السلام عليكم

انا ادرس بجامعة الملك سعود هندسة عامة مستوى رابع

محتار بين الهندسة الصناعية او الهندسة الكيميائية ؟

الافضل من ناحية

توفر وظائف
رواتب اعلى
مستقبل افضل

وعليكم السلام ورحمة الله وبركاته
بما نك حددت ( صناعيه او كيميائيه )

فالافضل صناعيه

لكن ترى الكهربائيه افضل منهم جميع


اهم شيء تكون عندك اللغه الانجليزيه ويكون مستواك ممتاز فيها


بالتوفيق يارب

الصناعية أفضل ومجالها أكبر والفرص الوظيفية المتاحة لها مستقبلا أكثر

بالتوفييق

الهندسة الصناعية مجالها اوسع وافضل
اتمنالك التوفيق اخي الكريم

اللي اشوفه انا الهندسة بشكلٍ عام مطلوبه في السعودية .. بس بشرط..! معدل مضبوط ..! ما اقول لك لازم ممتاز..؟!
بس لايقل عن جيدجداً .."
والله يوفقك .."

بعطيك نصيحه وصدقني راح تدعي لي طول عمرك
عزيزي أنا خريج هندسه صناعيه ومن أمريكا
وأنا الي أعرف مجالاتها وكل شي والفرص الوظيفيه حقتها
لكن والله العظيم الهندسه الكيميائيه أفضل منها وبمليون مره يا رجل
من جدك أنت تقارن بينهم ؟؟
أنا الي قدمت على جميع الشركات الصناعيه الكبرى والصغرى في الجبيل وكل مكان
المهندس الكيميائي مثل الملك عندهم
مثل الملللللللللللللللللللللللللللللللك
وترقياته أسرع بعد التعيين
والمناصب التي يصل إليها محد يقدر يوصلها أي أحد من المهندسين
عزيزي أنا اقولك كلام حيث أني عملت بالقطاع الصناعي وفي شركات كبرى
وسألت وشفت بعيني ومحد قااااااااااااالي
الهندسه الكيميائيه مطلووووووووووووووووووووووووووووووووووووووووووووووو وووووووووووووووووووووووووووووووبه بكل مكان وعلى أكثر مما تتصور

ورؤساء سابك لو ترجع لسيرتهم الذاتيه فأغلبهم حاصلين عالكيميائيه
والمناجرز في أرامكو أيضا كذلك وأكبر مثال الفالح رئيس أرامكو هو مهندس كيميائي
صدقني راح تدعي والله الهندسه الكيميائيه مطلوووووووووبه بكل مكان وأهم مكان سابك وأرامكو
وإذا تبي تتأكد أدخل الى مواقع هالشركات وايضا كل القطاعات الصناعيه
وراح تشوف الكيميائيه المطلب الأول ثم الميكانيكيه
أرجوك لا تتسرع وفكر



سلام

أماديوس كلامه صحيح فقط إذا كنا نتكلم عن الشركات الكبرى مثل سابك و أرامكو فقط يكون الكيميائي أفضل لكن بشكل عام الصناعية مطلوبة أكثر...

لكن المعروف ان مثل هالشركات عندها الواسطة قبل كل شي أو ان يكون معدلك مره عالي ...

طيب لا قدر الله ماكان عنده المعدل العالي او الواسطه يروح يبسط بسطة في محلات الخضار وش يسوي ...

مستوى رابع , وتبغى تحول تخصص ؟ كيف ؟!
عموما , راح اعطيك الفروقات بين التخصصين .
في البدايه وقبل كل شيء .. الهندسة بشكل عام مطلوبه ..
في بعض الشركات تطلب مهندسين بشكل عام .. يعني من دون ماتحدد التخصص .. وبعض الشركات تحدد التخصص ..
نجي للفرق بين التخصصين اللذي ذكرتهم ..,
انا اقولك ..
الكيميائي : مطلوب ولكن بشكل دقيق - دراسة صعبه - قليل من يميل للتخصص الكيميائي - شركات قليلة و محدوده - رواتب ضخمه - شركاته تكون بعيده عن المناطق السكانيه - سرعة الارتقاء في التعيين في الادارة العليا للشركات .


الصناعي : مطلوب بشكل واسع - دراسة متوسطه - كثيير يميل للتخصص الصناعي - شركات كثيره و متنوعه - رواتب ضخمه - الحرية في الانتقال في العمل الاداري او الميداني - سرعة تقلده لمنصب مدراء الاقسام او المشاريع .

بما انكم خريجي مهندسين
ودي استشيركم بتخصص اداره العمليات ماجستير (master since operation managementايش وضعه بالوظائف الشركات والحكومه خصوصا انه قريب من الهندسه الصناعيه خصوصا اني خريج بكالوريوس اداره اعمال -اداره العمليات والجوده
وحصلت كذا جامعه فيها تخصص اداره العمليات مشترك مع الهندسه الصناعيه
ايش الافضل اداره العمليات ام بحوث العمليات ام سلسه التوريد والتموين supply chain management

كلها حلوة ولها مستقبل مميز

لكن أشوف الهندسة الصناعية مجالها اوسع شوي

لكن اذا تبي نصيحتي .. حاول بالهندسة الكهربائية لانها هي الأفضل