اسعد الله ايامكم....


بقولكم قصتي اليوم بالحرم ..انا اسبوعيا وبفضل من الله اروح الحرم ولله الحمد دايما اروح بس مثل هاليوم صراحه بجد اتحملت الموقف فقط عشاني ببيت الله فقط لاغير..

طبعا انا من سكان مكه ..جيت الحرم تقريبا الساعه6 ع المغرب دخلت داخل الحرم امام الكعبه قلت بصلي ركعتين وطبعا ساعه مستجابه قلت ادعي فيها عسى يستجيب فيها الله سبحانه..توي حطيت شنطتي وبكبر يجيني شيخ مطوع لابس بشت ويقولي يلا يلا يافتاه فوق فوق اطلعي قلت باقي ع المغرب تقريبا ربع ساعه واقسم بالله ناس كثير جنبي مالقى الا انا تركته وكان امامي مباشره تركته وكبرت قلت الله واكبر قالي تصلين بالقوه انتي وكملت صلاتي ومازال امامي واقف وسويت نفسي مااشوفه طالع فيني ياجماعه بنظره واقسملكم بالله نظرة استحقار وقالي بالفم المليان(صـــلاه كذابــــه)واقسم بالله واقسم بالله لو انا مو في بيت الله بجد واتكلم وماعلي فاحد لكن اللي محترمته اني الارض اللي انا عليها ارض طاهره ..سكت وتجيني وحده كمان تشتغل بالحرم تناظر بكيس جنبي تقول ايش ذا ..انا ماخذه معاي وطبعا دايما ماحب اروح كذا دايما اخذ معاي كرتون ياحلاوه او بسكويت المهم اوزعها ع الاطفال اللي اشوفهم المهم تقولي الحرمه ايش ذا قلت انا بوزعها ع الاطفال قالت بيتك هو يلا طلعيه برا وتركتها وكأن ماصار شي لاني محترمتها باحترام المكان اللي قاعده فيه....

باختصار شديد جدا يعني ابي بجد وخاصه اللي يشتغلون فالحرم احترمو بجد اللي امامكم وعيب عليك يافلان كونك مطوع وكونك مسلم ترد ع انسانه ماتعرفها وتستحقر حتى بالصلاه..بجد ناس مايستحقون المكان اللي هم فيه بجد.....

ياعزيزتي ....ولا تحرقي دمك ولا أعصابك ...احتسبي الاجر على الله...وكوني كالنخله العاليه ترمى بالحصى وتعطي الناس التمر...بكل حنان ... وانتي في بقعه مباركه ومكان مقدس ...احترمي انتي بس هالمكان اللي انتي فيه ....وماعليك من احد خصوصا انك حرمه ...واذا تكلمتي والا قلتي شي ..قالوا قليلة ادب ماتستحي على وجهها طويلة اللسان ...شفتي وش لك بالدوخه اسكتي واطلبي الله عوض ....

واللـه مافي رد يفي بالموضوع ..

بس الشيطان يمرض مايموت

ان شاء الله انه اختبار من الله عز وجل لك احتسبي الاجر ,,

ياجماعه انا والله ثم والله مو هالشي عشاني انا الحمدلله هالاشكال ماتضرني ابد ولاتهزني اعتبروها ثقه او اي شي بجد بس القهر احنا وين احنا بالحرم ياخي خل عندك اسلوب زين قولي جزاكي الله خير يافلانه اصعدي فوق اما يلا يلا يلا وقليل وخلاص يعني بجد بجد شي واقولها وماعلي فاحد مايستحق مكانه ابد والله ثم والله ان مكانه مو بالحرم ابد يعني ع باله الطواعه انه ربى لحيه ماشاء الله وخلاص وذا ماعرف ان الدين التعامل لاغير..

آسعد الله آيامك ولياليك .,
وتقبل الله طآعتك .,

بكل صرآحه .,
إذا كما تقولين .. فعلن تعامل سيئ باللفاظ ..
لا بد ان يتعلموا الذوق والاحترام للمكآن ولزوار البيت الحرآآم .,

نعم هم يعانون .. ويتعبون .. وينظمون .. الله يجزاهم خير
ومن شدة ما يلقون تتغير آخلاقهم ونفسيآتهم .. وآكيد مالك ذنب .. تبغى معامله حسنه .,

العتب ليس عليهم .. فقط ..
العتب ع الدورات .. اللى المفترض آن ياخذوها في التعامل والصبر.,
العتب ع انتقاء الاشخاص .,
المفترض تكثيف العدد ..

نقطه آخيره .,
التعامل بالخلق لا يعترف بالاشخاص ومكانتهم .. هي عامل تربوي ونفسي ..


آتمنى لك طاعه افضل في الايام القادمه ..,
وتوزعي حلوى بكميات كبيره .,

حيآه آسهل ... آبتسمي ..

شكرا لردك ..مااعرف اذا انت بنت او ولد من نكك نسيم الماضي اعذرني او اعذريني جزيت/ي خيرا ع هالكلام..

وبجد التعامل مهما ومهما التعامل زين..فاشلون فبيت الله ..

كونك تردي عليه وعليهآ تأدبيهم لأنو جد يحتآجو تأديب تأكدي دآ مآيمس قدآسة المكآن
ويآطول بآلك ليه النظره دي
رد حكيم في محلو يأدبهم مو معنآه مآقدستي مكة بلعكس دآفعتي عن شرف المكآن.

انا كوني أصريت بصلاتي وماعلي فيه ذا اعتبره اكبر رد لي..ومن يكون عشان اقطع صلاتي عشان كلمته اللي مثل اخلاقه لمن قالي صلاه كذابه يبي ينرفزني عشان اقطع الصلاه واناقشه بس أصريت ..

تلقينهم يجيهم ضغط من العمل ويصد
ر منهم التصرف هذا

الله المستعان
والله يكون بالعون من بعض البشرية ونفوسها اللي بخشمها
وش استفاد اللحين لمن تكلم بذا الكلام
لكن احسنتِ العمل بالتطنيش
ولو انه واحد من الشباب اتوقع بتصير مضاربة وطاخ طراخ
وعلى القسم

لكن كويس انك تمالكتي نفسك وربي يعوضك خير
البرود في بعض الاوقات مفيد ومجدي