24-03-2012, 10:12 AM
|
 |
عضو مهم جداً
|
|
تاريخ التسجيل: Jan 2010
المشاركات: 633
معدل تقييم المستوى: 536316
|
|
--------------------------------------------------------------------------------
....
يــاربي اسألك بأسمك الاعظــم ان تكلل مساعينا بالنجاح وتحــرم النار عن وجه كل من وقفت بحر الشمس كل طلعة ونحن وواهلنا جميييع
...
خطتي حبيباتي حد الحديد حـــامي اضربوه بزيارة قرييييبة لقصر الملك اطال الله بعمــره
والله بإذن الله يابنااات ان هذا الشيء لو صااار هو اللي بأمــر الله بيحســم موضوعنا تماما,,
لاتسوا ان موضوع تثبيتنا هو امر الحاقي والملك امر بسرعة تنفيذ قراراته ,, وتأخيرا البراك للتنفيذ بيخليه مرعــوب من هالشي هو وحاشيته
تذكــرون خريجين المعاهد الصحية او الدبلومات نسيت خريجين ايش.. المهم لماتجمعــوا عند قصر الملك وشافهم اش قال لهم..؟ قااال ابشروا بوظايفكم وعلى خشمي,,,
جعل وجهه ماتمسه النار مااطيبه هذا وهم رجال ماردهم بعد الله خايبين من على بابه
فمابالكم لو التجأنا له واحنا حــريم ((( بعد اللجــوء لملك الملوك سبحانه )) بإذن الله مانرجع خااايبين ابد,,
بلوحكم وعددكم وهمتكم .. توجهوا قريبا لقصر الملك
وبدال مانقعد ننتظـــر دراستهم ومشاوراتهم ولاقدر الله بالاخر تعقبها مفاضلة او شروط نحل الموضوع في دقيقة بأمـــر ملكــــي بإذن الله ومشيئته
....ملاحظة :
ليان النهار بالمنتدى الثاني نقلت من المنتدى الازرق بخصوص مقابلة البديلات اللي على راس العمل مع الحميدي والفهيد اليوم ركزوا لما جت سيرة مقابلة الملك وش صار ,,
ملخص ماحدث اليوم
--------------------------------------------------------------------------------
السلام عليكم حبيباتي بعطيكم ملخص ماحدث اليوم في لقاءنا مع الدكتور صالح الحميدي وسعد الفهيد تجمعنا من 10 ص إلى 11 ونصف وكان عددنا حوالي 150 بديلة فرج الله لهم كل هم وحقق لهم ما أرادوا من خيري الدنيا والآخرة وكان الدكتور صالح من قابلنا أولا وأصرينا على وجود الفهيد وقبل حضور الفيد قال الحميدي أنا أخدمكم في الأمور المالية فقلت له يادكتور وعدتني من العام الماضي بصرف بدل الغلاء سنتين ونصف وما أوفيت بوعدك قال لا هالمرة أبشروا ووريته المسير حقي وقلت له إنه ينزل لنا شهريا 700 ريال بدل نقل وتؤكل علينا وأخذ مسيري ورقم جوالي ووعدني بالرد علي بخصوص الموضوع ولما جاء الفهيد دخلنا في البداية معه بنقاش متفرد من البديلات وبعد كذا هجمنا عليه لأنه كان مصر ورافض وقال أنتم مايعتبر لكم في الخدمة إلا سنة والتعهد لهم 3 سنوات فشرحنا له الظروف والكلام الي أنتم عارفينه وإحتدينا معه في النقاش وبنات الرجال ماقصروا بيض الله وجيههم كل وحدة عطته الي فيه البركة وقالت له وحدة ماراح أسكت وأخلي مستقبلي بيد واحد مثلك ثم قال أوعدكم بدرس موضوعكم وأنا أصرخ في البنات قلت يابنات الدكتور سعد وعدنا بالتثبيت المكاني وهو يقول لا لا لا قلت بدرس قلت له مدامك بتدرس خلاص إحنا الآن راح نطلع قصر الملك ومثل ماجبنا التثبيت العام راح نجيب التثبيت المكاني مع الوظيفي وراح نتهمك يادكتور بإثارة الأمن لأنك أنت المتسبب في هذه المظاهرة قال الحميدي لا خلاص بكلم الدكتور سعد على جنب وكلمه ودقايق جانا وقال خلاص يابنات أنا كنت بصدر الأسبوع القادم تعميم بتثبيتكم في محافظات الرياض والحين خلاص تثبيتكم في الرياض وأخذوا البنات يصفقون ويصارخون وأخذنا ندعي للحميدي وقال طيب وأنا أدعوا لي ودعينا له قدامه بس ولكن يابنات دعواتكم للمحامي محمد القحطاني والله إنه رجل راااااائع وقف معنا ورفض يأخذ أتعاب وأفحم الحميدي والفهيد وحتى الصحفية ماقصرت ودعواتكم لكل البنات وأقسم بالله إنكم لو شفتوا الموقف للي ماطلعوا لتمنوا إنهم معنا وجزى الله الجميع الفردوس الأعلى من الجنة وعقبال مانبارك لبعض بالتثبيت في مدارسنا في القريب العاجل .( أختكم الانوار نت )
اضيف لذلك بنات الكلية المتوسطــة تلاحظون دخلوا من اي باب بعد باب الله ليتم لهم ماارادوا .. من باب الشورى اقرأوا موضوع ال9 الاف وظيفة الله يبارك لهم يقولون ان الشورى اوصت لهم بوظائف والديوان استمع للاقتراح ووفــر ذلك
طيب ليش ماندخل من نفس الباب او باب قررريب/ انا فكــرت في مستشارين الملك من الشيوخ الافاضل زي العبيكان (لاتسوا رأيه في وزارة الخدمة ووصفه اياها بالفاشلة ) وصالح بن حميد توه ماسك منصب مستشار للملك وال الشيخ . وعبدالله المطلق (( يتعاطف مع الحرييم كثيــر الله يحفظه)) (:
اول شي هم رجال دين يعني لاتأخذهم في الله لومة لائم ولا ازكيهم على الله ثاني شي علاقتهم بالملك مباشــرة يعني ممكن يوصلون صوتنا له ومعاناتنا وفي لحظات ينتهي هذا الكابوس بأمر ملكـي.. مثلا لو نصوغ طلب عن معاناتنا ونرسله من الايميلات على ايميلاتهم الخاصه سواء بمواقعهم الرسمية او غيــره..
اتمنى اللي مأيدتني تقول حتى نحصر الاراء .. ونبدأ نشتغل ..
واذا تحبون اصوغ لكم خطاب نرسله ماعندي مانع ونعدل عليه سوا لو يحتااج
الله يسددكم ويجري التثبيت لنا جميعا على ايديكن,,
تعب يومين ولا تعب يدوووم على طوووول لاقدر الله
|
العرض العادي
