السلام عليكم ورحمة الله وبركاته
اما بعد
الحمد الله تم قبولي في كلية التقنيه مسائي الحضور يوم 1433/5/8
المهم كان عندي تخصصين اختارهم اما تبريد وتكييف او الكترونيات فااخترت تبريد وتكييف لان اسمع واجد تبريد وتكييف وبعد الفحص والمحص اكتشفت انها ماتنفعني فاسؤال هل يمكن ان اغيير تخصصي الى كهرباء او حاسب لاني اشوف نفسي احسن في هاذي المجالات
واكيد احد بينقز لي وبيقول الكليه التقنيه كهم عاطلين الكليه التقنيه مالها مستقبل الخ اقوله وش تبيني اسوي لي سنه وانا اقدم بذا النت و ملف علقي نسبتي 67% مع ان النسبه ذي جت بطيش كان يمديني اجيب احسن من كيذا بكثير بس ماحسبت حساب الوقت هاذا وعلى اخر سنتين باالثانويه خربتها بس انشاء الله اني اعدل وضعي هل المره وانا طموحي مو سابك ولا ارامكو طموحي اني اتوظف عسكري برتبة عريف او وكيل رقيب انشاء الله اكرر هل شهادة كلية اتقنيه تقدر تحقق طموحي
وباي تخصص با الظبط
وشكراا

[align=center] وعليكم السلام ورحمة الله وبركاته

حياك الله أخوي ..


مبروك القبول ... وع حدي علمي بإمكانك التغيير بعد الترم الأول .. بشرط تجيب معدل كويس .. أتوقع 4 .. ولو تعرف أحد راح تمشي أمورك ..

اذا تبي عسكرية .. أفضل تخصص الكهرباء والميكانيكا من وجهة نظري ... شد حيلك ولا يهمك كلام الناس ...


بالتوفيق ...
[/align]

مشكور يمقن وانشاء الله طموحي فوق ال 4

بعد ماتجيب المعدل تغير التخصص
موفق خييير ان شاء الله

موفق بإذن الله ... لك مني أجمل تحية .

الله يوفقك
تقدرت تغير التخصص الي تبيه ... اهم شئ تجيب نسبه ...

تحياتي لك

1- حاسب آلي 2- أدارة إعمال
غير هالتخصصين انصحك تريح عمرك لانها ما راح تنفعك الا في حالة كان معدلك قووووي جدااا

ولو ما قدرت تغير التخصص اتركها والله حرام يضيع عمرك على الفاضي > نصيحة من مجرب يعض اصابع الندم على اليوم الي قبلوني فية

تقول وين اروح ؟؟

عندك جامعة سعود التخصصات المطلوبة خاصة الطبية او المعهد الصحي الي بالقصيم بفلوس طبعاً ... او اطلع بعثة دراسة على حسابك اول ترم وبعدها يحولونك على حساب الحكومة في امريكا والحق قبل لا يمنعوها مثل بريطانياا ..
شوف الناس الي رجعو من البعثات ومعدلاتهم حلوه في ارامكو وسابك على 20 و 30 الف وسيارات واخر دلع

الله يوفقك ويكتب لك الصالح

نصيحه مني روح جامعه ماتشوف اكثر العاطيلن كلية تقنيه ولا تغرك التخصصات والله مامنها فايده التقنيه بكبرها خلي عنك لا تبريد ولا كهرباء نصيحه مني
خليها ع جنب

شوف يااخي انا كان مستواي زين بدراسة اخر سنتة سحبت وغياب كثير المهم جبت 68 بالمية بالثانوي وقدمت على التقنية واخذت دبلوم كهربا وشديت حيلي جبت 4.19 من خمسة وكملت هندسة كهربائية وزملائي الي اخذو دبلوم كلهم بارامكو وشركات رواتبها زينة من 6 وطالع شد حيلك واختار تخصصين قويين هم كهربا والالكترونيات وقو لغة بالانجلش وجيب معدل وابشر بالخير