الله يوفقك لمايحب ويرضاه وشكرن على النصيحه لكن الحين الوظع متأزم خريجين الجامعه هذاهم جالسين هم ويا شهدتهم وقامو يسجلون في العسكريه خبرك اول كليه المعلمين تتخرج وتلقى وظيفتك في التدريس جاهزه الحين مانقول غير الله يوفقنا بس في اي وظيفه عسكريه

صلي على محمد وبعدين متى ما شعرت انها رزقك والله بترضى واحمد ربك انا عسكري وادرس انتساب ومتغرب
اذا تداوم بين اهلك انت بنعمه والله يا اخوي ماتوصل نص معاناتي من دوام وغربة واشياء كثيرة بس نصيحة من تطلع من استلامك لا تتذكر الدوام وعيش حياتك والله ما احد يحس فيك ولا يسئل عنك واعرف مدرسين يبكون ويتشكون والله كل الناس ماهي مرتاحة وخذ زبدة الكلام ماعليها مستريح

ب اقولك على شي دايم اسويه والله احيانا تضيق بالحيل اصلي ركعتين على طول ارتاح وبعدين اروح للعمال اللي بالمغاسل والبوفيات اقول صديق انت كم سنة مايروح ل اهلك اللي يقول سنتين واللي يقول 3 سنوات عايش ومستحمل انواع الاهانات والمرمطة ولا كفيل فوقها وانت عسكري ما احد يقدر يغلط عليك بدوامك وانا 4 سنوات بعيد عن اهلي الحمد لله اذا اشتقت لهم ب تسليمه انزل لهم 4 ساعات وانا بالبيت والسفريات اذا طلعت برى معروف اغلب الشباب وش يسوون الحمد لله انها معقده السفريات لا خلني عسكري والله اتذكر اول بطاقة شحن ما اقدر اخذها الحين اللي ابيه كله بفضل الله ثم الوظيفة الحمد لله سيارة اخر جوالات اللي نفسي فيه اخذه وب اقولك شغله خوياي كلهم عسكر مبسوطين واغلبهم تزوجوا وفتحوا بيوت وعيال معاهم
فكر بالماضي وشوف حياتك

و الله عورت قلبي و ذكرتني بأشياء .. خلها على الله

أسأل الله عز و جل أن يفرج همك و يشرح صدرك و يرزقك من الخير ما يصلح به حالك و يقر ناظريك بزوجة صالحة و أبناء تفخر بهم في الدنيا و الآخرة

الله يوفقك ويسعدك يا اخوي
وباذن الله ماضاقت الا تفرج ان شاء الله
و العسكريه ترى مافي عسكريه الحين
العسكريه ايام اول الحين تداوم 12 تريح يومين
و الي يداوم 7 يريح يومين يختلف طبعا من قطاع لقطاع
اخوي بالدفاع المدني بجده
يداوم 12 يريح 4 ايام
وان شاء الله تتيسر لك باذن الله
واللله يرزق كل عاطل وظيفه
اممممين

كفى بالمرء كذبا أن يحدث بكل ما سمع

احمد ربك ماتدري وين الخيره فيه

يمكن اذا صرت مدرس يبلاك الله بمرض والا تصير معاق والعسكريه نجاه لك وخيره

ماتدري وعسى ان تكرهو شي وهو خيرا لكم

دامك موظف وتاخذ راتب وبصحتك وعافيتك وتمشي هذا بحد ذاته نعمه احمد ربك عليها

اطلب الخيره في جميع امورك ماتعلم وين رزقك وش مكتوب لك

اذا مالك في العسكريه ومقفله معك عندك خيار تدرس انتساب وتقدم على اللي تبغاه اهم شي معدل عالي

وارجع اذكرك احمد ربك ع الصحه والعافيه وع الوظيفه اهم شي تصرف ع نفسك وتساعد ابوك وواطلب دعاء الوالدين

وتصدق والله يبارك لك في مالك وصحتك وعليك بالصلاه وبر الوالدين

احمد اللة على كل شي خليك في الوظيفة وفي نفس الوقت حاول بكل ما اوتيت من قوة انك تكمل دراستك لانو الدراسة اهم شي في الحياة هيا تخليك مبسوط وهيا تلرفع من مقدارك واحمد اللة انو عمرك صغييرررر واللة اتمنى ارجع بس سنتين على ورا انا عمري 28 سة لا شهادة قوية ولا وظيفة قاعد استنى حافز مرة ينزل مرة ما ينزل نصيحة من اخو الدراسة ثم الداراسة ثم الدراسة اللة يوفقك ويفقك جميع الاعضاء في هذا المنتدى الرائع

بسم الله الرحمن الرحيم ...
اوول شي ترى كرهت الناس بالعسكريه ي خوي هع

وبعدين هذي غلطتك انت جتك الجامعه ودرست فيها لو كملت كان تجي مدرس بسسس غيرك ما معه غير الثانوي وش يسوي ماله غير العسكريه وبعدين فيه قطاعات بالعسكريه راحه فيها
اخوي يداوم اربع ايام ويسلم اربع ايام دواام حلووو
اما اللي بالجيش صح دوامهم كررف ورواتب ماتسوي شي بسس الواحد وش يسووي اذا ما لقا شي شوف نظرت المجتمع حولك اذا كنت عاطل ؟؟
يعني مختصر كلامي .. ! اللي مو لاقي شي لا وظيفه ولا شي لبى العسكريه يروح لو بحرس الحدود
والله اعرف ناس لهم فوق 6سنوات يدورو وظايف في اي شي حتى العسكريه ما قبلتهممم

قل الحمد لله ي شمالي بسسس