[align=center]ياخوي ما يحتاج لها خبره
انت تجيب مهندس مصري او اردني متخصص وهو عارف شغله [/align]

[align=center]طيب شوف بنك البلاد تساهم بـ20.000 عشرين ألف
وبعد شهر ينزلونلك الارباح
واذا حبيت تكمل تساهم من جديد وتدفع نفس المبلغ وبعد شهر تجيك الارباح
طبعا يعطونك 10% او 20% من الارباح
دش ع موقعهم انا لقيتها قبل سبوعين وفكرتها حلوه لا تتابع اسهم والا شي
[/align]

ادا عزمت فتوكل علي الله----وبما أن المبلغ دين فلا تغامر بالمبلغ كله خل عندك جزء كبير


وأسال الله أن يرزقك رزق حلال---

ايام العز اشكرك اخوي ع مرورك الكريم


قاتل الاشواق اخوي العزيز والله البنوك شغلها مشبوه وبيني وبينك مابي اخش في شي فيه شك حرام والا لا

يمكن يشغلوناه في الربا وانت ماتدري واشكرك اخوي على تفاعلك

الأســهم ..

لا أوصيك بالشراء ولا البيع .. لكي لا يلحقني شيء ..

ولكــن الســوق جــيد ..

سهــم / بنك إنماء .. مدعوم من الدولة 70% وسعره 11 ريال حاليا .. وبنك اسلامي ..

سهم / اعمار ..

لا اوصيك بالشراء ورأيك يخصك وإنما أحتمال تدبيل مبلغك 80% خلال 6 أشهر ..

انا تعرفت على شخص وقال لي ألعب ع نفسـك .. وكأنك تشتري وشاهد ارباحك

وفعلتها .. وكسبت بالوهم طبعا فقط .. ودخلت السوق الأن وان شاء الله اتوفق ..

لنضرب مقال بسيط فقط .. 170 ألف / 9.60 سهم اعمار تقريبا 17708 سهم لك ..

لو يرتفع فقط ريالين كسبت 35400 ريال تقريبا في أقل من شهرين ..

أتمنى الدعاء لي .. وشكرا

السلام عليكم ورحمة الله وبركاته

مساء الخير
اذا تفكر بالاعلاف

اللى هو البرسيم الاخضر
اهم شى وجود سايق وتريلا
والربح ان شالله مضمون وعلى حسب المنطقه اللى
تاخذ منها واللى تبيع فيها
تحياتي لك

الاخ عوطال الاسهم وانا اخوك تخوف صح هاليومين مرتفع بس والله اخذت درس منها خسرت فيها وهي سبب النكبه الله لايعاقبنا


الاخ اخر كلام الاعلاف يقولون والعهده عالرواي فيها خير ومضمونه بعد الله بس مابه لا تريله ولا سواق

انا افكر اشتري من المزرعه وادور مخزن بس مشكلتي بالتصريف ناس تقول بس قلهم يجيونك ويشترونه ونت ماتخسر ولا ادري اخاف اشتري واتصور جنب العلف

من اى منطقه انت؟

صباح الخيير
اخوي قناعات مختلفه نصيحه لوجه الله لاتحطم نفسك لاني قريت موضوعك وشفت ردودك مره محطم نفسك
ليش ما تتفاءل بالخير مره تقول اتصور جنب العلف ومره تقول اذا خربت السطحه ومره تقول المزرعه ما اعرف فيها شي الجماعه افادوك وماقصروا والتجاره ربح وخساره.. ولنفترض انك خسرت مو عيب العيب اذا وقفت عن التجاره وقلت خلاص ماعاد ابي اشتغل.. ربي يرزقنا من واسع فضله
انا والله اني ناوي افتح محل كافتريا او محل حداده بس راح ادرس الموضوع ويبغالي ممكن اسبوعين لاني مو موضف وهذي امنيتي في الحياااااه اني اكون تاجر وان شاء الله تتحقق لكن خلي املك بالله كبير ولاتياس
وتفاءل بالخير تجده
واذا اقدمت علي شي زي ماقال صاحبنا في رده لك
فكر .. اقتنع.. توكل.. نفذ والله يرزقنا من واسع فضله
والله اني مواصل وتعبان لاني رايح الصباح المحكمه بامي الله يطول في عمرها تسوي لي وكاله علشان افتح محل الله يكتب اللي فيه الخير

هلا بك اخوي اخر كلام انا من اهل الجنوب وساكن على خط الرياض ابعد100كم تقريبا عن الرياض

اخوي النسر المهاجر تسلم والله يوفقك بتجارتك ويعينك ويكتب لك كل خير

الحقيقه ماني محطم نفسي بس الخوف له دور لان المبلغ والله دين اغلبه ويالله جمعته فما ابغى اتورط ابي شي مضمون بعد الله ومربح وتعرف قرض ودين تخلي الواحد ماينام لين يخلص اموره والشكوى لله