انا عسكري وربي نفسيتي تعبانه مير اقويها بلصلاه ولحين عقدو دورة فرد اساس 10/4 وساحب عليهم مارحت ودي افصل وربي قرف راتب خيبا وعسكر ملاحيس وربي قهر

تصبر اخوي كل مشكله ولها حلال صلي وربي يفتحها فوجهك

بصراحه انا حرمه ومااعرف عن العسكريه شي الا بعد زواجي .؟..............

قمة الكرف والاهانه زوجي وصل لحاله من التعب والضغط ماينام ودايم عقاب وجزاء وخفارات .............

والله بصراااحه اتمنى من العسكر جميعا ان يكوونو يدا واحده ليه الانسان اذ صار ضابط حتى لو عمره صغير وغيره جندي مع انه اكبر منه يشووف نفسه عليه وانواع الاهااانات ياااخوي هذا رجاااااااااااااااااال ...... هذا رجل يدافع عن الوطن ...... اتمنى من كل قلبي ان ينظر للعسكر من عدة نوواحي ...............
اولا من ناحية الاهانة من قبل الضباط او من هم اعلى من الجنووود رتب ...........
عدم التعالي والاهانه لهم < لان القهر لاقال الجندي له شي قال الامر العسكري >
ثانياا : تقدير ظروف العسكر وخصوصا الجنوود بحالة ظروف اهله المرضيه
انا زوجة عسكري رفض الضابط يعطيه رخصة اربع ساعات علشان يجي يوديني المستشفى حالة ولادة وانا مالي الازوجي ............ قمة الظلم ربي لايوفقهم انشاء الله ....
رابعاا : حرمان الجنود من السكن الابواسطه بالمدينه العسكريه يعني لازم ايجار ومن زين هالراتب ....!!!!
خامسا : العسكري انسان مو حيووان كثرت المشاريع والكرف الي ماله داعي المفرووض يعطووونهم على المشاريع والدورات زيادة بالراتب على الاقل ...........
سادسا : واهم شي الرواتب الرواتب الي انصح كل بنت ماتتزوج عسكري وربي فقررر في فقرر مع ان العسكري هو اهم موظف للدولة المفروووض الزيادات وتسهيل امووور النقل لمناطقهم يكون للعسكر اولى من اي موظف اخرررر مو كل شي للمعلمين هذاك اول المعلمين الحين ماخرجو لنا الا الله يهدي الجميع بس ,,,,,
حتى الاغلب يجي للمدرسه مو صاحي .... والاغلب فاااشل ومع كذا زيادة رواتب والمكان الي يبيه ينقل له والعسكري يكرف سنين ولا تحصل لا ترقيه ولازيادة ولا يتقاعد وهو ما امن لاهله وعياله حتى البيت ..................


اضم صوتي للأخ العسكريه للاسف ........ماتبي لها الا واحد له دخل وبطرااان ولا مايدخل جندي يدخل معه شهادة يكون ملازم وينفخ على خلق الله هالمساكين ...........

العسكرية مايدخلها الا اللي جبره الزمن عليها
اتحدى اي سعودي تخيره بين وظيفة مدنيه او قطاع خاص وبين وظيفه عسكرية وكلهم نفس الراتب؟ مليون بالميه راح يقولك المدنيه او القطاع الخاص ليش؟ العسكرية معروف ضغط ونفسيه وارهاق وماتتلذذ فالنوم ابد صراحه احسهم عالم ثانيه مثل مايقولو خارج التغطيه ههه يعني العالم كلهم عايشين حياتهم واجازات ومبسوطين عالاخر واذا راح الدوام يروح فايق ومستانس لكن العسكرية عكسها بكل شئ
واللي يقول العسكرية لها ناس ,صحيح لها ناس تتحمل ضغوطها بس تاكد انهم مو مرتاحين فيها ابد

