طبعا نزلت حافز..

والله لا يسامح من ظلمنا خاصمين مبلغ 1200 ليه ؟؟؟

خصموا الشهر الماضي مني مبلغ 800 قلنا صادقين معليش لاني بالضمان
لكن يخصمون كمان مبلغ طفلتي...284 حرام عليهم


للحق فيني قهر و تحسبت على اللي اقترح الخصم..لانه ما يعرف ظروف الناس و حاجتهم..
صح استلمت شهرين لكن مافرحت فيها كلها راحت ديون..والحين لازم احط من جيبي عشان اكمل 1000 ريال و اسدد هالدين..

لكن الله كريم
الرزق من الله مو من العباد

بلغوني بطريقة الفصل من حافز لانه حرام انتظر معونة و ادفع فوقها..

...

الله يكون بعووونك يااختي..اذا الضمان مو باسمك فسمعت انهم الغو الخصم عليه..

ماادري هل هو باسمك..وطفلتك يعني باسمك هي كمان..؟

طيب مااجربتي تدقين عليهم وتـرفعين عندهم اعترآض عل وعسى تمشي أموووركـ..!

الله يسهل عليك..دعواتي لك..؛

حبيبتي قلتيها الرزق على الله مو عباده

ليه تقولين بفصل من حافز هذا حقك وما تدرين يمكن الشهر الجاي يغيرون الوضع وما عاد يخصمون

مثل ما صار مع ابناء المستفيدين من الضمان خصمو منهم شهر والشهر الثاني غيرو القرار

اعلمي وثقي انا الرزق بيد الخالق وكل ما يأتيك من رزق فهو مكتوب لك عنده

ادعيه واطلبي منه الرزق فلو كتبه لك لن يمنعه كان من يكون

الله يرزقك من واسع فضله

حسبنا الله ونعم الوكيل

ويقولون في الصحف انه خلاص ماعاد فيه خصم والحين يخصمون منك

[align=center]
انا الضمان بااسمي وجاني مسج ع جوالي بايداع مبلغ 1138 يعني اخصمو مني مثل الشهر الاول

ابصراحه هذا شئ ماينسكت عليه اختي كلميهم مالهم شغل في مال الضمان وهو ليس دخل اوراتب شهري تستلمينه من الدوله حسبي الله ونعم الوكيل فيهم الظلاام الجشعين الله ياخذ حقك وحق بنتك وحقنا منهم في الدنيا قبل الاخره

مال الزكاة مالهم دخل فيه الملك ماحدد وقال الي ياخذ من الضمان اخصمو منه ولا حدد العمر حنا عايشين في غابة القوي ياكل الضعيف

الله يورينا فيهم عجائب قدرته والي يقهر ارسلنا لصحف وماشفنا منهم تحرك لايكون خايفين ع اقلاامهم تنلغى

من يكتب معاناتنا ويسمعنا كيف ناخذ ونطالب بحقنا

حنا الفئة المحتاجه الي المفروض يرحمونا مو يذلونا

حسبي الله ونعم الوكيل فيهم

اختي قدمي اعتراض ولاتسكتين نصيحه
[/align]