المشاركة الأصلية كتبت بواسطة عون الرفيق

ياخـوك دام متفـرغ وتبي تـابـع شغلك بنفسـك وتبي تـرد راس مالك بأسـرع وقـت بعد توفيق الله عليـك بالمعـدات شغلهــا ذهـب بس يبي لها رجـال هـاب ريـح ويثنـي رجـلـه بالنسبـه لي اشـوفـه افضـ وازيـن مشروع من ناحيـة المردود واسترجاع راس المـال بس انتبـه يي لك درايـه كامـله عنها وطريقة تشغيلهـاا وعلاقـاتها والسواقيـن من الدرجـه الاولـى وانصحـك لاتخـش براس المـال كـله اشتغـل ب500 الـف والله اذا الله بارك لك فيها راح تعيـن خيـر بأذن الله
والله يرزق الجميـــع

المشاركة الأصلية كتبت بواسطة مواااااطن عادي

بسم الله الرحمن الرحيم

خلال 18 سنه بوظيفه ميدانيه بدوام 12 ساعه يوميا وبفضل من الله قدرت اجمع مبلغ 700 الف ريال.

لله الحمد لدي بيت واسره وراتب شهري تقاعدي فوق 7000 ريال.ومتفرغ تماما ولدي طموح ولله الحمد .

ودي استثمر المبلغ بمشروع بحيث ارجع راس مالي خلال سنتين , لا تقولون اشتر اراضي وبع, العقار انتهى وقته, و لا تقولون ابن لك عماره واجرها لأان العماره ترد قيمتها خلال 8 الى 10 سنوات. ممكن احد يقول سوق الاسهم , انا داخل السوق الان لكن الاسهم على كف عفريت وتتاثر بالوضع السياسي والامني للدول.

ابي مشروع انا اتابعه لاني متفرغ وابي راس مالي يرجع لي خلال سنتين.

انا فكرت بمشروع معدات او نقل بضائع لكن ماعندي خبره بالمعدات . نبي المشوره ,,

المشاركة الأصلية كتبت بواسطة اناالسعودي

انصحك مبلغك تقدر تسوي منه مشروع ومربح باذن الله


بس اركد وفكر زين


بالنسبة للي انا اشوف افضل مشروع مؤسسة نقل بضائع مواد غذائية تبريد تجميد عفش اغنام اعلاف خضار مواد اي شي يخص النقل



كذلك اخوي عندك مشروع السكراب كل ما في الامر تشوف لك موقع تستاجرة وتشتري ميزان ومكبس حديد وباذن الله تعين خير


كذلك اخوي عندك مشروع ثلاجة مواد غذائية هذي حدث ولا حرج



ايضاء اخوي استيرد سيارات ومعدات من الخارج وبيعها هنا وهذي ربحها زين وما يحتاج


اخوي والله المشاريع واجد وانت ما شاء الله عليك عندك السيولة ومتفرغ يعني اخوي جميع مقومات النجاح بين ايديك



اخوي اهم شي قبل تبداء اي مشرع استخر ربك وادرس المشروع زين


وتو كل على الله


موفق اخو ي

المشاركة الأصلية كتبت بواسطة مواااااطن عادي

اخي انا السعودي,,,


اشكرك على مشاركتك في طرح افكارك المفيده وأسال الله ان يوفقك وجميع الاخوة.



سوبرماركت او ثلاجه مناسب جدا بس يبيله انسان يثبت زي المسمسار على كرسي الكاشير وهذي صعبه جدا بحكم مسؤلياتي تجاه اسرتي والعزايم يعني ما ودي انعزل عن المجتمع وحضور المناسبات والمفاطيح.

لكن ماهي مشكله نجيب عامل يشتغل بالسوبرماركت ونعطيه راتب ثابت ونسبه 5% من الارباح ونشقر عليه بين فتره وفتره. بس والله ماراح اسلم من السرقه.

طيب شلون اضمن ان العامل مايسرقني؟؟؟؟

المشاركة الأصلية كتبت بواسطة عمررررررر

هلا أخووي ْ

نصيحه لكْ ~ > فلوسك لآتدخلهآ كآمله مشروعْ

أنـآ أقول مثلا ْ

أفتح حلاق يكلفك بالكثير 80 ألف
ومغسلة سيآرات 150 ألف
وخياط رجالي 60 ألف
مطعم صغير يكلفك بالكثير 150 ألف ( شآورما برستد فطائر ) < هذآ ربحه حلوو

ونفس كذآ وتطلع عليك خير أخوي والأهم أنك متفرغ لهآ ...

والله يكتبلك الخيرْ ي ربْ

فآلك التوفيقْ .

المشاركة الأصلية كتبت بواسطة اناالسعودي

اخوي اذا نوى العامل يسرق سرق مهما تسوي


اذا ما بتتابع الثلاجة بنفسك لا تغامر


اجل عليك بمشروع 100% ناجح باذن الله وهو نقليات


المبلغ اللي عندك يجيب لك على الاقل 4 تريلا بسواقينها

واقل دخل لاي تريلة اليوم اذا ما تشتغل مو اقل من 8 الاف ريال


يعني دخلك الشهري اقل شي 30 الف باذن الله خلال سنتين تسترد راس مالك


اخوي صدقني مشروع النقليات مشرووووع مربح ومضمون باذن الله


فكر فيه وشف وش يسير معك اخوي واي استفسلر انا بالخدمة