الله يوفقك اخوي ويوسع رزقك

كلامك جممممممممميل يا جميل
بس الاخيره علشان معشر البنات بعد يبون مثلك مشاريع مو لازم يشرفون عليها مباشره
وباقي كلامك درر

سجلني من متابعينك

*****مـ ــ ــ ــ ــ ـ ــــســ ــ ــ ـــ ـــ ــ ــ ــ ـــــاء الــ ــ ـــ ـ ـ ــ ــــفـ ـ ـ ــل******

والله ردودكم وحماسكم يخلي الواحد يجتهد ويبدع وغصبن عنه يفكر

.............المحاضره الثانية بـــــعنوان (عـــنــــــوســــــة الــشـــــبـــــــــــابـــ).............

حياكم الله في منتدانا الغالي على قلوبنا وبالتحديد في قاعة (فضفضة فضاوه) وموضوعي اليوم أتمنى من بنات حوا انهم يرأفو بحال الشباب وكلامي موجه لبعض لبعض لبعض الفتيات (((ركزوا في كلمة بعض يعني أنا ما عممت الموضوع على كل البنات))) لأنه فيه صبايا فيهم الخير والبركه

بالعافيه عليكم الوجبه السابقه ولكن لن أوزع أية مأكولات أو مشروبات في هذه المحاضره لأني لسه ما تغديت أصلا..ع العموم ندخل في صلب الموضوووع

في مشاريع كثيييره وكلنا نسمع بأنه فلان عنده مشروع كلنا نتحمس ونقول ايش المشروع يا فلان..ويرد علينا ويقول مشروع زواااااااااااااااااااج..طيب يبي يكمل نص دينه الله يوفقه
ولكن بعد أن ينصرف ويذهب من عندنا نقول الله يعيييييييييييييييينه........!!!

الواحد لاقرر يتزوج يصير انسان مندفع غير مبالي بالتكاليف الي راح تفقش راسه فقش
راح ادرج لكم بعض من متطلبات الزواج هذي الأيام طبعاً باختلاف التكاليف من مدينه الى اخرى وأيضاً الاختلافات بين قبيله إلى اخرى :

1 - موتر (سياره) كشخه وآخر موديل عشان يودي أهله لبيت العروسه اللي راح يخطبوها لأنه أكيد أهل البنت بيشوفو سيارته ..لا شافو موتره قديم ومو مغسل ولا ملمع كفراته قالولهم امسكو الباب هذا أولها ينعاف تاليها...نصيخه مني اللي يبي يروح يخطب وموتره يمشي الحال نصيحه مني لا يروح فيه ..يتسلف موتر اي احد من اصحابه او اقاربه أو انه يروح لمكتب تأجير سيارات ويستأجر ويسلك أموره يا لكزس أو بانوراما لأنه الكامري والكورولا هذي الأيام ما تأكل عيش

2ـ طقم شبكه وهديه للعروسه وهديه لأم العروسه وهديه لأخو العروسه وهديه لسواااقهم الهندي ويكون في جيبك مهر لا يقل عن 30 ألف ريال هذا إن لقيت الحين.. و5ألاف للأم و10 آلاف للأبو و5آلاف للأخو**عاد شوف كم أخ عندها** ((حشا بتزوج العيله كلها مو بس البنت))

3ـ شبكه في استراحه طبعاً( عند بعض العوائل الشبكه على اهل البنت وبعض الناس على اهل العريس ) وطبعاً من حظك لو كانت عليهم وياويلك لو كانت عليك ليش؟؟؟؟؟؟
لأنك راح تحجز استراحه وذبايح وعشا وميز عند الحريم ودقاقه وحلويات ومباشريات ومباشريين وعصيرات وكيكات وحلويات ومكسرات و...إلخ

إلى هنا وما أبي أكمل عشان ما أبي الشباب يقرون ثم يتعقدون نفسياً واللي كان نفسه يخطب ويتزوج ما أبغاه يهوووون......وعشان ما أبي عنوسة الشباب تزيد

الأسباب اللي فوق هي سبب العنوسه للشباب والبنات في الزمن هذا صح كلامي ولا غلط؟؟؟

يعني اذا خلص من الزوااج المسكين وراح بيته هو وزوجته تتوقعوا انه راح يحبها بعد ما تسلف وتدين ومافي بنك الا وترجاهم يعطونه قرض ومافي معرض سيارات الا وحاول انه ياخذ منهم سيارات......العريس أقل شي 4 سنوات بعد الزواج راح يعيش طفران ويا كلون زبادي وفول وفلافل هو وزوجته............................! ( إلـــــــــــــــــى مــــــــــــــــتــــــى..؟ )

لكن يازين البنت اللي تبي تيسر على زوجها وتسهل امور زواجها عشان الله يباركلها ويرزقها الذريه الصالحه وتعيش في سعاده وغنى ونفسية زوجها مرتاحه وكل مايشوفها زوجها يدعيلها مو يدعي عليها مثل العروووسه اللي فووووووووووووق

يعني فيه بنات كذا وبنات كذا .....هذي نصيحه مني للبنات

لا تحطي كل تفكيرك وانبساطك في ليلة الفرح وبس....حطي تفكيرك وسعادتك بعد ليلة الفرح

يعني اللي وده يتزوج ياريت يسوي دراسة جدوى للبنت ولأهلها اللي بياخذ منهم...
يمكن يطلع خسران......يمكن يطلع كسبان

اعتبروها فضفضة فضاوه لأنه والله كثير أسمع بفشل الزواج بعد مرور سنه او سنتين والسبب انه الزوج كاره زوجته لأنه كل مايشوفها يتذكر ديونه ويخاف يجيب منها عيال وتكثر مصاريفه

صحيح اني سووولفت كثير بس اعذروني كلام يقرقع

انتظروني بأفكار مشاريع كويسه طيبه خفيفه لذيذه للشباب والبنات وكل موضوع وانتوا بخير
والله يوفق الجميع ....اعذروني ما ضحكتكم كثير اليوم لأني والله جاي تعبان من المكده وباخذلي غطه الله يوفقني ويوفقكم
مع الـــــــــــــــســــــــــــــــــــــــــــــــ ـلامــــه

سجلني متابعة بوجود المحرم


بالنسبه لمحاضرتك الاولى
كما احببت ان تسميها

فكلامك صحيح وكان لي بعض الملاحظات عليها لكن الاخوان ماقصروا بالردود




والمحاضره الثانيه


اتوقع السبب مو منك لانك جوعان
على قولتهم (انت مو انت وانت جيعان )

فنصيحه لاتكتب شي الا وانت مركز زين ومصحصح وامورك تمام

ولو بعقب على كلامك حرفيا
راح اعمل مقارنه بين كل الكلام اللي قلته سابقا
وبين حال البنت المسكينه بعد الزواج
ف عشان كذا انا تجنبت كل هذا وراح اكتفي باللي قلته فالك التوفيق

صاادق ياخوي الواحد منا لازم يشغل مخه الوظيفة مو جايته علا طبق من ذهب
انا لي ست سنين ادق تلفونات من وزارة الى مكتب من دار الى مراكز وروحة وجية من البح ويتاخر خواني عن الدوام احس اني سويت للي اقدرعليه علشان ماندم بعدين
بس انتو يالشباب معكم سيارات تقدرون تفرون الرياض او بر الرياض
حنالنا الله

انا مقدمه على رياده من1432/10/15 وللحين ماصار شي سئلتهم يقولون قريب بنبدا بالفرز كلام فاضي