الي فووق 35 بيومين ؟!!

عطالة بطاله · #1 (**permalink**) 04-03-2012, 02:03 AM

السلام عليكم ورحمة الله وبركاته

ماعندي مقدمات فاابدخل بالموضوع ....

الان الي فوق 35 ماقالو انهم مايستلمون حافز عشان يوظفونهم بتنتهي السنه وهم مااتصلو عليهم ولا وظفوهم الى عرضو عليهم

وظائف عاملات واقسم بالله العظيم عشان مايجيني احد مطفي النور ماشي 500 طبعا مافي سرعه 500 بس مثال

يقول لا مو عاملات هذي وظائف محترمه لا انا بقولكم ياعاملات وطبعا قسم اليمين فوق
عشان مااكون اكذب
يااختلاط مع الرجال وبمستشفى يعني لازم يشوفك وانتي تشتغلين عشان يقيمك طبعا ويشوف شغلك

مع العلم ان في الدنيا الخير والشر بس نبي نتقي الشبهات !!!!!

وراتب 1600 طبعا قسميها مع السواق والشغاله الي تمسك عيالك او حضانه تحطي اولادك بقالك 300 كويسه

هذا الي شفته انا المهم وزبدة الموضوع لاوظائف ولا اتصال ولا حافز طيب وش يسوون الحين

والشهادات والدورات بالدرج وخمسميه نسخه موزعه على المدارس الاهليه ومراكز السيدات والتدريب تنتظرين احد يعطيكي وجه يوظفك شحاده

نجي للحكمه من هذا كله لاني مؤمنه بان الارزاق مقسمه مو من وجيههم ولا اشكالهم <<<< لازم تغلط عليهم لو غير مباشر عشان تحس انها مبسوطه

الصبر ...

الايمان التام مع اليقين بان الرزق الله ضامنه وفي السماء رزقكم وماتوعدون ...

الثقه بالله في كل الامور ...

الاقتناع بان كل الامور الي نحبها اذا جات خيره واذا راحت خيره وعسى ان تحبو شي وهو كره لكم وعسى ان تكرهو شي وهو خير لكم والله يعلم وانتم لاتعلمون ...

سويتلكم جو حلو داريه يالله ادعولي ان الله يفتح علي باب من السماء لايرد وصحه مابعدها الم

دمتم بخير ...

ɜ z ƒ · #2 (**permalink**) 04-03-2012, 02:54 AM

ربي يرزقكـ ان شاء الله

عطالة بطاله · #3 (**permalink**) 04-03-2012, 03:56 AM

امين والجميع ان شاء الله

طبعا انا حكيت عن مثال مو شرط اكون انا مو لاقيه يمكن انا متوظفه بس غيري

الي فوق الخمس والثلاثين ولا انصرفلهم حافز ولا وظفوهم لازم الكل يحس فيهم مو الانسان يفكر بنفسه وبس هذا الي مظيعناااااااا عدم الاحساس بالغير ...
اعذب التحايا ياغنوجه ...

غرام الاحباب · #4 (**permalink**) 04-03-2012, 08:50 AM

شـكرا لك وبارك الله فيك... لك مني أجمل تحية .

سعودي فاضي · #5 (**permalink**) 04-03-2012, 11:21 AM

الله يرزق الجميع

الكسيره · #6 (**permalink**) 04-03-2012, 12:10 PM

الله يغنينا من فضله المفروض يعطوننا 2000 كل شهر وبدون شغل المملكه غنيه وش نسوي احنا فوق الاربعين ؟؟

قمة الذوق · #7 (**permalink**) 04-03-2012, 12:13 PM

موفق بإذن الله ... لك مني أجمل تحية .

بوعايض · #8 (**permalink**) 04-03-2012, 10:28 PM

الله يغنيكم ويرزقكم بافضل منها

ومن ترك شيأن لله عوضه الله خيراً منها

مجرد سعودية · #9 (**permalink**) 06-03-2012, 04:38 PM

اما سواق وشغاله ليه بعدين البزران ابوهم يصرف عليهم

عطالة بطاله · #10 (**permalink**) 06-03-2012, 10:20 PM

اقتباس:

المشاركة الأصلية كتبت بواسطة مجرد سعودية

اما سواق وشغاله ليه بعدين البزران ابوهم يصرف عليهم

ويييييييييين عايشه الاخت ولا كاتبه مجرد سعوديه ولا مجرده من السعوديه ماعلينا

انا بصراحه لاني عايشه في السعوديه الله يعزها باهلها

اشوف كثير حريم ماعندهم ازواج ولا مطلقه ورامي اطفاله الي تقولين يصرف عليهم

عليها وشايل يدينه ترميهم بالشارع

او ارمله او راتبه قليل يعني ماتساعد رفيق دربها

عيدي كلامك الي يده في النار مو مثل الي يدينه ورجوله وكراعينه غاطسف في النار

واعذريني على شده اسلوبي انا يومي اشوف ناس مبتلشه بعمرها احنا مع غيرنا جنه والحمدالله على كل حال