السلام عليكم ورحمة الله وبركاته

بصراحة ما اعرف كيف ابدي الموضوع
لكن بصراحة الواحد وصل حده مو عارف وش يسوي كل يوم الأسعار فووق كل يوم الأسعار فووق
صار مصروفي الشخصي إذا بحافظ على نفسي 700 ريال اقل شي كل شهر والراتب صافي 2500

ما ادري متى بتزوج وبشتري سيارة و على الأقل اشوفلي شقة أجار
وربي مو عارف وش ابدي او وش اختار
الشركة الي انا فيها الشركة السعودية لتموين والتعاهدات عندها مشروح في الهيئة الملكية بالجبيل
انا اشتغلت فيها كرجل أمن ، والراتب 1800 ويتعدل بعد 3 شهور يصير 2800
بس للأسف كل فساااد في فساااد
ضليت 10 شهور بعدين عدلو راتبي ونصبوني في الشهور الي طافت
والحين استلم صافي 2500

والمشكلة الأكبر أن موظف الهيئة الملكية يقول ان الهيئة المليكة تعطي الشركة لرجل الأمن السعودي 3800 !!! والله العلي العظيم ،
بس يا حسره فسااد وإهماال ومدري وش اقول ما نشوف شي

مافي دائرة حكومية تطارد ورى هذي الشركات المتلاعبة و يعطونا ابسط حقوقنا
والله انلعب فينا لحد ما شبعنا

والله كتبت هذا الموضوع من القهر يمكن اتفائل بردودكم مع أنه مافي أمل في هالبلد