الله يجزاكم كل خير يارب
دعائكم والله تشكرون عليه
وكلامكم صدقوني لن أخليه يذهب سدى بأذن الله سأواصل وأزيد الطموح
ويشهد الله هذا ما فعلته .. كتبته لكم
العسكريه ياناس وصخه والله وصخه
وتكفون اللي له أخوان صغار وفيه أكبر منهم موظف أو ولي أمرهم موظف على الأقل لاتغامرون فيهم والله حرام
خلوهم يكافحون ويدرسون لو تضغطون عليهم بالمصروف لا تعطونهم والله وأمنعوا عنهم كل شي حتى يجيب اللي انت تبي من الدراسه وكافأه
وصدقوني العسكري عايش بخوف من يداوم لحد مايتقاعد والله مزروع فيه الخوف والله والله والله
وبالنسبه للأخت والله كلامك أقسم بالله صدق صدق
تكفون لاتحرموني الدعاااااااااااااااااااااااااااااااااااااااء فأنا في أمس الحاجه له والله

نعم اخوي كلامك صحيح وانا اعرف لذالك قلتلك خذ قناعه ان الراحه بالجنة الي نسئل الله ان يرزقنا بها وبصراحه لو جيت انت تنصحني بقولك انت على العين والراس بس انا كخريج كلية تقنية يجب ان اكون واقعي ويجب ان تكون احلامي واقعيه ولا نصتدم بالاماني الي بالهواء .. لان بهذا الزمن الواحد يبني نفسه على احلام وبالاخير تتبخر لان الواسطة ربما تكون جزء من هدم هذا الحلم .. فالواسطات بهذا البلد مثل الهواء ..

انا تخرجت من الكلية التقنية ولم اترك مكان الا قدمت له قدمت بشركة الكهرباء والتحلية ورفضوني وشركة ارامكو وسابك ورفضوني وقدمت بالوظائف المدنية ومافي اي تجاوب ولعل الخدمة المدنية ومشاكله مع الخريجيين والمماطله الكبيره جدا في توظيف الناس وتعيينهم خير دليل .. فلم يبقى لي ان اكمل دراستي قدمت على كلية المتدربين لكي اكمل دراستي واخذ الهندسه فلم اجد قبول بداعي معدلي ولم يكن امامي الا ان اقدم بكلية التقنية بالرياض ولكن اصتدمت بشرط قاسي جدا وهو انه يتوجب علي دفع 70 الى 90 الف لكي ادرس وانا حقيقه ماعندي ولو عندي هالمبلغ لما درست اصلا بالسعودية كلها .. ولم يتبقى لي الا ان اشتغل باي شغله استر بها نفسي واعيش منها الى ان الله يفرجها وحمدلله قدمت بمكتب العمل وتوظفت بشركة بن لادن وحمدلله وظيفة بجدة ومشي حالك الى ان تجد عمل اخر وبعدها بدأت اقدم على العسكرية لانني انا اصلا غير محب للعسكرية واراها وظيفة صعبه ومقلقه ومطفشه بنفس الوقت قدمت والان منتظر الفرز وانا والله مالي رغبه ولكن الزمن هو من جعلني اقبلها لو ربي وفقني واتت .. يجب ان ارضى بها لان الفرص كلها فاتتني .. وعمري بدأ يكبر شيئا فشيئا واعلم جيدا ان هناك بالثانوية وجد عمل وراحه مالم يجده حامل الماجستير والهندسه وزي ماقلتلك السبب يتعدد كثير واحد اسبابه الواسطه من جهه ومن جهه اخرى واهمها الرزق .. لان الله يقول تعالى بكتابه .. ومامن من دابه بالأرض الأ على الله رزقها ..

ياخي الحلم مشروع لاي مواطن ولاي شخص بالدنيا ولكن الايمان بالواقع هو من يجعلك قنوع وبالتالي مثل مايقولون القناعه كنز لايفنى

لهذا السبب نختار العسكرية وأي وظيفة اخرى لكي نأكل منها ونعيش زينا زي غيرنا ..

