صبـــــــــاح الخير......او مســــــــــــاء الخير........او كلتـــــــــاهمــــــا معاً

قال صلى الله عليه وسلم:
( لتتبعن سنن من كان قبلكم ، شبرا بشبر، وذراعابذراع، حتى لو دخلوا جحر ضب تبعتموهم)
قالوا: يارسول الله: اليهود والنصارى؟؟!! قال: ( فمن؟)...أخرجه البخاري



الكل يعرف ان التابع ذليل والمتبوع عزيز....وكلنا شفنا ومازلنا نشوف التقليد الواضح للغرب في كل شي حتى في عبادتهم....ولاتنسون برامجهم .....كمان لاتنسون طيحيني ....الكدش....حركات شبابية حتى في الالفاظ ....حتى انهم ضحكوا على بناتنا وقالوا لهم هذي (عباية فرنسية).......اسئلك بالله يا أختي.....كيف تصدقين ان فرنسا تصنع عبايات وهي الدولة العلمانية رقم واحد في العالم (ولاتهون تركيا) .....فرنسا تخلع العبايات من البنات بالقوة وفي المدارس بحجة الغاء الرموز الدينية....وتاركه النصارى يعلقون الصليب على صدورهم.......المهم ماعلينا عشان لا أطلع عن الموضوع......
منزلين لنا عبايات مخصرة ......والوطواط مدري الخفاش ومدري ايش (ضحكوا على البنات وقالوا ان اللي تلبس عباية الوطواط تطير).....
قبل اربع سنوات انتشرت عبايات مكتوب عليها من ورا (اتحداك تلمسني) لكن تمت السيطرة عليها من بدري.....هذا غير العبايات المطرزة .....وعلى طاري التطريز الحين الشباب الله يهديهم طالعين لنا بحركة تطريز الثياب حتى صرت اشوف الثوب احسبه خيشة رز...والا تنورة....مالها الا سحّاب واحد بدل الزرار....وقبلها كانوا طايحين في الثياب الضيقة او المخصرة....وقبلها البناطيل المشحطة .........

شفنا لاعب اوروبي يسلم على رجل خويه بعد هدف احرزه ......وشفنا في الملاعب السعودية نفس الحركة......
شفنا شغب الجمهور الاوروبي (الانجليزي) .....وللاسف شفناه من بعض الهمج في الملاعب السعودية..............
شفنا اقتحام الجمهور للملعب في منتصف المباراة.....وشفنا الحثالة عندنا تقلد حثالة اوروبا..........
وشفنا حرمة في اوروبا نزلت للملعب في منتصف المباراة...وهي عارية........

فهل ستشهد المرأة السعودية نزول اول امرأة سعودية عارية الملعب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يصلح امور المسلمين,!
ويصحيهم من غفلتهم,!
ولآ يحل علينآ غضبهـ,َ
لآحول ولاقوة الابالله,!

الله لا يجيب اليوم اللي تنزل فيه البنت السعودية عارية.. البنت السعودية شريفة..


ريتك شفت حلقة قبل كم يوم تتكلم عن الكورة بالسعودية.. جايبين بنات حثالة من جدة.. وبدون نقاب ويلعون بالناطلين.. وحجاب رايح فيها.. وايش باسم السعوديات..وهن من فئة حج ولم يعد..

انا مع انه السعوديات يلعبون بالمدارس وانديه مخصصه لهن.. حنا بالشرقية عندنا انديه للحريم.. ولاعمره يوم طلعوا على قنوات وفرحانات بعمرهم ويناقزون باسم السعودية..بنات عوائل واصول..


بقولك سالفة اليوم فرش صارت معي .. وشف شلون؟؟


اليوم كنت على نقاش حاد مع حجازية(( غير اصوليه)).. تتريق على اللي يلبسون نقاب..و وتتكلم عن بنت عمره 15 وهي تقول لابوها كيف كذا الكل جالس وهي قطعه سوداء..بس عيونها..

انا عصبت ورديت عليها ان شاء الله تبغينها تكون عرض.. الكل يشوفها.. قالت انا من عرفت انه ابوها حنبلي المذهب .. خليته..

قالت الحنابلة ما اعرف من وين يجبيون الكلام.. يألفون حديث على كيفهم..

