صباحكم ورد

بصراحه مابطول وبدخل بالموضوع دغري


امممم انا ابيع بخور نوعين معمول دوسري وبخور خاص فيني اسمه بخور انا غيير

الحمد لله سوقت شغلي تمام وتجيني طلبيات تقريبا من كل مناطق المملكه

المهم شرى مني تاجر في الجنوب كميه كبيرة وماشاء الله ماكمل اسبوع الا ورجع طلب نفسها انا فرحت لان البخور مشى المشكله مو هنا لالا المشكله انه عرض على عرض يقول انه بيسوى دعايه كبيرة عبر النت مدفوعه الثمن لعطورات عنده وخلطات ومن ضمنها البخور حقى ومايبغى يسويها الا لما اوافق

طبعا بالاسعار الي هو بيحطها

هنا انا محتارة اوافق او ارفض؟

قولو لي وش هي الفوائد الي بحصلها

وهل فيها ضرر على ؟؟

حياك الله اختي شوري لك اذا شغلك ماشي بدون هالتاجر الي تقولين عنه ويدر عليك ارباح واصلي شغلك بنفسك
والاستخاره قبل كل شي

أقترح أن تكون الأرباح مع هذا التاجر بالنسبة أفضل لك

[align=center]


إذا هو بيسوق بخورك باسمك فجيد لك

يعني يكتب اسم البخور في الإعلان مثلا ( يتوفر لدينا بخور (( كذا )) من منتجات أنا غير )

أما إذا بيعلن من غير اسمك فطبعا لا



[/align]

[align=center]
أسأل الله أن يوفقك لكل خير وأن يرزقك من خيري الدنيا والآخره
من وجهة نظري انك تعيدي حساباتك وتكلفة شغلك واذا السعر اللي بيحدده التاجر راح تلقي ارباح لو 30% حلو لكن بشرط ان الكمية اللي يعرضها لك تكون كمية كبيرة حيث التسويق يكون مرضي والزبائن أكثر فقليل دائم خير من كثير منقطع وثاني حاجة مثل ماقالت ( الاخت عاطلة مش بطالة ) يكون اعلان البخور باسمك وتحت انتاجك ودعايتك واشرطي عليه والتسليم والاستلام عن طريقك .
واتمنى لك التوفيق ,,,
[/align]

اختي لاتتعاملين مع رجال الا بأحد يمشي معك خطوة خطوة

لانو لو ضاع حقك من بيوقف معك وانا اشوف تبيعيه بيع احسن لاتطلبيين نسبة بعدين ماتدرين يروح او لا

او يصدق معاك اولا الا ان كان بينكم عقود وكتابات هنا ممكن تضمنين حقك

الدنيا صارت تخوف ولاتظمنين اي احد

ودي تشتغلين براحتك ولاتحطين بضاعتك ف يد احد ماتدرين عنه

الله يوفقك يارب واستخيري قبل كل شي

[align=center]فكرة ممتازة اذا كانت الكمية الي بيصرفها لك كبيرة مقارنة بالكمية الي تبيعيها انتي... فرأيي انك توافقي اذا كانت الأسعار الي هو عرضها مناسبة لكن يكون الدفع كاش واذا اصر انه الدفع يكون بالأجل فترسلي له كميات بسيطة حتى لو اظطررتي انك ترسلي له بشكل يومي وما ترسلي الدفعة الثانية لين تستلمي فلوس الي قبلها وانتي استمري في بيعك وربي يرزقك وبالتالي تكوني فتحتي لك قنوات تصريف ثانية ورب ارزقني وارزق مني.[/align]

ماشوف فيها شي بالعكس هو فادك ووين الغلط لو عرض للبضاعة الي عنده ممكن تقولين لاتغير اسمه عادي بس تمنعينة مالك حق خاصة انه يتاجر فيه كل التجار ياخذو بالجملة بسعر ويبيعوة مفرقق بسعر اغلى ماتدري يمكن يصير وجه خير عليك

تعقيب

حتى لو شرط انه يغير الإسم اشوف انك توافقي برضه

تسلموون لي والله عالتفاعل الحلو

شوفو هو البخور انا سويت له استكرات ولصقتها عليه ((بخور انا غيير))

والتاجر يشتريه مني كاش بالسعر الي انا حددته له ولغيره بالجمله طبعا بس هو ماشاء الله حط سعر له هو وهالشي ماعلي منه لانه من حقه يربح من وراي

وطبعا اكيد شغله متوقف على لان انا الي اسوي البخور يعني ماسقدر يشتريه من مكان ثاني

بس قالي بدل مااطلبك طلبيه بــ1000ممكن بعد الدعايه الحلوة اطلبك5000اسرع من شغلك لحالك وهالشي شجعني

حسيت من ردودكم اني اتوكل على الله واوافق