السلام عليكم ورحمة الله وبركاته

كيف الحال أن شاء الله بخير


بالمختصر المفيد أن عندي صديق لي مفصول من العمل من 3 سنوات تقريبا ويراجع من اول ما انفصل

ولا خلي شي ما سواه ولا حصل الا باب واحد مفتوح له وهو عن طريق محامي وقاله المحامي

لازم تدفع خمسين الف وراح يرجعه للعمل بغضون شهر ....

والرجال ماعنده فلوس وحاول يدبر فلوس ولا قدر ...


سؤالي هو ابيكم توجهوني علي جهه يعطونه مساعده ماديه عشان يقدر يعطي المحامي


ويرجع لعمله ...؟؟

واذا فيه احد يقدر يساعده والله يكسب اجر مو طبيعي خصوصا انه يتيم الاب والام ومفصول

من وظيفته وحالته حاله .....


وازيدكم من الشعر بيت الوظيفه اللي كان فيها سببوا له مشكله بالقلب وفصلوه بعد وعليه دين يمكن

170 الف ....

ولما راح وقدم علي تقاعد عطوه التامينات 1900 ريال فقط وسحبوها البنك يعني ما استفاد شي

واللحين هو يدبر فلووس بس مايدري وين يرووح ...



تكفوون يا اهل النخووه افززعلوه .....

عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ فَرَّجَ عَنْ أَخِيهِ كُرْبَةً مِنْ كُرَبِ الدُّنْيَا فَرَّجَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ


وعن سهل بن سعد رضي الله عنه قال : قال رسول الله صلى الله عليه وسلم : ( أنا وكافل اليتيم في الجنة هكذا وأشار بالسبابة والوسطى وفرج بينهما )


تحياتي لكم

الله يكوون في عووونه يارب ويسهل له اصحاب الخير الي يفرجوون همه

الله يسهل اموره يااارب

يكتب معرووووووووض ويرسله على الاماره
او اخوانه واقاربة يسووون له جمعية ويسددهم

لا حول ولا قوة الا بالله
الله يفرج عليه وباذن الله تلقى من يساعدك ...

لاحول ولاقوة الابالله , اسأل الله العظيم له الفرج العاجل وأن يفتح له ابواب الرزق اللهم امين
يروح ديوان المظالم او اذا له اوراق وثبوتيات يراجع الجهات المسؤله عن قطاع عمله اما وزارات او مؤسسات
او يرفع برقيه لسكرتير الملك او وزير العمل او يقدم خطاب للامارة , وبأذن الله تتيسر

[align=center]
الله يكون في عووونه
مثل ماقالوا الاخوان يرفع برقيه مستعجلة
للإمارة الرياض يطلب تسديد دينه وراح يتسدد
ويعرض لهم مشكلته في فصل من الوظيفة
الله ييسر له اموره
[/align]

والله يا اخوك هو ما خلي شي ماسوواه راح للديوان الملكي وراح لاماره الرياض واماره الشرقيه

وراح لوزارة البترول والثروه المعدنية وراح لمكتب العمل ولا خلي شي ما سوواه كل هذا عشان يرجع

لشركة ارامكوا السعوديه لكن للاسف تقفلت كل الابواب بوجهه .

وامس كلمته وقلت له رح لديوان المظالم ورح لهيئه الفساد واذا ماصار شي مالك الا محامي والمحامي قاله

راح ارجعك للعمل خلال شهر بس تدفع خمسين الف ....

وهو مايبي احد يسدد عنه الدين هو يبي ليا رجع للوظيفه يسدد من راتبه بس يرجعونه للعمل واللحين رجعته

للعمل واقفه علي الله ثم علي خمسين الف يدفعها للمحامي ويرجع فقط