--::--



لايــومــي بــيــوم ٍ ولا لـيـلــي بـلـيــل
ولا الـسّـعـد مـقـبـل ولا الـهــم زايـــل


ماغـيـر ازم هـمـوم واحــط واشـيــل
ولاراح مـنـهــا هــــم جــالــه بــدايـــل


تـدرون يالعـربـان وشـهـي البهـاذيـل
فرقـى وليـف وحـظ مـامـن صمـايـل


الـوصـل نعـمـه والمـفـارق غرابـيـل
يــاحـــظ لـيــتــك تـعــتــدل مـاتـمـايــل


لامــن بغـيـت اعـدّلـك تـرجـع تـمـيـل
كـنّـك تـقـول اعـيـش وامــوت مـايـل


والمهـرة الـلـي ماتعـيّـن مــع الخـيـل
مـن دونهـا تقـصـر جمـيـع الأصـايـل


من دونها ضاعت عقول الحلاحيـل
وتـضـاربـت فـيـهــا ســلــوم الـقـبـايـل


ياشيـب عينـي يـوم قفّـت وانـا اخـيـل
دموعـهـا وبــلٍ عـلــى الـخــد سـايــل


وانـا اتصبّـر وازهـم العقـل والحيـل
والقـلـب يشـكـي للضـلـوع النـحـايـل


اصبر مثل صبر الرجـال المشاكيـل
واخـبّـي جــروح الـزمــن واتـحـايـل


لن الردي والهيس وخبل الرجاجيل
تـفـرح لا ورانــي الـزمـان الـهـوايـل


وانــا اتـرفـع واتــرك الـقـال والقـيـل
واجبر عزى قلبٍ علـى المـوت آيـل


أشب نار الشـوق وارهـي المعاميـل
واريّـــح اعـصـابـي بـبــدع الـمـثـايـل


ولاّ الـغـلا مـاعــاد يـحـتـاج تفـصـيـل
لــنّـــه مـوريــنــي نــجـــوم الـقــوايــل


]يالـلـي غيـابـك حــط بالقـلـب تنـكـيـل
ويـلـي عـلـى قـربـك ولانــي بطـايـل


لاغــاب صـوتـك ماتفـيـد المـراسـيـل
وفـر عـلـى الـجـوال كـثـر الرسـايـل


والله لــــو تــاخـــذ لــدمـــي تـحـالـيــل
تـلـقـاك بالجـيـنـات صـايــل وجــايــل


حبـك تـعـدى حــب الاكــراد لأربـيـل
الاّ تــعـــدى حـــــب شــمـــر لـحــايــل


صبيـت حبـك مـثـل صــب الفناجـيـل
ويـن الجليلـه تشـرب اشـواق وايــل


وانتـه تواعدنـي مـن اسهيـل لسهيـل
والشـوق فـي قلبـي مـسـوي عمـايـل


ليـتـك تبآدلني الـغــلا والمـواصـيـل
وتــرد لــي بـعـض الـوفـا والجمـايـل


تعبـت مـن قولـة ظـروف وعراقـيـل
وتعـبـت مــن قـولـة يـاقــل الـوسـايـل

يـعـنـي انـــا ويـــاك مـثــل المـهـابـيـل
واشـبـاهـنـا فـالـوقــت هــــذا قــلايـــل


كــذاب مــن قـــال المـحـبـه تسـاهـيـل
راحـــو ضحيـتـهـا عـيــال الحـمـايـل




--::--