هيه يا ناس
اكلت اليوم بطاطس مرامي بالدجاج
وشفت تاريخه منتهي
تهاوشت مع راعي البقاله قلت ابي ابلغ البلديه قال لا تكفى هذا المندوب هو الي جابه حنا ما لنا ذنب
سامحتهم
بس بطني جايله كربده مغر يصوي وكل شوي رايح الحمام
وش السالفه
تتوقعون من هالبطاطس الله لا يبارك فيهم
ناوي اذبحه بكره
من الصبح وانا دايم فا الحمام
فيه شي يبعد هالعوار
شربت سفن ما نفع

اول شي سلامات ما تشوف شر
ثاني شي حتى لو المندوب جايبه ، المفروض هم يفتحون عيونهم ومايخلون يدخل محلهم شي منتهي
الصلاحيـــــــه ..
ثالث شيء .. خذ لك زبادي او شوربه شي خفيف وبعد تاخذها خذ ملعقه عسل مع حبه سوداء
وبعدها حبتين تمر .. وان شاء الله راح تتعافى وان شفت الوجع اشتد عليك انصحك تروح اقرب مستشفى ترى اعرف كثير اكلوآ حاجات منتهيه الصلاحيه ويصيبهم السرطآن دايركت .. والله ما ودي افجعك بس هذي الحقيقه ومن خوفي على صحتــــــــك ولاتهملهآ .. وفي الاخيــــــر الله يشفيـــــــك

سرطان هاه
ياخي وش هالكلام المرعب اعوذ بالله تبيني اوسوس انت

روح اخذ ابرة
او اذا عندكم سدر خذ من الورق حقة واغسلة واخلط بالخلاط وذوب عسل معة واشربة
صدقني هذا علاجنا جدا مفيد
او روح اخذ ابرة من الدكتور
فالك العافية
لازم تطمنا

زبادي وسفن وبطاطس مسلوقة وكمون

زينه للبطن الله يعافيك ويشفيك

ماتشوف شر بصراحه مالي في الحاجات دي اخاف اقولك شيء يزيد العوار

بس روح المستشفي افضل تاخود ابره ومسكن والله يشفيك ان شاء الله

لالالا ابشركم
حاس بركود في بطني اشوى
شربت شيح واشوى صار فيه ركود في بطني بس فيه وصوصه في البطن بس اشوى
المهم ان الله يكفينا شر المستشفيات