وعليكم السلام ورحمة الله وبركاته

الف مبروك وعقبال القبول النهائي

والله شوف ياخوي
ماتعرف لهم بالتقاديم حسب المزاج

لكن انت مالك الا حلين

الاول: انك تروح وتقولهم بس بشرط واحد
انك تاخذ معك الاصول لكل الشهادات والأوراق اللي مو مصدقه
عشان هم يطابقونها لك ويمكن تمشي ويطلبونك تجيبها بالموعد الثاني مصدقه
(وقولهم ما أمداك تصدقها زي ما قلت )

الحل الثاني: انك تتصل عليهم بكره من الصباح بدري
وتشرح لهم وضعك وانه موعدك السبت
ولكن ما صدقت الشهادات وتبي تصدقها وتجي
وشوف وش يقولون لك

والأهم من هذا كله لازم تروح تصور شهاداتك واوراقك اللي يبغالها تصديق
اكثر من نسخه وتصدقها لانك راح تحتاجها بأكثر من تقديم
عشان تتلافى هالشي ما يصير معك بالتقاديم الجايه
(وياليت كل الشباب ينتهبون لهالنقطه)

واذا تبي رأيي توكل على الله وروح بس خذ الأصول معك
وان شاء الله ما بيقولون شي دام الاصول موجوده


انا ماعندي خلفية متى بدأت إجراءات القبول بالكلية
اذا لها فتره شوف الشباب يمكن فيه احد عانى
من نفس المشكله وتاخر ماراح بنفس موعده ومشوه عادي


الله ييسر لك امرك ويسخر لك عباااده ياااارب

بالتوفيق لك