اخي انت جمعت اكثر من مشروع في مشروع واحد
مشروعك الاول دجاج بياض لبيض ملقح والعدد 1000 دجاجه بما فيها الديوك
مشروعك الثاني انتاج صيصان
مشروعك الثالث تربية الصيصان
فمشروعك الاول متعب جدا ومكلف لانه لابد من عزل كل 20 دجاجه لوحدها مع ديك لاجل الحصول على بيض ملقح
مشروعك الثاني يحتاج غرفه واحده فقط ولكن يحتاج لاكثر من فقاسه لان يوميا عندك حوالي 600 بيضه
مشروعك الثالث يحتاج كل دفعه محتاجه مكان خاص
الراي
ان تركز على مشروع واحد فقط فمثلا اذا يهمك بيع فروج فماعليك الا شراء صيصان عمر يوم واحد من المشاريع المتخصصه وتربيها لمدة اربعين يوما وتبيعها
واذا هدفك بيع صيصان عمر يوم واحد فكثر الفقاسات وبع الصيصان من بعد عمر يوم واحد بالجمله
واذا هدفك بيع البيض فاشتر صيصان او فروج وربها بشرط يكون من النوع البياض بدون ديوك وهذي تباع عند المشاريع المتخصصه وتبيع انت بيض غير ملقح
ابحث عن استراحه بها كهرباء وبعيده عن السكان او مزرعه بعيده بها كهرباء واستاجرها
وانصحك ان يكون الدجاج بلدي والعدد بالبدايه لايتجاوز مية دجاجه وتخصص بالبلدي والبيض البلدي والفروج البلدي

اتمنى لك التوفيق

وعليكم السلام ورحمة الله وبركاته ..

مشروعك مربح جدآ ويطلع ذهب بس ممكن سؤال ..؟

انت تبي مشروع تسمين أو بيع البيض ..؟

لازم تحدد اتجاهك وركز عليه فقط يعني لا تسمن ولا تبيع بيض بوقت واحد راح يلخبط الحسابات عندك

ومو حل ناجح أنك تجيب من بقايا سوق الخضار ومن صالات الأفراح أنا كنت اضع لها الأملاح والبروتينات

مع اكلها المخصص لها وقوم بصفقات بكميات كبيرهـ لتوفير الشعير لها أي ماكنت اشتري خيشه خيشه

كنت اشتري بجمله تكفي لست شهور قدام واعرف تمامآ انك تتعامل مع نفس اي مو معا اجهزها

تكدسها بالمخازن متى اردت بيعها تبيعها .! يجب ان تعرف كل صغيرهـ وكبيرهـ في مشروعك يجب ان

تتعامل مع طبيب بيطري يعمل دورهـ شهريه ليفحص الدجاج واذا اهملت هذا الجانب أضمن لك

ليله من اليالي يتصل بك العامل ويقول لا سمح الله ماتت 500 دجاجه ولازم توفر المساحات المطلوبه

لتزاوج وغيرهـ و1000 دجاجه كبدايه لك مو شي هين تقريبآ عندك كل يوم 400 - 600 بيضه باليوم .!

هل فكرة عندما تنتج باليوم 400 بيضه على الاقل كيف بتصرفها ..؟ انا فاهمك تبي تزيد اعداد الدجاج .

أنا من وجهة نظري تعمل حسبه بسيطه جدآ وراح تفيدك بأذن الله ..

أول شي تاجر بالبيض ولا تحاول تنتج اللا 100 بيضه بشهر واذا كبرو الفروخ تبيع من 1000 دجاجه اللتي كبرة بالعمر أو بها عله وانصحك تسوي اساور عليها ارقام من 1 - 1000 لكي يعرف الطبيب البيطري كل دجاجه يفحصها ولكي تعرف وتراقب الدجاج لعدم سرقته او اكله من العاملين وغيرهـ من الأسباب

وقبل ماتشري وتنتج حاول تسوي علاقات في سوق الدجاج في مدينتك وتعرف على اصحاب البقالات وتعاقد معهم قول ابيع لكم كرتون البيض باقل من سعر الموزع وهكذا وحاول توفر مخزن متوسط
لتحمل به خيشات الشعير والفاتمينات واذا ماتقدر توفر خيشات كثيرهـ وفر على الاقل خيشه مع بقايا الحفلات وسوق الخضار ولازم تحرص على النظافه جيدآ جيدآ جيدآ ترجع وتقول ليش اكون علاقات في سوق الحمام ( الدجاج ) اذا اكرمك الله اشتر دجاج غالي سعرهـ منه وفيه واعرف الطلب على الأنواع وخصص ناحيه من ارض المشروع لها لتكاثر فقط اي ماتبيع بيضها وتبيع في مزادات وسوف تخرج بخير بأذن الله تعالئ واما من ناحية التقسيم فانصح انك تقسم الارض على اقسام مثلآ كل 20 دجاجه من فحل وحاول تشوف اللي تجيب اكثر بيض حاول تحطهم كلهم مع بعض واللي ماتبيض اللا قليل حاول تحطهم بروح ولا تجعل الفحول مع بعض وحاول كل اسبوع يومين تعزل الفحل عن الدجاج عن ماتطلع روحه من التزاوج وحاول تسوي خانات انت بنفسك لاداعي لنجار والأفضل تجيب الجاهزات وطبعآ غاليه وحاول تكون الأرضيه نشارة خشب ولا تجلعها تراب فقط هذا اللي حضر معاي حاليأ واي سؤال انا حاضر

وفقك الله لمايحب ويرضاهـ

[align=center]
اشكر الجميع على المرور واتمنا الافادة ايضا
[/align]