السلام عليكم ورحمة الله وبركاته

بصراحه تامه انا تهمني المواضيع اللتي لها علاقه بالخطوبه والزواج

فودي من كل واحد او وحده

مرة عليه هالمرحله وشلون بدايته وش شعوره الان ؟


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

ببدأ انا اولا:

بدايتي كنا انا وولد عمي رايحين نسوي فحص الزواج لولد عمي وبعد ما انتهينا قعدنا نسولف عن الزواج والامور هذي
المهم ولد عمي يسالني ما في بالك احد من هنا والا من هنا (الصراحه انا في بالي اخته - بنت عمي ) ونسولف ونسولف المهم وقعني في الهرج وقلت له اللي في بالي بنت عمي بس بطريقه غير مباشره المهم قالي خلك من الهرج الفاضي وكلم ابوك وقوله يكلم ابوي يخطبها لك
انا بصراحه توترت توتر غير طبيعي
ورجعت البيت وكلمت الوالده الله يخليها لي واخوي الكبير (غير متزوج) وشجعوني بصراحه

وجاء وقت الجد وكلمت الوالد وكان رده الله يهديه رد يقفل الدنيا في وجهك ورفض (لاني غير متوظف ) وبعد محاولات اقتنع بس بشرط ان اخوي الكبير يسمحلي اتزوج قبله واخوي والله ما قصر قال سامحلك ياخوي

وراح الوالد وكلم عمي

وكان رد الموافقه علي في شهر 10 \1432هـ على المغرب

ومن ذاك الوقت وانا رايح وطي اخوكم في الله صاير رومنسي وما اتابع الا افلام هنديه رومنسيه

بس باقيلي اتوظف واتزوج

ومن ناحية الوظيفه خلاص على وشك (بس دعواتكم)

وعليكم السلام ورحمة الله وبركاته

سوى اضراب عن الطعام لمدة عشر ايام ......ورح يوافق ابوك باذن الله

والله يابعد قلبي الزواج حلو .... وحماسك احلى ., ورومنسيتك اللى قبل الزواج لا تفرط فيها وتضيعها بعد الزواج
اهم شي إذا وصلت ع شي تواصل فيه ., وتبنى حياة طيبه وبيت رائع ., ع اساس قوي .. ادرى شطحت بعيد

وفعلن ابوك معه حق .. انه يمنعك من الزواج بدون وظيفه .,
بس حاول فيه على اساس خطبه وحجز للبنت ...........حلوه حجز .,
وبعدها انت تسير احلى واجمل وتصبح تبحث عن عمل بجديه ., لا وتزيد عندك مستوي الرومنسيه .,
واذا تاخرت الوظيفه ., ياويل ليلك ., يطيح شعرك ., وتبدى تطول عليك الايام .,,

بالمختصر .,
ادرس حالتك الماديه ., وحالة اهلك ., وشوف اللي يناسبك .,
وتوكل ع ربك ., ولا تقدم ع شي الا مسوي له دراسه .,
عيب تاخذ بنت الناس وتجلس انت وياها في هم .. مو زينه في حقك ..

آتمنى لك حياة طيبه ........ وزوجه صالحه ... ورمنسيه رائعه ., وابناء آشقياء .,

موفق بإذن الله ... لك مني أجمل تحية .

مبروووك والله حظك


عندنا ابن امك تشوفها الله يكفينا الشر ،، وعاد شد حيلك توظف واللله يرزقك

أوووووووووووه بقايا عسكري توي انتبه ،،،،،،،،،،،،،،


والله الف الف الف الف الف الف الف الف مبرووووووووووووووووووووووووك والوظيفه ان شااااااء ربي يرزقك بها ،،،،،،،،،،،،،


وعاد لا تنسانا بالعشا

ما شاء الله عليك > ملاهيب نجد

والله يوفقك ويسعدك ويرزقك بالذريه الصالحه

بس انا غير مؤيد للزواج من برا لانه يشتت الاسره في المستقبل وهذا حاصل عندنا

وانا الان بانتظار القفص الذهبي على قولتك بفارغ الصبر

بالتوفيق لك يارب
ماعندي تجربه عشان اقولها
لكن ما اقول الا الله يسعدك معاها

شف حبيبي وربي اللي يصفي النيه ووويبي كل ششي بالحلال واقسم لك من واقع تجربت ناس اعرفهم معاي بالاستراحه متزوجين الحين والله مثلك وويمكن حالتهم اصعب منك بس توكلو على الله وصفو النيه للزواج يحلفون بالله ان انفتحت لهم ابواب مايدرون من وين جت يعني كل شي ميسر له وجته وظيفه وشرا بيت وتحسنت اوظاعه وشف اول داااج بمعنى الكلمه يعني خل التوكل على الله نصيحه من اخوك توكل على الله ماعليك من ابوك ولا من عمك= يعني كلامهم لايحطمك توكل على الله بسسس واهم شي قيام الليل والاستغفار والله توووفق يااصااحبي وعسى الله يسررك لك الزوااج متعه متعه متعه مع اني ماني موظف ولا متزوج بس مثلك انا

بس اخطبهااا اهم شي يعني امسسككها لك وووتتتيسر الامووور صدقني

عسى الله يووفقك وويسهل امووورك

لاتنسسى الصلاااااااااااااااااااااه هي مفتاح ررززقك