السلام عليكم ورحمة الله وبركاته

مالي بالمقدمات بخش بالموضوع على طوووول
الي هو مجرد استفسار بسيط وكل يوم القا له اجابه غير

ودي اسال اذا حنا يحق لنا الضمان الاجتماعي انا نطالب فيه

زوجي يبلغ من العمر ثمان وعشرون عاما <<
وشهادة تفشل عساها شهادة عدوي الي هي ( سـادس )

وانا ماني بعيدتن عنه بس الحمدلله فيني خير
شهادتي ثانوي + دبلوم حاسب من الجامعه << اكشخ

زبدة الموضوع
اذا حظرتهم يقولون مشي بوزتس ماتشوفون الضمان لين يجي عمر زوجتس 45 سنه
والا انه يصاب بمرض مزري عشان نمشيله الضمان بسم لله عليه
وين حنا عايشين

سوال يبوني اجلس 18 سنه مدري احياء والا اموت بساعتها
ليه ؟؟
من يصرف على بزرانا

تقولون دورو على وظيفه
الي ابرك منا ماجستير لهم سنين ودنين مالقو وظايف
واقفه علي وعلى زوجي الي شهايدنا مثل وجيهنا
وغير كذا سيرتي الذاتيه لو بحلف وصلت ( شانغهاي )
لاوظايف ولاسنع

قسم قسمات طفح الكيل معي
لابد من وجود قرار مانبي فلوس الله لايشكر فضلكم
وظفونا وحنا نعييش انفسنا

سوري يمكن شطحت شوي بالحكي بس مجرد كلام بداخلي
ولازم اطلعه سوى هنا او باي مكان وتمنى يوصل للمسوئلين او الوزراء

تقبلووو مروري
وسوري على الاطاله
لكم ودي

اختكم : في منتهى الدجه << انا اشـهـد