[align=center]
مساء الخير
انا الحمدلله من المستفيدين من حااااااااااافز والله يجعل لكل واحد ووحده منكم حظ ونصيب فيه برحمته ياحي ياقيوم ويرحم حالنا ان شاءلله
انا جالسه اسئل نفسي عن اعانه حافز الي محددينها سنه وحده فقط طيب لنفرض هالسنه ماتوظف فيها كل المستفيدين من هذا النظام اوكي الي توظف الله يوفقه وييسر اموره بنت ولا ولد بس الي خلصت السنه ولاتوظف وش السواه وين نروح تنقطع الاعانه ولا فيه وظيفه والله هي فكه ازمه كبيره ولله الحمد بصراحه شاغلني هالموضوع وودي لو نناقشه مع ان الملك الله يطول بعمره ماحدد لاعمر ولا سنه ولا عشرين سنه لكن البلا من الي تحته لعبو فينا حسبي الله عليهم وهو نعم الوكيل


اترك النقاااااااااااش لكم واتمنى يصل للمسؤلين لنحظى باجابه مرضيه شافيه
[/align]

المفروض برنامج حافز مايعتمد برنامج فاشل فاشل فاشل ذلحين الناس تبي 2000ريال وتنام في البيوت وراح تزداد البطالة بنسبة كبيرة والاخير الشروط حرمت الكثير

والله صدقت ما ذا بعد انتهاء السنة المحددة
ما مصيرنا الله المستعان

8 سنوات بحث وانتظار خريجة ادارة مستشفيات وخدمات صحية

المستشفيات الخاصة شرطهم كشف وخبرة والحكومة حبالهم طويلة

الله المستعان

.


من جد والله بعد السنه مآتخلص الناس كيف تصرف أمورها
إن شاء الله إنهم يكملون جميلهم ويلقون وظآيف للأغلبيه
عشان الناس ترتاح من هم مآبعد السنه
الله المستعان بس ..






.

هو المفروض أختي الفاضلة أن الاعانة ماتنقطع الا عند التوظيف

واذا كانت سنة فقط راح تتعقد المسألة أكثر وأكثر

الملك عبدالله لم يحدد لها لكن البلاء من البطانة الوسخة

الي همهم الاول والاخير أنفسهم فقط

لكن نحنوا ندعو الله بأن يرزقنا

هذه مشكلة ولابد من جود حلول لها

وأذا جات على المسؤولين ودهم اليوم قبل بكرة يقطعونها على الناس

لكن ننتظر القرارات التي سوف تحدث في المستقبل

خلونا الان ننبسط مع حويفز


نكتة الملك عبدالله حقت البترول يوم قال الله يطول في عمره قالوا مين قال قولوا أمين

ونحنوا نقول الله يطول في عمر حافز

مادري وش دخل أم النكتة هذه في هذه المشكلة قمت أهذري مادري وش أقول

لكن شكرا


هههههههههههههههههههههههههههههههههههه

وماذا بعد السنه ياحافز


لــنـــــــــــا الله ,,,

قولوا ونـــــــــــعم بالله

اللي رزقنــا بحآآآفز رآآح يرزقنا بغيـــــــــره ’’

يالغلا ’’ لـــو انكم توكــلون على الله حق توكله لرزقكم كما يرزق الطير ,, تغدوا خماصا وتعود بطآآنا

الله لا يحوجنا البـشر ,, وربي ذلـونا كانها من جيوبهم ,,

الحمدلله ربي يسـوق رزقه لعبيده ,,

والله يالغلا ’’ لا تشيلي هــــم ولا حااجه ,, مادام في رب رحيم بعباده ,,

ودايما قولي ,,,
حسبنا الله سيؤتينا الله من فضله انا الى الله راغبون

تقبلي مروووري يالغلا,,

بعد سنة يستمر كل شخص يطور من نفسه ويبحث عن وظيفه بنفسه

مثل جميع العاطلين اللي قبلنا ما كان لهم اعانه ولا بحث لهم احد عن وظيفه

جربوا وظائف رواتبها قليله وخاضوا اكثر من تجربه لحد ربي ما فتحها عليهم ولقوا وظيفة مناسبه

والملك يا أخوان حدد ان الاعانه تكون سنة واحده بس

بعون الله تعالى
نحن عبدالله بن عبدالعزيز آل سعود
ملك المملكة العربية السعودية
إن مشكلة البطالة التي يعاني منها أبناؤنا وبناتنا تأخذ الحيز الأكبر من اهتمامنا، وحيث أن صندوق تنمية الموارد البشرية تمكن نوعاً ما من أن يكون رافداً قوياً لتوظيف الشباب.
لذا نرى أن يتم توظيف جزء من موارده المالية لإقرار إعانة مالية مؤقتة للشباب الباحث عن العمل في إطار حل عاجل وقابل للتطبيق في هذه المرحلة، وتوفير هذا الدعم من احتياطي صندوق تنمية الموارد البشرية لفترة مبدئية لا تتجاوز عاماً واحداً

[align=center]


{ كل الشروط تمت الموافقة عليها في مجلس الشورى وتم التوقيع عليها بواسطة ولي العهد

واكثر شي يظلم في الحقيقة شرط العمر بدال مايحددون المؤهل راحوا يحددون العمر

يعني بالله اللي معاهـ ابتدائي راح يتوظف ولا فيه أمل حتى بس نقول عسى الله ان يهدي

الجميع ويغيرون في شروطهم كلها سنة والدولة بخير وش دعوهـ هالقعط ...



[/align]