السلام عليكم ورحمة الله وبركاته .

عندي إستفسار بسيط بخصوص التأهيل الشامل والتعقيد في معاملات المواطنين
الموضوع يخص والدتي بدينا من 8 شهور وإبتدا التعقيد , أمي تعاني من ضمور بالعضلات , صرع , سكر
والحمدلله على كل حال في يوم رحنا للتأهيل وقدمنا للإعانه ومالكم بالطويله بين تعقيد للمسائل
وكل شوي نبي تقرير عن المرض وشوي قالو ذاك وجبنا لهم شوي قالو جيبو لنا تاريخ اول يوم بدا معها المرض
يعني من 20 سنه تقريبا ورحنا ندور ونبحث ومن هنا وهنا وجبنا لهم التقرير ومابقى شي على كلامهم الا الدكتوره
ودخلنا للدكتوره وتم الفحص والحمدلله قالت لأمي أمورك مابقى لها شي ابدا الا ختم من الدكتور اللي جبتي منه التقرير وبنصرف لك الإعانه ان شاء الله ورحنا للدكتور وختمنا وجبنا لهم قالو جيبو صور وصورنا وعطيناهم
ومابقى شي وخلصنا ................
شوي طلعو لنا بسالفه جديده ماتاخذين الإعانه الا بعد مراجعه للأخصائيه النفسيه والإجتماعيه ماعرفنا وش الحكمه من هالأخصائيتين بس قلنا ماعليش نصبر سألناهم طيب متى قالو متى مااتصلنا عليكم بأقرب وقت ..
ومر شهر ونص ولا جانا منهم أي خبر والحل يعني ؟؟؟
وإن إتصلنا على مركزهم محد يرد ممكن أحد يوضح لي هذا تعجيز والا قل تقدير والا ايش بالضبط يطلعون روح الواحد لم يطلع له شي منهم !!!!

طبعا انا أتكلم عن التأهيل اللي بمدينة الدمام وياريت القى جواب من اي احد يفيدني . .