[align=center]
بالفعل انا فاقد الثقة في نفسي والسبب هم أهلي وبعض المشاكل

حتى أني تأثرت بشكل كبير من هذه الحالة في بعض القرارات اللي تخصني

صار بعض الأحيان .. يجيني أحساس ان عندي أضطرابات داخلية وشخصية ..

لاكن ياليت تعطيني حل لـ هذه الأزمة عشان أتخلص منها وأعيش حياة هادئة مثل الناس .. ؟؟؟؟

الشئ الثاني ماجاوبتني على سؤالي .. أقدر أسجل في نظام جدارة والا لا
[/align]

طيب يا أخي افتح على جدارة وحاول تسجل .. وشوف مطلوب ثانوي
اللي أعرفه إنه مفتوح للكل .
وحاول تقدم بكل مكان ..تابع منتديات التوظيف وراح تلقى شركات ومصانع كبرى تطلب مؤهل ثانوي
لكن ممكن الدورات اللي معاك تفيدك .
شوف القسم اللي تابع لمدينتك هنا في المنتدى وقسم الوظائف المدنية ..
وشوف منتدى مجموعة الموارد البشرية وموقع ياسارية .. حتى لو بدأت بوظيفة صغيرة وراتب قليل
تقدر مع الأيام تطور نفسك وتاخذ دورات بمجال عملك .
أعطيك مثال :: أخواني شهادتهم ثانوي حاولوا يدخلون معاهد ودورات ومرة يتوظف بفندق ومرة بشركة سياحة والحين الحمدلله كلهم موظفين في بنوك .
صحيح وظيفة متعبة بدوامها الطويل لكن راتبها الحمدلله حلوو بالنسبة لمؤهل ثانوي .. لكن الحين واحد فيهم رجع يدرس بالجامعة ... طبعًا هذا كله بعد ماتزوجوا وحسوا بالمسؤولية ..

وماعليك من الناس >>> رضا الناس غاية لاتدرك !!!

وعليكم السلام ورحمة الله وبركاته
جداره تقدر تسجل فيها وتضيف خبراتك ودوراتك وكل اللي تبي فيها
يعني مو محصوره بس للجامعيين
انت جرب وشوف اذا بتلاقي مؤهلك من ضمن الخيارات اولا
/
/
شوف اخوي انا حاسه فيك يمكن لاني خريجه من سنوات وباب الرزق متقفل في وجهي
بس باقولك وجهة نظري واتمنى تتقبلها بصدر رحب
بالنسبه للقطاع الخاص انا اشوفك متحامل عليه بقووووه يعني بصراحه بعمري ماسمعت انو مايشتغل بالخاص الا الفاشل
هذي المدارس الاهليه قطاع خاص وكل اللي فيها سعوديين
وشوف الاستقبال في المستوصفات الاهليه سعوديين وسعوديات محد نظر لهم نظره دونيه
المشكله داخلك انت لازم تغير قناعاتك وتشوف الحياه من زاويه ثانيه
لاتركز احلامك في اتجاه معين واذا ماحصل تحس الحياه انتهت لا
وسع افقك واذا فيه مجال للخاص اتوظف والخبره بتفتح لك باب الحكومي ان شاء الله
وبعدين ماشاء الله عندك دورات تسندك خل املك بالله كثير
واصعد السلم درجه درجه
واكثر من الدعاء وتحر اوقات الاجابه وربي ماراح يخيبك
الله يرزقك ويرزقني وجميع اعضاء المنتدى بالوظايف اللي تريح بالنا

اسال. اللّـﮩ لك الصبر والرزق الحلال. و الوضيفة الزينة
العطاله ترى له دور كبير بمشكلتك آْنَـỲǑŲـْت ﻻزم تمر بتجارب ناجحة عشان تعدل نفسيتك ونضرتك


اللّـﮩ مقسم الارزاق سيرزقك

[align=center]
والله العظيم أني محافظ على صلواتي
وماني مقصر من الناحية هذي

لكن مشكلتي أن من يوم تخرجت من الثانوية وأنا محطم نفسياً
تعبت من داخلي

لأن كل ماسويت شئ غلط وأهلي دروا بالسالفة
كأن القيامة قامت على رأسي ويلوموني كثير

وكل ما سويت شئ حلو
اهلي دايم يحطموني وبشكل مؤسف ومجرح ومحرج

يعني ماعندهم شئ أسمه معاملة حسنة ..
رغم أنهم مايقصرون معي من الناحية المادية فقط لاغير ..
وأحياناُ يعطوني بدون نفس ويكلموني من رأس خشومهم

المهم صرت ماعاد أعرف أتخذ قرار في أي موضوع
إلين أصبحت عايش بدون ثقة في النفس
ومادري كيف أقدر أزرع الثقة مره ثانية في نفسي ..