فالقطاع العسكري حمدلله ليس بذالك السوء جدا .. حتى انه افضل ببعض الشركات من الضغوطات وساعات العمل وانا شغال ببن لادن واشوف اجانب تغربوا من ديارهم وقطعوا الألف الكيلومترات والله مكروفين على الأخر ومانقول الا الحمدلله على كل حال ومثل مايقولون من شاف مصيبة غيره هانت عليه مصيبته ..

مثلا بالقطاع العسكري هناك راتب جيد جدا وامان وظيفي واستقرار وساعات دوام قليله وبالقطاع الخاص هناك ساعات عمل كبيرة ومافي استقرار ولايوجد امان وظيفي وانا اقولك هذا لانني اعمل بشركة تعد من اكبر الشركات بالشرق الاوسط على مستوى المشاريع والمباني والمقاولات وهي شركة بن لادن ولكن هذه الحقيقه .. وبإمكانك اخي ان تفكر جيدا وتكون قنوع ومؤمن بالله وبالدنيا هذه ..

تذكر اخي ويجب ان نتذكر انه لو فعلا كما صورناه انا وانت بان العسكرية سيئه لهذا الحد لما شاهدنا كثير من العسكر موظفين ومرتاحين وفاتحين بيوت والمثل ايضا ينطبق على الشركات والاعمال الاخرى فكل شخص ولد او خرج على هذه الدنيا ورزقه مكتوب له ويجب ان يحمد الله وان يصارع بهذه الدنيا الى ان الله يكتب له النصيب بهذه الدنيا

وان كتب الله لك السوء وان كتب لك النجاح ماذا تفعل هذا نصيبك ويجب ان تؤمن به بس بالاول والاخير .. يجب ان تكون مؤمن بقضاء الله وقدره ويجب ان تواصل بفعل الخيرات والعباده والصلاة فهي السبب الاول في جلب الرزق والخيرات بهذه الدنيا .. سوء بوظيفة او تجاره او نحوها ..

وبخصوص الشهاده صح كلامك يجب على الإنسان ان يصارع وأن يعمل لكي يلقى نصيبه من هذه الدنيا لان اصلا الدراسه والعلم ليس سبب في توفير الوظيفة لك بل سبب في نير الطريق لكي وجعلك اكثر معرفه بهذه الدنيا ..

وبالنهاية يجب ان تؤمن ان مافي احد بهذه الدنيا مرتاح صدقني وان الانسان مهما اخذ من ثروات هذه الدنيا فلم يرضى وسيكون اكثر طمعا لان هذه هو نفس ابن ادم طماع وان توفير لقمة العيش ليست متوفره بالعسكرية او المدنية او نحوها وانا لو بدالك اصبر بالمكان الي فيه وافكر بفتح مشروع او محل او حتى مؤسسة وتديرها وان كتب الله لك النجاح تفصل من عملك .. لان سيدنا عمر ابن طالب رضي الله عنه قال ان تسع اعشار الرزق من التجاره .. ليست من الوظيفة فبادر لعمل شي بهذه الدنيا واعمل وكل خير وعيش بنعيم ..

تحياتي لك

جزاك الله خير
وبأذن الله سأكافح لأخر شي بأذن الله وتوفيقه يارب
وأبشركم يوم من الأيام بتركها
يارب
لاتحرموني الدعااااء تكفون

السلام عليكم ورحمة الله وبركاته

انا مسجل في المنتدى عشان اسئل سوال واحد بس

سوالي لشمالي الهوا انا حلمي من يوم وانا صغير اني ادخل الامنية

عشان كذا شديت حيلي ودخلت الجامعة تخصص قانون عشان ادخل الامنية ملازم بس من كلامك خوفتني من الامنية بصراحة

انا قاعد افكر احول تربية خاصة او لغة انجليزية اطلع معلم اذا العسكرية زي ما قلتو مهي زينه فابي شورتك وانا اخوك لانه زي ما

سمعت الضباط احسن من الافرد يعني الضباط ما يتمرمطون على الي سمعته

ابي نصيحة وانا خوك ويش تشور علي احول ولا اقعد محلي لاني بصراحة مخي انلحس

و شـكرا لك وبارك الله فيك... لك مني أجمل تحية .