السلام عليكم ورحمة الله وبركاته



بسم الله الرحمن الرحيم




الحمدلله والصلاة والسلام على رسول الله وعلى آله وصحبه أجمعين



اخواني واخواتي الكرام اسعد الله مسائكم بالخير والفرح والسرور



بقولكم مشكلتي بأختصار وان شاء الله تساعدوني انا كنت محتاج لوظيفه وتعرفت علي شخص من منتدى عشان يساعدني وهو ماقصر بيض الله وجهه بس ماصار نصيب وترك الوظيقه بحكم دراستي وبعدها فعلت خدمه الواتس اب وصار يرسلي رسائل كل يوم ويتصل فيني كل يوم اكثر من 7 مرات انا ودي اخلي علاقتي معاه عاديه وهو كانو يعرفني من 500 سنه والله جوالي مايسكت بسببه وهو اكبر مني ب3 سنوات كيف احسسه اني مابغي هالازعاج وتكون علاقتنا سطحيه لاني ماحب اللي كذا كل شوي يتصل

بس بدون ماجرحه لانه مره طيب


والمشكله اعطيته رقمي الاصلي وتوهقت معاه


انا بأنتظار حلولكم وارائكم


والله يوفقكم يارب

والله يأختي هو طيب ومحترم ودائم اذا روحتلو لازم نروح للمسجد كل الفروض بس انا ماحب اللي كذا ممكن لو كل شهر نتقابل مره وحده كذا تمام ورسايله حلوه ومافيها شي بس محسسني اني ملاك يقولي انتبه ع نفسك ومن هالكلام بس مادرى انا شفت الظاهر بس اللي يسعدك كيف اسوي بلوك واحذفه من عندي؟

والله يوفقك لاني قبل شوي كنت بحذف البرنامج كامل بسببه

اسف ع الاخطاء وبعض الحروف ماني كاتبها لان الكيبورد فيه فص فص يمكن احد يفتكر إني ضعيف في الإملاء ههههه


تحياتي

معي وحده بالواتس كذا والهدف الرئيس هو الحش عاد أنا ما أحب النكد الله يهديها

ولما كنت أنشغل لو دقيق وشافتني مارديت يالله تزعل ومدري وش تكتب

أنا حز بنفسي واستثقلتها ليه كذا مو معقوله كل شوي ببر ليه أنشغلت ليه مارديت

مع أني لو أزعل من الكل أسكت وما أقول وأقدر
بس في بعض الناس تبي تزعل وخلاص << كأني دخلت بسالفه ثانيه

بس استفزني موضوعك فعلا في ناس أوك طيبين بس أنا مودي ما أحب السوالف وأزعاج الجوال

امممممممم ماعليش بشد بكلامي شوي..
شوووف انت رجال مايخاف عليك تقدر تعرف من خلال مجالستك له هل هو صالح او غير ذلك ومن خلاله تقرر اذا صالح تمسك فيه واذا غير انت اعرف ..
لكــــــــــن
ممكن يكوون انت معوده ع هالشي .. اتصالات ورسايل لانك كنت بحاجته ويوووم راحت المصلحه اللي بينكم قررت تسحب عليه وماصارت مكالماته وخووته ذات اهميه عندك .. وهذي ترى مشكلة العالم كلهم .. اذا ابي من وراك شي احطك فوق راسي واحرص على خوتك واذا ماني مستفيد من صداقتي لك بشي سحبت عليك ..
انا كذا بالواتس قسم بالله اني اعرفهن اذا بغن شي سوالف وقرق فوق راسي واعرف وش يبن واجاملهن واذا مابغن شي سحبن علي وهكذا
بالنهايه لابد من المجامله وعدم كسر النفووس

^^

ههه لاوالله مايزعل كلامك عين العقل أنا صرت أحط جوالي على سريري وأنزل الصاله

ياأني ألقى مساجات بالهبل وتكون خلاص خاست أخلاقهم

والحمد لله صارت هي ما ترسل إلا نادر حسيت أني سديت نفسها صح مو قصدي بس بعد مقدر كذا

وأنا أجامل على حساب نفسي أستحي أقول مشغوله أو مالي خلق

بس سبحان الله بعض الناس مثل ماقلتي السفهه تعلمتها

وإن شاء الله لازم موضوع ننزله نتعلم كيف نسفه بحتراف ههه