تأثرت منها في الوظيفة مثل ما قلت لكم أول
واللي خلاني أكره أشتغل في القطاع الخاص أكثر وأكثر
كلام بعض الناس لأن أحياناً أسمعهم يتكلمون عن شباب غيري
يقولون :
لو كان فلان رجال كان أمداه يشتغل في القطاع الحكومي
ما يروح يشتغل في القطاع الخاص وعمره كبير

المهم .. كل ماسمع هالكلام يزيد أصراري أني ما اشتغل في القطاع الخاص
ولازم أروح أدور على وظيفة حكومية مهما طالت السنين
وكل ماشوف واحد من أقاربي أو من الحارة متوظف وظيفة حكومية وأنا عارف أنه كان عاطل مثلي
أحس أني بأموت من القهر لـ درجة أني أحسده على الوظيفة
وأقول .. ليش يعني هو أحسن مني وأروح أقعد لوحدي وأبكي
والمصيبة العظمى أنه أهلي .. يعيروني بهم شوف فلان توظف وظيفة حكومية وأرجع أقول لـ نفسي لازم أتوظف وظيفة حكومية اليوم قبل بكرة


بصراحة أنا أبغى حلول فعلية عشان أقدر أطبقها وأتخلص من الازمة هذي
مابغى مجرد كلام على ورق وكلام أنشائي

الشئ الثاني .. ألف مره دخلت على موقع الخدمة المدنية
ولاعرفت أسجل رغم أني حاولت أكثر من مره لكن للأسف ..
تكفون واحد يساعدني .. الله يجزاكم خير
تفكون أدعولي في ظهر الغيب والله أني مر بمرحلة صعبة
[/align]

[align=center]
أمااااااااانة ردو عليه
[/align]

[align=center] يانااصر الله ينصرك ويفرج همك وربي كلامك هزني بقوووه

طيب ياا اخي في الله ليش ماتدخل في السلك العسكري ترى والله كثيرين مثل حالتك دخلوا السلك العسكري ومشت امووورهم
وكثيرين معهم جامعات وبعد دخلوا في السلك العسكري وفرحانين بها <<<يعني وظيفه حكوميه مع اني ماا اشوف في الوظائف الخاصه اي شيء بذات لكم انتم يالشباب (بالعكس بنظري الرجل هو اللي يتوظف باي مجال اهم شيء يشتغل مايجلس عااطل ويقول مالقيت وظييفه )

اما الناس يااانااصر مالها غيير الكلام اسالني انا والله اني تعبت من كلامهم فعطيتهم اكبر سيفون شووفه بااقي يصبصب الى الحيين هع

اما اهلك شكلهم مااخذين فكره عنك ومااهم قاادرين يغيروونها بس ماعليك بإذن الله رح يفرجها لك بس اصبر واسعى في رزقك ولا تعجز واطرق جمييع الابواب مره وثنتين وثلاث ولا يهمك من اي احد دامنك ماشي صح

والله الله بدعاء وكثرة الاستغفار والله فيها معجزات لا تووصف فلا تتركها حتى لو جاتك هواجيس انك ياما دعيت واستغفرت ولا صاار شيء فلا تعطي هذه الافكار اي اهتمام ولا تلتفت لها نهااااائياااا فهي من وسوسة ابليس يبي يقنطك من رحمة الله فحذاااري اليأس والقنوط من رحمة الله

وصدقني بيجيك رزقك من عند الله مو من احد فاستعن بالله وحده في طلب الرزق اللي تتمناه


اما كلام الناس لا يضيعك احذرك ترى ((مشكلة اغلب الشباب يستمعون لكلام الناس وبذات اذا كنت رجال سو كيذا واذا كنت رجال لا تسوي كيذا )) انت افعل اللي يريحك انت واللي تبني عليييه طموحك واماالك وتشوف نفسك فييه وتقدر تبدع فييه وقبل هذا وذاك ترضي ربك فييه وكلام الناس اللي مايرضي الله حوطه من تحت رجولك وامش عليييه ،،



وزي ماقلت لك قدم على السلك العسكري يمكن تلقى نصيبك فييها <<عاااد انتم يالشباب ماشاءالله عليكم عندكم مجالات كثييره تتوظفون فييها لكن حنا يالبنات مجالاتنا اللي نبيها ونحلم فييها قليله مثل التعليم والاداره فقط لان الباقي اختلاط وهذا اللي مانبييه >_<


والله يرزقك ياا نااصر بالوظييفه اللي تتمناها عااجلا غير اجل ياارب
ويرزقني ويرزق كل عااطل وعاطله بالوظاائف اللي نتمناها ياارب

[/align]