السلام عليكم ورحمة الله وبركاته :

أخواني وخواتي أبي رأيكم في موضوع ودي تشاركوني فيه وهو :




مارأيك في الزوج إذا كانت زوجته أكبر منه بسنتين إلى ثلاث سنوات ؟؟؟



ومارأيك بالمكالمات أو إرسال الرسائل بينهما بعد عقد القران هل تحبذونها أم الثقل زين ؟؟؟

أرجو التفاعل............اللهم صل على محمد عدد ماذكره الذاكرون وغفل عن ذكره الغافلون....

وعليكم السلام ورحمه الله وبركاته

انا اقول عادي ما فيها شي
وعندك الرسول صلى الله عليه وسلم كم كانت اكبر منه خديجه رضي الله عنها

اقتباس:

ومارأيك بالمكالمات أو إرسال الرسائل بينهما بعد عقد القران هل تحبذونها أم الثقل زين ؟؟؟

اقول الثقل زين اصبر وتلقى خير
بالتوفيق اخوي

مارأيك في الزوج إذا كانت زوجته أكبر منه بسنتين إلى ثلاث سنوات ؟؟؟

انا عندي مافيها شي بس تحس مالها داعي تتزوج وحده أكبر منك لأن المرأه تهرقل بسرعه وثانيا اذا تزوجت وحده أكبر منك يمكن يجي يوم من الايام تناديك و تقولك توك ورع اذا صرت كبري تعال كلمني

وفي نفس الوقت ماهي بعيب ولا حرام



ومارأيك بالمكالمات أو إرسال الرسائل بينهما بعد عقد القران هل تحبذونها أم الثقل زين ؟؟؟

أرجو التفاعل............اللهم صل على محمد عدد ماذكره الذاكرون وغفل عن ذكره الغافلون....

مافيها شي ولاهي حرااام لكن ع قولتك الثقل زيـــــــــن

وأدعي لك من صميم قلبي بالتوفيق والله يستر عليك

العمر ما يفرق.. العقل هو اللي يفرق..

اذا انت بتخط وحده اكبر منك بسنه او سنتين او ثلاث.. وهي صاحبه خلق ودين.. مافيها اي شئ.. لا خالفت شرع الله ولا شئ..

العمر ماله دخل بالسعادة.. والسعادة والحب لايعرفون زمن ولا عمر..تجي من الله سبحان وتعالى بين الزوجين..

حنا اتباع السنة المحمدية.. ورسولنا الكريم اول زوجاته اكبر منه بكثير.. ام المؤمنين السيدة خديجة.. وكانت خير سند له..


اما من ناحية تراسلها بعد عقد القران.. بعد عقد القران هي زوجتك على شرع الله ورسوله.. في حال موتك تقضى فترة عده.. وتاخذ من الميراث.. لانها زوجة..

وبالنسبة لنا عادي احنا نجلس معه بعد ما نكون عقدنا القران.. ويزوها في بيتها.. وتتكلم معه.. مافيها شئ زوجته..
واحنا نسميها فترة الملكة..

فيه قبايل تمنع هذا الشئ و تمنع النظرة الشرعية.. بناء على اسس القبيلة وليس على الشريعة..

انت شوف قبيلة البنت.. لاترسلها بدون علمها او اعطاءها خبر.. وعطاء ذويها خبر.. واخذ مواقفه.. لانه ممكن تكون نتائج عكسية.. على حسب عقلية الاهل..بعضهم ما راح يميز انك زوجها..


وبصراحة.. البنات يحبون فترة الملكة.. جدا جميلة.. احلى من العرس نفسه.. الملكة دلع وغنج وهدايا.. العرس كم يوم وبعدها دخلت مطبخ وغسيل قدور.. والمرأة بطيبعتها عاطفية تحب المدح وتحب تحس بحب زوجها لها.. هذا شئ كبير جدا عنها..واذا قدرت لاتحرم شريكة حياتك.. من اجمل احساس تحسه المرأة..
والثقل مهو انك تقول زوجتك احبك.. الثقل والغثاثة انك ما تقولها احبك..



والله يوفقك

اكبر منك بيوم اعلم منك بسنه...ماعمره كان حاجز اهم شئ الاقتناع

ومثل ماذكروا الاخوان الرسول عليه الصلاة والسلام تزوج السيده خديجه وعمرها اربعين

وانجبت منه كل ابناءه...


ولا تصير ثقيل فلـــــــــــــــــهـــــــــــــــــــــا واذا تزوجت يمديك ع الثقل

[quote=قلب المملكة;482362]

اقتباس:

المشاركة الأصلية كتبت بواسطة أذكرالله السلام عليكم ورحمة الله وبركاته :

اقتباس:

المشاركة الأصلية كتبت بواسطة أذكرالله وعليكم السلام ورحمة الله وبركاته مارأيك في الزوج إذا كانت زوجته أكبر منه بسنتين إلى ثلاث سنوات ؟؟؟ إذا متفقين ما أشوف فيها شي العمر ماهب أساس العلاقة الزوجية الأساس التوافق وإذا الوالده وخواتك شايفينها تصلح لك توكل على الله العمر ماعمره كان عائق ومارأيك بالمكالمات أو إرسال الرسائل بينهما بعد عقد القران هل تحبذونها أم الثقل زين ؟؟؟ الثقل أيش أخوي هذا بحكم زوجتك ولا بعد الزواج بعد راح تثقل عليها شوف أخوي دائماً مايكون بين الزوجين في أول بداية الزواج حاجــز أنت من البداية أكـــسر الحاجز بالرسائل والمكالمات الثقل يكون في إنك ماتكثر منها يعني رساله في اليوم وكل يومين أو ثلاثه مكالمه خفيفة والأهم من هذا لاتنسا الهدية لازم يكون هناك هدية قبل العرس على ذوقك بس حتى تكسرون حاجز صمت لليلة الدخله والله يوفقك

100%

والله يوفقكم ويتمم على خير

اكبر منك والبنات متروسات الديرة خذلك بنت اصغر منك هذا من وجهة نظرى عندى بنت خالتى خذت رجال اصغر منها بخمس سنين ومبسوطة معه وجابت ولد والكل وقف ضدها من خالاتى لية تتزوجين هالورع وطلع هالورع ارجل من ازواج اخواتها بس من رايي انك تأخذ وحدة اصغر منك ..
اما بالنسبة للمكالمات والله ماادرى عنك بس حسب طبيعة البنت اذا كانت جرئيه او خجوله يعنى ممكن ماتتقبل ترد عليك ومممكن تكون جريئة وهى تبادر بالاتصال او الرساله بس الافضل انها تجى منك مادام انها زوجتك على سنة الله ورسوله