السلام عليكم ورحمة الله وبركاته
يااخوان قسم بالله مليت طفشت كرهت حتى نفسي من العطاله
الى متى وانا عاطل
ياخوان وربي اصحي من الفجر كل يوم واطلع للشارع اشوف الناس
وكلهم فيهم الطالب وفيهم الموظف وكل واحد رايح لشغله غير انا جالس بالبيت وربي احس اني مرآه مو رجل طفشت وحتى بديت افكر اني انتحر وانهي حياتي
والله حرام معدلي89 % وقدرات 77% وجالس بالبيت
مليت وانا اطلب ابوي فلوس رغم انه مقتدر ولاعمره قصر معي بشي لاكن لما اجي ابطلبه احس اني اخجل من نفسي
رجل ويطلب ابوه احس اني ماقدر اعتمد على نفسي رغم اني قادر اني اشتغل اي شغله
وفيه طاقة زايده احس اني ابشتغل ابي اتحرك ابي اصحي من الفجر واروح اداوم
لكن للااسف انا بمحافظه صغيره مافيها معاهد ولا جامعات حتى اكمل دراستي
ومافيها حتى فرص وظيفية
ابي حل والا فكرت الانتحار راح تسيطر علي ويمكن باي لحظه اضعف امامهاا
طبعا عارف ان الانتحار حرام وان المنتحر مايدخل الجنه لكن وش اسوي حتى حافز للاسف ماخذته
بحجة ان عمري ماوصل 20 مدري كيف تفكيرهم
رغم اني ماابغي حافز ابي وظيفه ولو باي راتب بس اهم شي اتحرك اطلع من جو البطاله
ابي اقول للناس انا موظف
وشكراً

اذا تبي وظيفه روح وزاره الدفاع برياض لا طول ولا وزن ولا شئ
يبون ناس كثيره قدم على سلاح المشاه مدام معك ثانويه
كلها كم اسبوع يدقون عليك وتخلص الكشف كل الاوراق وتتحول لدووره
المكان الرياض حي الوزارات وزارة الدفاع اسئل الشرطه العسكريه ابي مكتب المراجعين كل المعاملات فيها
او اقرب تجنيد للقوات البريه وتقديم مفتوح طوال العام ولا تفكر بالانتحار لانه حرام شنو استفدت عذاب بدنيا وعذاب بالاخره اهم شئ صلاه وانصحك بالاستغفار حاول كل يووم تحدد لك ساعتين للاستغفار وراح تشوف نتيجه الاستغفار من فضل ربي والله يوفقك ويكتب لك الخير

ياخوي طولي مو مناسب والسبب ان طولي ناقص نص طولي 167 ونص يعني نص سانتي يحرمني الوظيفه
ويقطع رزقي ويحرمني من حاجات كثير من الزواج والاستقرار ......الخ

الله يسهل امورك وجميع شباب المسلمين
والله كلنا عاطلين بنات وشباب
وش نسوي مابيدنا حيلة
مالنا الا الصبر وباذن الله تفرج

اولا :احمد الله ان ربي رزقك عقل تفكر فيه فكرت في الانتحار ومافكرت في حلول ثانيه بديله فكرت تخسر اخرتك على حساب الدنيا انا اعرف انك شاب وعندك طاقات وان البطاله لها اضرار نفسيه كبيره لكن انت قلت ان وضع ابوك المادي تمام طيب خذ منه مبلغ وابدا باي مشروع تشوف نفسك فيه واذا توسعت في تجارتك عوض ابوك الان حتى البنات العاطلات يفكرون انهم يتاجرون باي شئ على حسب كل وحده في ايش شاطره
ثانيا :اذا ماتبي التجاره قدم على اي وظيفه ان شاء الله سكورتي هذا عمل شريف مافيه شئ
ثالثا :قدم على اي جامعه او كليه وكمل دراستك لاتقول المكان الي انت موجود فيه مافيه اي جامعه او كليه طيب انت رجل لازم تسافر وتكابد في الحياه الحياه مو سهله لازم لها جد واجتهاد لازم تسعى وانت متواكل مو متوكل لانك مابذلت الاسباب صدقني بالعزيمه والاصرار راح تنحل مشكلتك فكر انت وش تبي وحدد هذفك ونفذه وبعدها راح تذوق طعم النجاح
رابعا :وهو الاهم اياك والفراغ اشغل نفسك باي شئ نافع مارس رياضه طور نفسك طيب ربي اذا ماكتب لك وظيفه تفكر في الانتحار وين الايمان بالله وان الله هو الرزاق متى مابذلنا الاسباب عليك بالصلاه واكثر من الاستغفار والدعاء بكل اخلاص وثق تماما انك راح تتوفق
اتمنى اننا نشوف لك مشاركه ثانيه وحالك افضل وافكارك احسن من كذا ربي يوفقك ويرزقك من حيث لاتحتسب

شف اخوي الفراغ والشباب مفسده واي مفسده فحاول ماتكون فاضي ابد شلون ؟ بما انك شباب والله نصيحه من قلب شف ماراح تفهم كلامي الحين الا اذا اتبعتاه وبعد فتره من تطبيقه بتدعي لي انت حاول تقدم علي الوظايف اللي ذكروها الاخوان ان مالقيت اسمع
عليك بالتجاره لاتقول مامعي فلوس مامعي ملايين شف ابو هنود واليمنين شف العالم شلون يجون هنا مامعهم ريال ويحولون ملايين بما ان ابوك ماعليه ولو انه ماقول تاجر بس خله يدعمك لو باليسر ان شاء الله 500وشف بما انك بمحافظه صغيره معناها ال ناس يحتاجون اشياء كثيره من برا المحافظه انت فكر هم وش ينقصهم هل ماعندكم تمر او اي شي تحس العالم يطلعون عشان يجيبونه وفره انت بحيث اسبوعيا تطلع من محافظتك وتجيب هالشي الناقص واشتغل بالتصريف في منتجات ومصانع كثيره تصير ماركتنق يعني اذا صرفتاها لك نسبه واذا ماصرفتها مو ناقصك شي والله فيها ربح ملايين بس الاجانب هم اللي لاقينها

أستعيذ بالله من الشيطان الرجيم يبي لك الشر و الهلاك عليه اللعنة إلى يوم الدين

شوف رد أخونا بركوت و توكل على الله و طبق وش يقوله لعل الله يفتح عليك الخير

الله يشرح صدرك للإيمان

تنتحر عشان فلوس يادافع البلا
كل التجااار الي انت تشوفهم ومنهم الراجحي وغيره من التجار ماعندهم وظايف بدوا من الصفر

تذكر اخواننا بسوريا وتعرف انك غير مؤمن بالله ..بالله تنتحر عشان عطالة ..
شوف البنقالية كيف يجي الواحد بفلينتة وسروالة ويطلع خير من هنا .ز
قابلت سعودي شغال بمكتبة قبل فترة ماشاء الله عليه وبسسسسسسسسسسسسسسسسسسسس