للشاعر الكبير : مدغم ابو شيبه

[poem=font="Arial,6,white,bold,normal" bkcolor="transparent" bkimage="https://www.btalah.com/mwaextraedit2/backgrounds/22.gif" border="inset,4,white" type=0 line=0 align=center use=ex num="0,black""]
يالله ياقاضي من الشان شانه=ياعالم احوال النفوس الخفيات
ياضامن ٍ رزقك ورزقك ضمانه=على البشر من سابع المستحيلات
تزيدني قوة وصبر ومتانة=وتحول مابيني وبين الملذات
أحلى مافي الدنيا صلاح البطانة=وأسوأ مافيه المصلحة والعلاقات
بعض ثياب الدين فيها ديانة=وبعض ثياب الدين فيها عصابات
خلف الظهور يدبرون الخيانة=وفي المسجد يصلون خمس الصلوات
والبيت في مكة عزيز ٍ كيانه=ماله فروع ٍ في قطر والإمارات
ما أقول ظلك لا توقف وزانه=لكن محمد مات وإبليس ما مات
بعض القلوب المغلقة للصيانة=يمكن مع انفسها تعيد الحسابات
الأرض عيّت لا تشيل الأمانة=وإشتالها الإنسان من طيبة الذات
والحِمل حِمل اللي وسيع بطانه=يقوم لو فوقه جبال السراوات
والا الردي لو كان عنتر زمانه=ومخباه مليان ٍ ختوم وبطاقات
وعنده طرف شِيخة وعنده حصانه=من هقوة الفرغه وحكي السعوات
تحك صفره وقفته في مكانه=أما الخشوم اللى لا راحت ولا جات
المرجلة صبر وثبات وشطانه=أول سنة منها عن أربع سنوات
يشقى بها صلب ٍ سليط لسانه=وإيديه لبيوت الفقر جسر إغاثات
لا جيت تفرق لك فتن عن إخوانه=تضع علامة عند بعض العلامات
أبرز علامات الذهين الذهانة=وأبرز علامات الذليل التلفات
واللي ما منهم عون ولا إستعانه=أهل ما عندي وأهل ما أقدر وأهل هات
كل ٍ من الأرقام حطه وخانه=وراعي البخل بالذات والخبث بالذات
إجفه وبع وجهه وضحكة ثمانه=وإغسل يدينك من يده سبع مرات
وعلى جميع الناس ساده وعانه=إختار منهم للسفر والمهمات
اللي مواقفهم ثبات ورزانه=واللي ضمايرهم صناديق أمانات
وباقي عباد الله سوات الميانة=إن صافحت ما جات وإن اقبلت جات
[/poem]

__________________
ومن يعمل من الصالحات وهو مؤمن فلا يخاف ظلما ولا هضما