اخواني حق أبداء الرأي مكفول للجميع ... مو شرط اذا ما اعجبك الرأي وما اتفقت معاه تجرح في الشخص..!!
هذا يعتبر ضعف حجة .. مايصير نتهم اللي يخالفنا بالرأي انه ماعنده وطنية وانه مهوب سعودي عشانه قال وجهة نظره !!!
حتى لو ما اعجبك الوزير غازي مو من حقك تتهمه او تشتمه (علمانـــي !!) ماتدرون يمكن علاقته بربه أحسن منك ومني ومن السعوديين كلهم ...
كلمة حق يجب ان تقال .... اللي ينتظر الدولة تصرف عليه وتأمن له وظيفة راح يظل طول عمره مكانك رااااااووووح ...

خلوا قلوبكم حية ودوروا على الرزق فيه هندي كان يغسل السيارات بالحارة وحارس بالمسجد ويوصل طلبات من البقالة يصبغ البيوت بويه (يعني ماشاء الله بتاع كلو) .. انتهت أقامته وجا عند الوالد الله يحفظه يبيه ينقل كفالته ... طبعاً ابوي رفض بس قام الهندي يبكي يقول انت بس انقل كفالتي وبعطيك كل شهر 1000 ريال ... يقول انتم يالسعوديين ترابكم ذهب بس ماتعرفون تشغلون مخكم وتتعبون عضلاتكم..

والله الحال مايرضينا بس بعد حنا فينا دلع وكسل مو طبيعي... والله غريبة السعودي يرضى يهاجر برا ويشتغل مغسل صحون ومواعيين للأجانب بس ما يرضيه يشتغل جرسون بمطعم فالرياض !!

والله فيه شباب رااائع مميز وذكي جداً ويرفع الراس بس للأسف فيه عقليات يدرون انهم غلطانين ولازم يتطورون ومع كذا يكابرون... الله يهديهم ويكفيهم شر دنياهم..
بكره اذا شافوا العالم طلعت وهاللي يتعايبونهم صاروا من اكبر التجار بيتحسرون على اعمارهم صدق... ويتمنون لو كان عندهم الجرأة بس لإتخاذ قرار مصيري..

للأسف حنا شعب تربى على كلمة عيب وشق جيب

آآآآه ياليتني ولد قسم بالله لأمسح سيارات ولأبيع في البسطات وفي سوق الخضار والله العظيم لأشتغل حمال .. جرسون .. وأوصل طلبات كل شي كل شي اهم شي شغل شريف ويدخلي مصروف مو مهم يكون كثير المهم انه مصروف داااائم...

والله المجال مفتوح انتم بس خلكم جريئين وتحركواااا الله يهديكم

كلامي واجد بس المهم ان فكرتي وصلت وان شاء الله يتغيرون شبابنا للأفضل ويتركون عنهم الإتكال ...

اخوي مختبص معليش اسمحلي انت تقول جامعي وما جامعي ... اخوي حنا بزمن صارت الشهادة الجامعية مثل المتوسط والثانوي يعني تبي وظيفة صح لازم يكون معك ماجستير ودكتوارة ...

اخوي انا جامعية وملحطة وانا الحين مستعدة اتنازل عن الشهادة بس احصل وظيفة بـ1000 ريال تكفي ابوي من مصاريفي..

لا تقول جامعي الجامعي مفروض يكون ذكي وفكره واسع وينظر للمستقبل مو للحاضر...
انت ماراح تقعد طول عمرك جرسون صدقني اذا أثبت جدارتك وحبيت شغلك وأخلصت راح تجيك فرص كثيرة محد يهضم حق احد ...

اخوي فيه واحد من الشباب مثال راائع وحي وواقعي عن الشباب الجامعي الذكي الطموح معاه شهادة هندسة .. هذا برضو من اقاربي كان يصف المنتجات في الرفوف ويدف العربيات في أحد الهايبرات الكبيرة المشهورة فالرياض تخيل يصف المنتجات يعني مثل اي بنغالي ... وراتبه مايتعدى 2000 بعدين صار كاشيير بعدين صار في خدمة العملاء وبعدين صار سوبر فايزر والان ما شاء الله تبارك الرحمن هو المسؤول عن السعودة وتوظيف الشباب السعودي وراتبه الان 11000 ريال في خلال مده ماتتجاوز 3 سنوات...

يعني هذا ما قال عيب وانا مهندس ولازم وظيفة تليق بشهادتي وبرستيجي ... اخوي والله العظيم لازم تغيرون مفاهيمكم عشان تعيشون والله والله والله ماتمشي وانت هذي نظرتك ...

:: 1000 ريال
::2000 ريال
::3000 ريال
:: قد " لا تفتح بيتا ولكنها " تحيي وتحفظ " ماء الوجه

اخواني نحن ندور في دائرة مفرغة انا اقووووووول زودو راتب السفرجي ولا الزبال انشالله علشان نشتغل ولا خفضوا المعيشة والايجارات الطايرة وانا اشتغل مكوجي لا عيب في العمل لا حول ولا قوة الا بالله احنا لاقين عمل محترم وقلنا لا فرضا انا اشتغل الان براتب الف وثمنمائة :o بعدين انا ابغ اتزوج وانت اخبر بالمهر ايش اسوي اشحد بدل اعمار لبنان وتبرع لهذا وذاك الشعب اولىىىىىىىىىىىىىىىىى

اقول لله يجزاكم خير لا تخلون غازي القصيبي يسببها بينكم تناقشو با ادب وكل واحد يحترم اخوه

ولا احد يسوي فاهم على الثاني



لكم كل تقديري اخوكم الكبير عاطل عام ترمس

سلموني على غازي القصيبي هع هع