ياخوي ليست كل الامور تاتي ع الاهواء


والعسكريه لمن يسخر منها او يردد ابيات عليها

هي اعالت عوائل كثيره وكبيره

نحمد الله


غيرنا يطلع من ديرته يدور شغل

حمدلله ع كل حال

والعسكريه نعمه

وسواء العسكريه او اي وظيفه ثانيه

ع مسؤولك ومكانك

صحيح العسكرية والله كذا واحد نصحني قالي ابعد عنها خلاص
واخرتها قبل اسبوع واحد من اقاربي يكمل انتساب وهو عسكري بس ينتظر يخلص ويقدم ويسحب ع العسكرية
بس احسن مافي العسكرية الرواتب ولكن عند التقاعد ماعاد يكفيك راتبك شي
ياخذون نصه وحتى ع الاقل عند انتهى الخدمة يكرم العسكري ب مليون اقل حاجة
ولاكن يكرم بعدد ايام الاجازات !!!!!!! والله ظلم بصراحة
عكس واحد اعرفة شغال في الاتصالات السعودية يوم تقاعد اعطوة شيك ذهبي ب مليون ريال
والعسكري اذا اعطوه 200 الف حلوة ويحمد ربة فيها !

انا عن نفسي يكفي اخوي والوالد في العسكرية وانا حاليا زي ماتقول جالس اكمل دراسة
واطور مستواي اكثر من دخولي للعسكرية لانوم مثل الاوادم ولا راحة نفسية

العمل في القطاع العسكري الكل يفتخر به ... ولكن قطاعنا للأسف يوجد به بيئة سيئة جداً وغير منظم ورواتب ماهي منصفة وراتب التقاعد مايكفي ... والواحد يدخل سليم ويخرج ..... هذا إذا ماهو منتبه لنفسة ... نصيحتي خطط لمستقبلك جيداً وكمل تعليمك ... والآن الأنتساب متاح في جميع الجامعات وأختر التخصص ألي يفيدك مستقبلاً ... والعسكرية مرحلة وتعدي ... المهم العزيمة والإصرار ... وبالتوفيق

نفس اخوي تعبان منها بالمره لدرجة انه شيب وهو صغير مع انه نقيب بالجيش وعمله على مكتب لكن يقول لازم تشد عليهم عشان يمشون صح يقول بعضهم يدعي عليك طيب هذا عمل وانا مكلف فيه وندم لانه ترك وظيفة ادارية والتحق بالعسكرية حتى انه مخخط ياخذ تقاعد مبكر الله يعينه بس

صدقوني يا أخوان ...
العسكريه ( وصخه ) .... والناس تجامل في الكلام والله عشان ماتنفر الناس منهم والله
خساسه وحقاره لأبعد الحدود والله
محاظر ... جزاء ... توقيف .... نقل ... خفاراات ... ألخ
من غير الكبير يوطى على الصغير والله
ما أقول الأ والله أني ندمان أشد الندم على تركي لكلية المعلمين والله ندمااااااااااااااااااان
وأحاول الرجوع اليها اليوم قبل بكره وبأي طريقه كانت ...
تكفوووووووون لا تجون العسكريه تكفوووووووووووووووووووووووووووووووووووون

انا في الثانوية وافكر اني اصير معلم واتعين في ديرتي لكن لاشفت الطلاب وخصوصا الطعوس
ومعاندهم للمدرسين واذا كان طيب المدرس يشغلونه ويخربون درسه ومشاكلهم وبلاويهم
افكر ادخل كلية الملك خالد العسكرية او الامنية لاني سمعت انهم راح يرجعون النظام القديم
بس لاسئلت المدرسين يقولون نصيحة لاتقربون التدريس والعسكريين يقولون نفس الشيء
طيب اخوي انت ما تحس ان حال الضباط افضل يعني؟

اخوي الغالي ... عاشق ال سعود
صدقني يا أخي الكريم
نفس الحال حتى بالنسبه للظباط والله
اللهم بالراتب فقط !!
أو الكرف والنفسيه والتهزئه من القائد أو المدير دائمآ في وجيههم والله
صدقني يا أخي الكريم وخذها ننصحيه .. مني
( أذا ) كان فيه أكبر منك موظفين وأبوك موظف والحال مستوره ... تكفى تكفى بالشمالي ... لاتقرب للعسكريه ...
خذ لك أقرب مثال :
شف حال العسكري وحال المدني بعد وقبل التقاعد ..
شف النفسيه والأبتسامه
شف الأحترام المتبادل بين الموظف ورئيسه
شف وشف وشف كثيييييييييير
ونصيحه أدرس وفكر بالمستقبل المشرق ... صدقني اللي يهسترون بالمدرس الأن راااااااااااح يندمون أشد الندم والله
تلقاهم أما عاطلين أو عسكريين لاطموح ولاشي ..
تكفى أدرس وأجتهد وأكسر الصخر أكسره بعلمك
وأتمنى التواصل معاك

اقول وش الكلام هذا انا اعرف ناس في العسكريه ومبسوطين مو الكل متضايق لاتحرض الناس وتكرهم في العسكريه
اذا محد دخل العسكريه مين يحمي وطنا الغالي العسكري هو اللي يحمي الوطن افضل من اي شئ ثاني
اذا مافي عساكر مافي امان
كلامك ماله داعي
استغفرالله بس
واتمنى تتقبل كلامي بكل روح رياضيه لصراحتي