اوصلة لك وانا اخووك كمل دراستك وماتدري عن اللي كاتبه الله لك يمكن بعد الجامعة تقدم على الامنية وتنقبل

والله يكتب لك كل خير

اخــــوكـ/// حديث النهاية

كمل دراستك الجامعيه احسن لك سنتين بتمشي بسرعه
والله يوفقنا وياك يااااارب

باقيلك سنتين تعدي هواآأآأآأآا

جملهااا وان شاء الله ماراح تنتدم لأنك أنت قلتها لو تركتها مالك غنى عنها راح ترجع لها

واذا تخرجت ان شاء الله راح تتشرط وتختار القطاع اللي تبي برتبه أفضل

تحيااااتي

والله ي اخوي انصحك تكمل الجامعةة افصل لك بكثير من جندي اول بكره تاخذ الجامعه وتدخل الامنية