معقوله يا غازي القصيبي .. سفرجي في مطعم

من اكثر الناس حظا ً · #71 (**permalink**) 06-07-2008, 03:10 PM

اخوي مختبص ... اخوي لوكسراي... طيب وش الحل بنظركم ؟؟؟

انا معكم حنا دولة غنية ونفطية واكبر مصدر واحتياطي للنفط .. بس مافي يدينا شي ... هذا الواقع انا اقول بدل ما نقول ونشتم في الوزير غازي .. خلونا ندور على حل (مؤقــــــت) لاحظ معي انا اقول حل مؤقت فقط للمشكلة ..
اخواني والله العظيم انا مليت من هالاسطوانة المشروخة من يوم الله خلقني وانا اسمع هالكلام .. حنا دولة نفطية ليش مايصرفون علينا ويشغلونا ..!!
اخوي مختبص لاني احب لكم الخير مثل ما احبه لنفسي ولاني أحس باللي حولي قاعدة اقول وجهة نظري وانا متأكدة متأكدة ان اول ناس بيندمون على شبابهم اللي راح انتم وهذا الشي مايرضيني انتم اخواننا واهلنا... العمر بيروح وحنا نقول مابي اتوظف الا وظيفة حكومية ...

اخوي لوكسراي ... نعم للأسف هذا هو الواقع .. الشهادة الان ماتوكل عيش..معليش انت حظك انك انولدت في هالزمن .. وش تسوي تقعد تنتظر وظيفة تناسب مؤهلك وطموحك والا تدور لك على اي شغل شريف مؤقت يساعد ابوك شوي في مصاريفك ؟؟

ياعالم والله والله اللي راتبه 1800 وهو مجتهد وملتزم ماراح يقعد ع 1800 .. الله مايضيع تعب.. بيترقى او راح يحصل شغل براتب أعلى لان عنده خبره.. وهكذا...

عموماً الله يسعدكم ويوفقكم انا بس حبيت أقول كلمة الحق وأنبهكم ان الزمن تغير واذا انتم ماتغيرتم ماراح تعيشون العيشة اللي تبونها ...

الوزير غازي إنسان قبل يكون وزير .. معرض للصواب والخطأ.. ان أصاب نقوله أصبت وان أخطأ نقوله أخطيت وحسابه على الله.. انا أشوف انه بهالخطوة كان جريء جداً.. ومهما كان على غلط مفروض مانشتم ونلعن ونسب احتراماً لأنفسنا أولاً واحترام لإنسانيته وإسلامه ثانياً..

أخواني احمدوا الله قدامكم مجالات كثير غير الوظيفة التقليدية ... عموماً وجهة نظري واضحة واتمنى انها وصلت ..

موفقين ان شاء الله

Dr.NoWay · #72 (**permalink**) 06-07-2008, 04:18 PM

اقتباس:

المشاركة الأصلية كتبت بواسطة عاطل عام ترمس

يا رجال عساك سالم
شكلك تهرج على عماها

والله ان ابو شنب >> قصدي الاملط ما يدري وين الله حاطه
يا خوي ان اعرف القطاع الخاص وكنت اشغل بشركه وفيه اجانب اعلى مني ولا معهم موهلات
ربنا يفرجها

[/right]

:: متابع " ولى عوده " للتعقيب ...!!!

هاجد المسعودي · #73 (**permalink**) 09-07-2008, 04:42 AM

متابع بصمت

بحر الشوق · #74 (**permalink**) 11-07-2008, 07:56 PM

الله ياخذ عمره هالخبل الدلخ يسوي فيه انه يحب العمل حبب جلده وما يحصل علاج له والله ما نكبنا الاهو وكل واحد خبل زيه يبي يبني يروح يهدم بكره يدخل محل كوافير ويقول تعالوا اشتغلوا الله لا يوفقه اشتغلنا في شركات والله من زين الراتب ما يتعدا 1200 واذا دورنا على وظيفة غيرها اتفلسف علينا والشباب والشباب جعله والله بشبشب في وجه الشي اللي سواه اخذ عموله من المطعم علشان يسوي دعاية الله ياخذه ويهده

مختبص · #75 (**permalink**) 06-09-2008, 10:22 PM

سؤال لغازي القصيبي
احد قريباتي رشح اسمها في الوظائف التعليمية
في احد القرى وكان ولي امرها الي هو اخوها يشتغل جرسون في تلك القرية ومن احد شروط الوظيفة اثبات ان ولي الامر يشتغل في المنطقة وعندما جاء بورقة من عمله تثبت اقامتها لم تقبل فكيف لي ان احترم وظيفة لم تحترمها انت مع كل احترامي

loler · #76 (**permalink**) 07-09-2008, 06:17 AM

والله يانه غازي القصيبي هذ1
انه رجل ومقوي شوكتنا احنا يالسعودين بشركات
انا موظف بشركة الحمراني الوكيل الرسمي لسيارات نيسان بالشرق الاوسط
قسم بالله ياني لاعب فيهم لعب البطبطة وحقي اخذه ثالث مثلث
واتلاعن معهم صبح ومساء
ومره وحده اعطوني انذار قبل اربع سنوات كنت متعين توي مالي سته اشهر
واخذت الانذار علي مكتب العمل علي طول وارسلوا معي طلب تحقيق مع شؤؤن الموظفين واكتشفوا انه اجنبي وقلبوا الحق فوق تحت الاخوان بمكتب العمل لي
ومن بعدها وانا قالبها شركة ابوي وفوق هذ1 جاءتني ترقية ولله الحمد

لكم تحياتي
ابن المدينة

the sound · #77 (**permalink**) 07-09-2008, 06:24 AM

يارجال انا من يوووم شفت زوجته المانية غاسل يدي ...

وبعدين تراه علماني ... الله يستر من افكارة .

لا وشوفو مجلس الشورى هههههههههههه يتهاوشون على قضية هل لبس العقال حرام ولا حلال ؟؟؟

بالله عليكم هذي قضية لاحول ولا قوة الى بالله