اسعد الله مسائكم بالخير والمسرات واليمن والبركات


انا شاب سعودي توي مخلص الجامعه بفضل الله ومتزوج ومابي اجلس عاطل وفكرت بمشروع وابي ارائكم

الفكره هي اشتغل بسياره هايس 15 راكب سواء في توصيل طالبات او ممرضات او شغل حر في المواسم

وقدمت على باب رزق جميل لانهم عندهم دعم لسيارات النقل وباقي لي المقابله وهي ان شاء الله الاسبوع الجاي او الي عقبه وحسب ماقال لي الموظف ان تسليم السياره بعد المقابله بشهر تقريبا


ابي ارائكم هل هي شغله مربحه مع العلم اني من سكان المدينه المنوره وابي اشتغل فيها بمدينتي


وتقبلوا تحيتي

وعليكم السلام ورحمة الله وبركاته <~ السلام فيه خير لك ولي ..

ومبروك الزواج <~ ليش ماتعزمنا ..

أخوي أنا من وجهة نظري أبو 15 راكب كبير وماله فايدهـ من خلال تجربتي

أنصحك تاخذ باص صغير من 9 إلى 8 ركاب . اما الباص الكبير حجم زياده على الفاضي يعني مو معقوله بتشيل 15 مدرسه مرا وحده او 15 طالبه مرا وحده ..

الباص الصغير فيه خير اولآ من ناحيت توصيل الطالبات والمدرسات والعبريه ( العبريه مثل توصل احد بشارع لمكان معين ) ارجو انك فهمتها ..

وتقدر تتفق مع كم مطعم حلويات على كل توصيل طلب تاخذ المقسوم وانت وجهدك وتقدر توصل بضاعة خضار او لحوم للمطاعم أو المحلات والافكار كثره بس يبي لك همه وصبر ..


وفقك الله

بالتوفيق وان شاءالله بتعيين خير اذا بتصبر وتشتغل عليه بنفسك ....!!

اخوي قريت الأحد الأخوان ينصحك بباص 9 او 8 ركاب
بس انا انصحك بباص 15 راكب . تستفيد منو اليوم وتستفيد منو بكره

واحد من الشباب معاه باص 15 راكب ويشيل 15 طالبه جامعيه

وكل ماكبر الشي كل مازاد دخلو

موفق بأذن الله

اشكر جميع من رد وانا بأنتظار البقيه

السلام عليكم

والله فيها خير واجد


وخصوصا انك في المدينة المنورة

كلها بركه

وتقدر تدخل عليه ايام الموسم اذا جو الحجاج او المعتمرين للمدينة

والله يكتب لك الرزق الحلال

الله يوفقك ويرزقك من واسع فضله
عليك بالطالبات والمدرسات
وانتهز فرصه رمضان والحج اي فترة المواسم
ربي يوفقك