الحمدلله فاعل الخير الله يعطيه الصحه والعافيه استاجر لي شقه وكنت مبسوطه اول يومين

ورتحت تفسيا لاكن للاسف تحتها مليون خط سكنت بعماره كلها اجانب كل واحد منهم حاط له خزان بالسطح خاص فيه ويسحبون المويه من العماره واحنا المظلموين مع ان هاذي الطريقه

بسحب المويه ممنوعه واحنا الي تبهذلنا من شهر ونص مانقدر نتروش الا باسبوع مره ولا نروح لاحد الاقارب نتروش وناس بدت تتضايق والمواعين مانقدر نغسلها الا بالاسبوع مره اول ماتجي

المويه بعدها يسحبونها وملابسنا مانغسلها تخيل حياتك بدون مويه وغيرك متمتع وعايش واحنا

نشتري مويه صحه نغسل ونتروش وخساير والسخنات طافيه لانها بتنحرق بدوون مويه

والله مقهوره واكتب وانا انتفض وكلمت المكتب يقول مالي دخل حلوها مع الجيران

والجيران متضايقين عشانا سعوديين بالعماره والله احترت ومدري وش اسوي

حتي الي استاجر الشقه مدري يقدريسحب فلوسه واخذ شقه ثانيه او لا والله لو خيمه وفيها مويه يمكن افضل ياليت احد يقدر يحل مشكلتي اكون له شاكره