صباح الخيرات

عندي محل للوالد فاضي جمبه بقاله صغيره وقدامه شارع فيه حركه نوعاً ما
غربه بـ 200 متر مسجدوشرقه بـ200 متر مسجد آخر
فكرت في فتح محل خضار بهذا المحل واشغل نفسي فيه واحصل لي كم قرش تصارفني
المحل تقريباً 5*6 م وفيه مكيف ولوحه قديمه سأغير مضمونها
السؤال
كم يحتاج راس مال للديكور وماهو شرط افخم نوع ابي شيء على القد و سعر الثلاجه الخ؟
وكم سأحتاج كبدايه لشراء الخضار ؟ وماعي الخضروات اللي لها الافضليه بالطلب وعدم الخراب سريعاً؟؟

مشروعك ناجح بأذن الله لان الخضار سوقها ماشي خاصه تقول جمبكم مسجد هذا شي حلو

التكلفه ماعندي فكره بس اكيد الاخوان مابيقصرون وبيفيدونك

بالتوفيق خيوووو

الله يوفقك خيتي المسجد بيني وبينه حول 200 متر لكن الحي مكتظ بالسكان

نرجوا من الخبراء الافاده عن اسئلتي ؟؟؟؟؟

ربنا يوفقك أخوي ..

بنصحك و أنت أبخص ..

1- الفترة الأولى ع الاقل أول شهر أو شهرين ما راح ينتبهون لك الناس ، لأنهم مو متعودين عليك .. فأصبر أصبر أصبر .

2- شريحتك المستهدفة ( غالبـًا ) هم سكان الحارة أو الحي ، و الحواري الي حولك و الباكستانية و البنقالية الي ما معهم سيارات يجونك كعّابي.

3- خل فيه توصيل طلبات ، و جب لك بنقالي .. بدباب سنفور .. و خله يوصل لك .. بيتصلون عليك الحريم و السكان البسيطين الي حولك ..

4- حط ببالك انك ما راح تكون زي ( بساتين القصيم ) مثلا ، يعني الناس بتجي تخم بالكراتين من عندك الا ما ندر !! يعني شف لك عروض حلوة سوها للخضار و الفواكه عشان تمشي بسرعة.

5- سو لك إعلانات بأول أسبوع .. مر على البيوت و أعلن .. و حط كروكي صغير عشان يعرفونه و رقم جوالك و المحل ، ( يوجد توصيل للمنازل ). و لو حصل تسوي لك ستكرات باسم المحل و رقمك علشان يلصقونه مثلا بالثلاجة و لو يبون شي يتصلون بك أحسن شي .. ترا شعبنا يحب الخدمات ..

6- خل محلك منور المحل المظلم الناس تتشاءم منه .. و خلك بشوش ( لا تتزلف بقوة للزبون كنك تترجاه ، و لا تسوي فيهاا ثقيل و يبرد الزبون معك ) خل العلاقة كأنها علاقة أصدقاء و احترام فيما بينكم ..

7- كل زبون يجيك أسـأله هل ساكن قريب من هنا أو جبها باسلوبك بعضهم يتحسس؟ إذا قال إيه ، قل له سم هذا ستكر علقه على ثلاجتك و أي شي تحتاجونه ترانا نوصل علطول .. و أنت تكلمه و تقول له هالكلام مثلا حاول ترمي كلمات تعلق في ذهنه و تثير اهتمامه مثلا ( إذا عندك عزيمة و تبينا نوصل لبيتك فاكهة طيبة بلغني علطول تجيك نظيفة و طازجة ما يحتاج تدور واجد و نوفر لك وقتك ، و عندنا كذلك المياه نوصلها مرة وحدة لك بعد و اللبن لو حاب .. مثلا لاتاخذ كلامي ههه ) ..

8- أصبر أصبر أصبر .. لا تكبر اللقمة و تغص .. و لا تستعجل فتتعثر ..

و علم جيرانكم و حارتكم إنك فتحت .. بيدعمونك ..

احترم الشخص الي ما يعتمد على وظيفته بالدرجة الأولى .. و يبحث انه يستقل ماليًا


ربي يوفقك و يسدد خطاك

نسبت أقول لك شي .. لا تطول واجد في كثرة الاستشارة و التردد و يبرد الموضوع بسرعة

و تبرد الفكرة .. ترا الخضار ما من تكلفة واجدة مرة .. زبط عمرك و تحرك و لا تكثر استشارات زيادة عن اللزوم و تتشكك

اهلين مقبل الله يوفقك ماقصرت بيض الله وجهك كلام اللي قلته حكككم وواضحه خبرتك الله يجزاك خير
لكن ماجاوبت علي الاسئله اللي لا يهينك و محل مثل هذا كم تتوقع الربح الصافي منه يومياً ولما اشتري البضاعه ماراح اقدر اشتري 10 كراتين من الحراج لأنها يمكن ماتمشي لذلك يكون شراي من البسطات اللي بالحلقه بكميات بسيطه كرتونيين مثلاً من كل شيء فهل هالكلام سلييم
وبالنسبه للنقطه الاخيره فعلا والله عانيت منها ومن اقرب الناس خوفاً علي من الخساره
لكني واثق بالمشروع وسأعمل على افتتاحه في اقرب وقت

مكسبة ذهب
توكل على الله

أخوي .. شف فيه موضوع للأخ _( أناالسعودي ) .. بيفيدك بخبرته و الرجل خدوم ....

http://btalah.com/showthread.php?t=400525&page=3