[align=right]بائع العطورات الجوال في الاسواق :
تمر من جنبه ويرش لك العطر في ورقه او في يدك وتمشي في السوق وريحة العطر فواحه وتلاحظ بعد وقت ان الريحه قوية وترجع وتشتري العطر بسعر رخيص وترش منه ولا تاخذ معاك الريحه دقائق والسبب ان العطر اللي رش لك منه هو الاصلي واللي باعك هو المغشوش ولو تقول له ابغى العطر اللي ترش منه حتى لو ناقص نصه ابغى اشتريه ما ابغى جديد وتلزم عليه يرفض لأن اللي في يده أصلي بسعر ما فوق 100 ريال واللي يبيعك هو مغشوش ورخيص يشتريه بخمسة ريال .

البنقاليه وشيطنتهم :
يمر بعض الزبائن في الاسواق والمحلات ويشوف الاسعار متفاوته وما يعرف ايش السالفه ويمر على بنقالي شكله مسكين مثل العادة ويسأله عن البضاعة المعروضة على باب المحل ويكتشف ان اسعارها رخيصه ويدخل ويشتري ويظن ان هذا المحل رخيص وهو العكس يعرض البنقالي البضاعة اللي في في بداية المحل بسعر الجملة اللي يشتريه ليظن الزبون ان هذا المحل رخيص واذا دخل الزبون يزود عليه في الاسعار للبضاعة اللي داخل المحل اكثر من المحلات الاخرى .

النظارات :
للاسف حتى اكبر الخبراء في هذا المجال لا يميزون الاصلية من التجارية ولو تعرفون ان سعر النظارة المقلدة حوالي 35 ريال وتدخل لمحل النظارات لتشتري ويقول لك البائع هذه اصلية وشوف العلامة هنا والمقلدة علامتها تختلف وكله كذب × كذب للأسف هذا سوقنا وتلاحظ ان السعر عند المكاسرة ينزل معك من 250 ريال الى 70 او 50 ريال وتجد البائع يرمي لك بسعر عشوائي ولو دخلت عليه بعد كم يوم تجد سعر اخر أقل أو أكثر وهذا لانها ليس لها سعر معين مشتراها 35 ريال ويبيعها لك 250 او 200 او 150 وهي بالطبع مغشوشة ومقلدة بشكل انك لو وضعتها بجانب الاصلية لا تجد اي فرق وما هو موجود في سوقنا مغشوش بنسبة كبيرة جدا ولا أبالغ اذا قلت لا يوجد اصلي .
في USA سجن احد التجار لمدة 20 سنة لأنه احضر ساعات مقلدة من الصين لماركة مشهورة وغالية جدا ولأنه له سنوات وهو يغش الزبائن وعندنا ما عندك أحد تدخل على المخلص الجمركي يقول لك بضاعتك مغشوشة ومقلده وله سليمه اذا مغشوشة لها سعر واذا سليمه لها سعر .

العمالة العربية :
اقصد جنس منهم يشتهرون ببيع العطور للاسف يستغلون السعودي بالحلفان بالله بان هذا اصلي واحنا نصدق ومشكلتنا طيبين نادرا ما ننغش في بضاعة ونكتشف ذلك ونرجعها وهذا اللي يخليهم يغشوننا وخاصة في العطورات اذا تروحون لمحلات بيع العطورات بالجملة تتكتشفون ان العطورات المغشوشة 3 درجات من 40 ريال الى 5 ريال وتجدون جميع العطورات المشهورة مغشوشة وخاصة عطورات قزاز وتروح للبائع العربي وتسأله يقول لك والله الاصلي ومن قزاز مع العلم ان قزاز مستحيل أن يوزع عطوراته على اي محل لأن عطوراته خاصه به ولو جاء اي تاجر ليشتري كمية كبيرة لن يبيع قزاز باقل من السعر اللي يبيع للزبون العادي والمضحك ان الفرق بين العطر الاصلي لدى وكيله وبين العطر في محل العطورات العادي 20 ريال ليوهمك انه اصلي يعني عند الوكيل بسعر 200 تجده عند البائع الغشاش 180 وهو يشتريه بسعر 40 ريال والافضل ادفع الفرق واشتري الاصلي من وكيله قزاز مثلا او غيره واغلب العطور المغشوشه تستورد من دبي وببساطه في دبي يقومون بشراء العطر الاصلي ويخلطونه بماده رخيصة جدا تشبه الكحول سعر اللتر رخيص بالريالات ويصنعون من قارورة واحده اصلية الكثير والكثير من القوارير المغشوشة ......
[/align]

بارك الله فيك

المشكله انه ممنوع بيع البضائع المقلده من وزارة التجاره وعليها غرامه وتقفيل المحل شهرين بس الوزاره في نوم عميق
وحتى اشوف محلات كثيره يكتبون عليها لبيع الماركات المقلده هههه عيني عينك .

وبعدين لاتقول قزاز هذا اكبر نصاب واتضح لي ومن تجربه شخصيه انه صار يبيع عطور تعبئة دبي وبنفس سعر الاصلي حسبي الله عليه وغير العطور كل شي صار يصنعه هنا في البلد ويحط استكر صنع في انجلترا

والله معاك حق ياكثر الغش بس الله يعين

شكرا عالطرح