السلام عليكم ورحمة الله وبركاته
أرجوا اني القى طلبي عندكم
أنا امرأة ساكنة في العوالي من سنة وبحثت عن شقة من أكثر من خمسة أشهر ولكن بلا فائدة لأني ساكنة هنا وكاتبة العقد باسمي وليس لي أحد الا الله ثم ولد أختي يجي يزورني من فترة لفترة .
الايجار هنا غالي علي وغير كده ساكن أمامي موظفين شركة خاصة وهذا غير مقابر ****** الي أمامي .. صاحب العمارة ماقصر وساعدني في التأجير وكتابة العقد بس الوضع غير مريح صراحة .
حاولت أبحث عن شقة ولكن للأسف في ناس رفضوا كتابة العقد باسمي خصوصا اني غير موظفة والبعض الي وافقوا كان غرضهم حقير .. واذا لقيت أحد يكتب العقد ألقى الشقة للأسف معدومة ..
كل الي أبغاه شقة نظيفة في منطقة حية كقبا مثلا لأني ماأبغى وسط حواري وينكتب العقد باسمي الى مايجي ولد أختي وبعدها يتحول باسمه ويكون سعرها معقول 12 أو 13 ألف بالكثير ..

علما اني قدمت في الامارة بطلب سكن خاص والى الآن مافي جديد وراجعت كذا مؤسسة خيرية للدعم المالي على الأقل وبلا فائدة ..
من يجد في نفسه خيرا فليساعدني وجزاكم الله خير

طيب سجلي بضمان او روح الجمعيه الخيريه قولي لهم كل شئ او اذا مانفع اكتبي معروض ورقه للاماره قابلي فيها امير المنطقه واشرحي له وضعك وانا انصحك بالاستغفار اختي الاستغفار يفتح لك ابواب مقفله بوجهك حاولي تحددي في كل يوم ساعتين استغفار شوفي النتيجه من ربي العالمين وفضله الله يفرجها عليك اختي ولا تنسي الوتر تحياتي اختي بالتوفيق لك والله يريح بالك

استغفر الله

حسبي الله ونعم الوكيل

الله يعينك
ان شاء الله الاخوان مايقصرون

بإذن الله راح ابحثلك عن شقه

ولكن والله مو فاهم موضوع العقد

لكن احصل الشقه بعدين يصير خير