وش صار عليك اخي بشرنا ؟

الله يوفق الجميع ويرزقهم الخيرة المباركة

[gdwl]
المشكلة لديك أنك انسان غير متفائل
[/gdwl]
كان لدي صديق
عسكري .. اكمل دراستة ودخل الجامعة والله وفقة المهم اتخصص لغة عربية
ونجح وعدى الجامعة واخذ تربوي والان هوا مدرس
انتا الان جدا وضعك كويس
عسكري ولك راتب وتعول اهلك هذا شي كويس والله يوفقك
اتبع التالي:
1- لا تترك الصلاة 2- كون رضي الوالدين 3- استمر بالدراسة الجامعية 4- اتعلم لغة انجليزية وحاسب اللي
( صدقني ماراح تندم ) نصيحة من اخوك
لو دخلت كلية المعلمين اربع سنوات مرمطة وهجولة
اترك عنك الاحباط الزايد وابدا من الترم الجاي بالتسجيل
والله يوفق الجميع

الله معاك بس لك نظره والناس لها نظرات يكون لك هدف حاول تحققه وما بيجي لك شي الا بعد امر الله وفق الله الجميع

الله يعين ان شاء الله

بعد التحية السلام عليك ورحمة الله وبركاته

كان الله في عوننا وعوونك نعم اخي الكريم

انت محارب نفسيا لاجسديا بل حتى نظرة المجتمع للعسكري دائما نظرتهم انه همجي ... وهل تعتقد ان اكثر المتعسكرين يحبوون العسكرية ولا رغبة
منهم اكاد اجزم انه لو يقف راتب عسكري لمدة شهرين لرأيت لم يبقى احد فيها

ومن تسبب بذالك بيئة العمل التي تحطمك نفسيا وتحاربك اخلاقيا واصبحت للأسف الشديد ملاذ لكل ساقط له لاقط

والسؤال الذي اطرحه // من يقول ان فيها شدة وخشوونه ورجووله ؟؟ ا
هل هو يتكلم عن ماقبل العشرين سنة او الخمسه وعشرين سنة ؟؟ ام ماذا يقصد؟ هي قهر للرجال في قتنا الحالي واعوذ بالله من قهر الرجال
باختصار شديد لا اريد ان اطيل تأكد ان العسكرية تحطمك وتحاربك نفسيا لاجسديا / اجتماعيا / فكريا / اخلاقيا / معنويا / دينيا الا من رحم الله

حتى تجد اثرها خارج بيئة العمل في بيتك بين اصدقائك مجتمعك اسرتك
ولا اكتب هذا الكلام من فراغ

بل من معاناة يتجرعه اقرب الاقارب لي شخصيا مثال بسيط

ولعلي اختم عسكري يبحث عن منزل او بيت ليسكن فيه ويا اسرته كلما دخل مكاتب العقار اول سؤال اين تعمل ؟؟ عسكري ؟؟؟ نحن متأسفون راعي الحلال يحرم على العسكري ؟؟ وهلم جره

الله يفرج همنا وهمك وينفس كربتنا وكربتك وحمانا الله واياك من قهر الرجال

ابحث عن البديل ....

اول شي ياخوي لاتبكي على شي فات
انت ماتدري وش دبرة رب العالمين فيك
ماتدري لو الكلية كان فيها شر كبير لك
( عسى ان تكرهوا شيئا وهو خير لكم )
ياكثر ماكرهنا اشياء وبعد فترة نقول يارب لك الحمد اللي صار كذا
وشي ثاني
ناس كثير تتمنى تصير مكانك ولا تكون عاطلة
الناس ذبحها الفقر والدين
وشي احسن من شي
كمل حياتك وارضى باللي كتبه لك رب العالمين
وتأقلم مع وضعك وانتبه تقارن نفسك بآحد
هم لهم رزقهم وانت لك رزقك
والله يكتب لك الخير يارب
قول امين

الماء المشوي
عضو جديد

المعلومات

التسجيل: Jul 2012
العضوية: 237660
المشاركات: 2
بمعدل : 0.05 يوميا
معدل تقييم المستوى: 0
نقاط التقييم: 50

التوقيت

الإتصال



كاتب الموضوع : شمالي الهوا المنتدى : مشاكلك في العمل
والله انك صادق
العسكريه قرف ومايجيها الا الصايع او المحتاج
واعرف من الجماعه كان بالعسكريه حوالي 7 سنين وكان مهموم ونفسيه زي ماتقول
ودرس بكلية المعلمين انتساب ولما تخرج سحب على العسكريه وله فوق 10 سنوات بالتعليم وحاليا ماشاء الله صار مدير مدرسه

العسكريه تصلح للناس اللي ماعندهم طموح واكثر شيء ينبسط عليها الشباب اللي تربية شوارع وحقين المخدرات لانهم متعودين على المشاكل

بس الصراحه كل الوظائف مافيه راحه
انا مدرس بهجره 80 كيلو عن حفر الباطن وانا من اهل عرعر
وغاسلن يدي من النقل لعرعر بسبب مدير التعليم لان فيه ناس قبلي لهم فوق 7 سنوات ومانقلو عرعر
واسبوعيا 570 كيلو رايح جاي

يعني حتى التعليم معاناه
يرمونك بهجره انت وحظك وتظل فيها سنين

انت على الاقل احسن مني دوامك عند اهلك
__________________________________________________


أقول أستح على وجهك أنا شهادتي حاسب دبلوم وكان طموحي أصير مدرس حاسب لكن مافيه وضيفه ولا قدرت أكمل بكالريوس والحين أبي العسكريه بالمناقيش ولا أنقبلت .,.,يعني أذا دخلت أنا راعي مخدرات وداشر ؟ خاف ربك وأستح على وجهك يابزر

العسكرية قطاع سيء جداً ، وان كان بدأ في التحسن
كثيراً بعد دخول اصحاب الشهادات من ثانوية وما فوق
ولكن يظل كما هو قطاع متجمد وأوامر عمياء لايوجد فيه
طموح أو تفكير..

ولكن بكل تأكيد كل ذلك ينتهي إذا أعتبرتها أنها مرحله
مؤقته لكي تؤسس امورك المالية ومن ثم تتركها ، كما
يفعل الكثير غير مؤسف عليها ..

وأعرف ناس كثير أصبحوا تجار والبعض أتجه إلى وظائف
عليا ، وهكذا ...

الله يعينك يالغالي

اصبر وحاول تدرس ( انتساب ) علوم اداره اي شيء ..
وخذ البكالوريوس ، وكمل عليه ماجستير
والماجستر سهل بإذن الله دامك دافور ..
تقدر تاخذه ب 6 اشهر !!
بس لاتوازي نفسك وخله على حسب جدولك

وبعدها لو حاب تكمل دكتوراه ترى كلها عباره عن رساله

لا احد يحاول يحطمك ، صدقني اعرف ناس ماتعرف يسراها من يمناها ، ماخذه دكتوراه !!

ترى الدعوه سهله - انت واصل وحط هدف براسك وصدقني بتجيبه ..


والله يوفقك يالذييييييييييب ..