دلوني وش اسوي

بحر الهلاك · #1 (**permalink**) 29-02-2012, 11:36 PM

وشلون اعلم جدتي ولقرابة عن قرايب لنا في حمص بابا عمرو
كلمتهم مرة عمي قبل فترة والحين مافي اتصالات واحد جاي عن طريق الاردن قال

عمارتهم اللي ساكنين فيها ثلاث ادوار انطحنت طحن صار عاليها واطيها
وكل ماشافتني جدتي وش صار على عائلة محمود هو عندهم حرب مدري وش اقول

عمي فارش لهم بيت كامل عشان نجيبهم من هناك عن طريق الاردن تهريب

كل شي مقفل واحد رد على مرة عمي اخوها قال انا هربت وانا الحين بالرياض وعائلة ابو محمود بيتهم طاح عليهم كلهم مايندرى عنهم
وش اقول لجدتي كل ماشافتني سالتني

محتار كنت بنزل الموضوع او لا
العصر جت اخبار من حمص ان جيش الكلب ماقدر يدخل والجيش الحر علمهم ولقنهم دروس في العز والرجولة
الله يعين وانا الوحيد اللي داري

ياليتن مادريت لاني ماحب احمل السر واكتمه

مازن البلادي · #2 (**permalink**) 29-02-2012, 11:46 PM

لا اله الا الله الله ياخذك يابشار بحق هذا اليوم يارب العالمين

الله يصبركم يارب ويصبر الشعب السوري

أحساس مترف · #3 (**permalink**) 29-02-2012, 11:46 PM

والله ماعندي رد ..

لاحول ولا قوة إلا بالله .. حسبي الله على من ظلم وتجبر

بحر الهلاك · #4 (**permalink**) 29-02-2012, 11:55 PM

والله ثم والله ان صدري ضايق وماني قادر اصدق
الوغدان اللي كنا نلعب معاهم ماراح نشوفهم
كلهم بالعمارة فوق خمسين واحد
اااااه ياعبرتن بالعين ماني قادر امسكها
خروج ابي اشم هواء.

تم التحديث · #5 (**permalink**) 29-02-2012, 11:56 PM

انتظر ممكن سالمين ماصار لهم شي
قدروا يهربون
اكتم السر مو تعلم
انتظر
لاصار العلم انهم فيهم شي متاكد بوح بالسر
والله يلطف فيهم يارب

ضيقتني وثيقتي · #6 (**permalink**) 01-03-2012, 01:56 AM

حسبي الله ونعم الوكيل عليك يابشار ( الله يورينا فيه عجايب قدرته

انتظر يمكن يجي خبر عنهم
او خل احد غيرك يوصل لها الخبر اذا كنت ماتقدر

الله يعينكم

انفاس مبعثره · #7 (**permalink**) 01-03-2012, 01:59 AM

حسبي الله عليه ونعم الوكييييل

باذن الله ان مايكوون صايبهم مكروه .. انتظر لا تعلم يمكن ناجين ..

أُتـرَجة · #8 (**permalink**) 01-03-2012, 02:02 AM

قريبة منا لقريب لنا
لا تعلم عن أهلها شيء وهم في المنطقة المدهوكه أن صح التعبير
حمص
كأني أراها بين وجود أمل وفقده كثير من هم كثير
لا تحزن الجدة ولا أنت فكُلنا راحل ..الله يحسن خواتيمنا وينصر كل المظاليم
حسبي الله وكفى

منار الوجه · #9 (**permalink**) 01-03-2012, 02:11 AM

الله يكون بعونهم
انا كنت بالاردن من قبل امس والله اجواهم مره حلوه مطر من امس 2بالليل الى ماطلعنااا الاردن كلهاا سورين وليبين
ربك يعين

الراآسيه · #10 (**permalink**) 01-03-2012, 02:14 AM

حسبي الله على من طغى وتجبر
يارب يكونوااقاربك بخيرخنقتني العبره
لاحول ولاقوة الابالله
اعرف هذاالاحساس ربي لااسألك ردالقضاء ولكن اللطف
فيه صديقة اختي قريبهااللي مات من التعذيب على يدين كلاب
بشارلعنة الله عليهم حتى الدريل استعملوه فيه خخخ