قلت لها انا حنبلية.. ولا ارضى اكون يوم صورة الكل يتفرج عليها..ولو سألتك زوجات الرسول شلون كانوا؟؟ ونساء الانصار؟؟ كيف كانوا...هذولي هم قدوتي..

ومني ومناك.. وهي تسب تسب المنقبات.. وواخرتها تقول الحمدلله اني مالكية..


قلت لها الامام مالك قال اذا لقيتوا رأي افضل من رأيي خذوه.. ولو يدري الامام مالك عنكم ما كان صرح.. وانا سنية منقبة ولا اتشرف باي سنية غير منقبة..وقلت لها بنات دولكم(( هي من المغرب العربي)) قلت لها محسبوات على المسلمين.. مثال غير مشرف.. والقلة القليلة منهم المحترمة.. يعانون كثير.. وانا عندي صاحبات مغربيات وتونسيات.... يتمنون لو انهم مثلي منقبات..احس فيهم حسرة .. ما فيه شاب يفكر فيها وهي متدينة ومحجبة..

وراحت تقولي انا عادي البس بنطلون وحجاب واجلس مع الرجال بس فيه حدود..

وقلت لها انا جوهرة مصونه من عيون الرجال..

تعرف هذا الفئة الحثالة هي اللي تخرب علينا..من تطلع باسم المرأة السعودية..مافيه بنت اصول وقبائل.. راح تلبس بنطلون وتركض قدام كاميرا..وحنا ما نبي هذا اليوم..

انا من خبرتي بمجال التدريس لقيت شئ رئيسي من الاركان مش موجودة بالبيوت.. وهي الحوار.. لقيت طالبات ما فيه احد يتحاور معهم.. عايشين على الافلام والمسلسلات.. شباب وشابات فاضي مو حاس بقيمته كأنسان.. ولا اعرف ايش هدفه بالحياة,, عايش على الهامش..

وفيه جانب يغفل كثير من المدرسين عنه.. في اهداف مادة التدريس يكون هدف دييني .. هدف يديني ينحط وسط الدرس..بدون ما يحس الطالب.. انا كنت اعتمده كشئ رئيسي.. واخذته من مشرفتي الله يذكرها بالخير..


الله يستر عليك ودنيا واخره.. ويحميك ويحمي كل قريباتك.. وبنات المسلمين من الفتن ما ظهر منها وما بطن..

اخي الدبلوماسي
غيرتك مشروعه وجوهرك الطيب
يلمع مع كل حرف تكتبه بصدق وكل نصح
وتوجيه .. كثر الله من امثالك ونفع بك الاسلام
والمسلمين .. قلت فاوجزت وتحدثت فابدعت وبالاسلوب
السهل اليسير الغير متكلف .. وجزى الله خيرا اختنا
ام الوظائف صاحبة الهمة العاليه وكثر الله من
امثالها فقد اضافت اضافة مشرفة ونقلت
صورة رائعه .. اما عن التقليد فهو
شر لابد منه اليوم ولانستطيع
ان نسيطر عليه الا بالقيم
والاخلاق التي نزرعها
في نفوس الاجيال
القادمه.. ارق
تحيه من
اخيك.

يعطيك العافية يا الدبلوماسي

عزيزتي ام الوظائف ترى كتيييير من التونسيات محترماات و بنات ناس و اصول يا قلبي
وبعدين مو الكل كدة..يعني مثل ما عندكم عندهم..
يعني في كل بلد الزين و الشين..
ومثل ما شفتي ان في بنات متنقبات قبليات سعوديات..تلاقي بنات في مكان معرووف فيك يا جدة و سعوديات و قبليات هشك بشك و ماشين بلبس شييييييييييييييييي؟؟؟؟؟

المشكله واللي يقهر لو تسئل اي واحد من اللي يقلدون الغرب تقوله انت تقلدهم
قال لا هاذي الموضه واذا قلتله انت ترضى دينهم قال لا طيب ليش تقلدهم
والغرب سئل واحد منهم قال ليش ما تسوون زي العرب
بالاصح تقلدون العرب تلبسون زي لبسهم قال حنا نقلد المتخلفين
طيب هم حاطينا متخلفين ليش نقلدهم
انا مستغرب من اللي يلبسون طيحيني نعنبوه ما يستحي شوي لا تبان العوره الله لا يبلانا
شكرا لك

ما نقول الا الله المستعان