بسم الله الرحمن الرحيم [align=center][/align]



كيفكم اخواني ان شاء الله تمام عارف حايرين في مشاريعكم وكل واحد يقول اخاف افشل


وتمر عليه مشاريع كثير وكل مشروع مربح يحتاج راس مال وفية عشرين الف عقبة امامة


بس انا اقولكم الي ماراح ياخذ بكلامي المرة هذي مع اسفي الشديد خسران وراحت علية الفرصة


انا اكتب لكم لوجة الله مابي منكم لا عمولة ولافائدة كل الي اتمناه دعوه طيبة في ظهر الغيب


في كل المشاريع راح تواجهكم عقبات ومشاكل كثير سواء من انظمة بلدية او عمل وعمال او مشاكل


الزبائن لاكن هذا مايمنع ان نكون كفؤ لهذة المشاكل ولا نعطيها ظهرك وفي الاخير تسقطك

وتقضي عليك في مشروعك

والنقطة الاهم الي راح اتكلم فيها معاكم اخواني هي


ان المال لايصنع الرجال خذوها من شايب ابو بزورة الرجال هم من يصنعون المال المشاريع والاعمال تحتاج لمتابعة على ارض الواقع ودوام مافيها والله انا بفك مشروع وبجلس في البيت ولو طلع

لي 1500 خير وبركة وفي الاخير تتفاجئ ان مشروعك خسران ولا راح يطلع لك حق الاجار


شوفو لو ناخذ على سبيل المثال مشروع بوفية الكثير من الناس تقول مافية خير يادوب يطلع حق العامل والاجار لاكن الرزق وتوفيق بيد الله مافي شي اسمة مشروع صغير ولا كبير الصغير يكبر والكبير يصغر في عالم التجارة

الي يعرف بوفيات القريات الذهبية في جدة وقوة نجاحها راح يعرف انا عن ايش اتكلم اللهم لاحسد تخيلو فتح فرع بوفية القريات في المطار وقفلوها عارفين لية

بسبب الزحام الشديد عليها وهي تبيع بيض مقلي وتونة وشكشوكة وكبدة لاكن مستحيل هذا النجاح من عدم انا متاكد ان صاحبها تعب وداوم ليل نهار مع العمال لين ربي فتح علية ووفقة


تعبتكم وتبون تعرفو المشروع صح طيب انا بقول لكم بس وللاسف هذا المشروع يصلح لرجال مع خالص احترام للنساء والجنس الناعم لاكن هذا المشروع او الفكرة فيها تعب ومشقة لايتحملها الا الرجال

المشروع وباختصار


اسقدام عمال ( بشتى الطرق ) في البداية 5 عمال كفاية


العمال راح يكونو عمال بناء طوب احمر وخرساني عارفين 1000 طوبة تبنيها خرساني بــ1000 ريال يعني

الطوبة الي تشيلها وتحطها بريال والطوب الاحمر 1000 طوبة تبنيها بــ1300


وشوفو الكم الهائل من المباني وكم الناس محتاجة بنائين والاهم من كذا انت توقع العقود مع الزبائن وتباشر عملك الاشراف مع العمال في بعض العمائر تحتاج بناء 10000 عشرة الاف طوبة تقدر تخلصها في 10 ايام الي 12 يوم

وانت بصفتك صاحب مؤسسة تروح تمر على اصحاب العمائر الجديدة وتعرض عليهم شغلكم ومع الايام

ان شاء الله راح تتوسع في عملك وتجيب سباكين وكهربائيين وتمسك مقاولات كاملة وفي موضوعي هذا

حبيت ابين لكم اخواني كيف تستطيعون انت تبدائو صغار وباقل التكاليف وبكرة نشوفكم من اكبر المقاولين العرب وانشاء الله تكاليف الاستقدام ماتكلف 20 الف


واوعدكم اخواني للموضوع بقية ..... شاكر لكم اهتمامكم ومتابعتكم ( ابو وسام )

الله يعطيك العافيه يابو وسام كلامك من ذهب وانت الذهب.

وصحيح الحركه فيها بركه وبلدنا أم الخير فيها كل الخير يدخلها الأجنبي عامل ويخرج منها رجل أعمال .

يتخرج الواحد منا وتفكيره في الوظيفه بس مايتلفت يمين والايسار ويشوف العالم من حوله.

الله لايهينك على الطرح الاكثر من المميز

جزاك الله خير كلام جميل جدا وننتظر منك المزيد (الطوب الاحمر عرفتاه بس الخرساني شنو)

مشروووع حلو ومافية خسارة

[align=center]
فعلاً فكرة المقاولات مضمونة باذن الله والعقار ولد صالح
ولو مافيها خير ماتزاحموا علىيها الأجانب
اتمنى للجميع التوفيق ,,,
[/align]

خمسة عمال!!! تطلع روحك ما حصلت 3 تأشيرات فمابالك بـ 5 عمال
بصراح ومن دون مجاملات مع بعضنا اذا بتمشي بالحرام والرشاوي رح تخلص امورك واذا بتمشي بالسليم يمرمطونك وياليت بعد المرمطه فايده تستاهل كل المرمطه بعد !!
المشكله بلدنا فيه خير بس المسئولين عندنا ما يبون الخير لنا لا من وزير العمل ولا من التجاره ولا من البلديات
ابغى افتح بقاله او بوفيه لزم اسجل سعودي انا مني مسئول عن السعودي هذا المفروض الوزاره توفر له مشروع او تعطيه دعم بالعكس برنامج نطاقات برنامج غبي بكل المقاييس ومو بس كذا الهدف منه بين قوسين القضاء على البطاله باي شكل بالعربي يبغون في الأحصائيات يقولو ما عندنا عاطلين كل الشعب يشتغل وهذا كلام فاضي صاحب البقاله كم راح يعطي السعودي نقول اقل شي الف وخمس ميه طيب الف وخمسميه هذي وش تسوي للشاب في وقتنا هذا حتى ثلاثه الف وش تسوي
كله كلام فاضي ناس تبغى تخرب البلد
بدل ما تفرض عليه يشغل سعودي اطلب منه مثلا شهريا مبلغ دعم لصندوق الشباب 100 ريال
وانت يا وزارة العمل ادعميه بمبلغ مثلا 100000 الف يبداء بها مشروع له هو من دون تعقيدات بنك التسليف وصندوق عبداللطيف مثلا يفتح بقاله يفتح خياط او اي شي بصراحه انا مو مسئول اوظف شاب عندي ونا دخل محلي يا دوب يغطي مصروفي ومصروف عيالي

لكن ما نقول الي حسبنا الله ونعم الوكيل ...
سياسات عقيمه

كلام رائع
والمقاولات الحين مع النهضه العمرانيه
ودعم الدوله للبنك العقاري
مااااشيهـ100%
والعمال مو لازم تاخذ 5 تأيشرات من مكتب العمل مره وحده
خذ الـتأشيرات اللي يعطونك ودور على عمال تنقل كفالتها عليك