بسم الله الرحمن الرحيم

خلال 18 سنه بوظيفه ميدانيه بدوام 12 ساعه يوميا وبفضل من الله قدرت اجمع مبلغ 700 الف ريال.

لله الحمد لدي بيت واسره وراتب شهري تقاعدي فوق 7000 ريال.ومتفرغ تماما ولدي طموح ولله الحمد .

ودي استثمر المبلغ بمشروع بحيث ارجع راس مالي خلال سنتين , لا تقولون اشتر اراضي وبع, العقار انتهى وقته, و لا تقولون ابن لك عماره واجرها لأان العماره ترد قيمتها خلال 8 الى 10 سنوات. ممكن احد يقول سوق الاسهم , انا داخل السوق الان لكن الاسهم على كف عفريت وتتاثر بالوضع السياسي والامني للدول.

ابي مشروع انا اتابعه لاني متفرغ وابي راس مالي يرجع لي خلال سنتين.

انا فكرت بمشروع معدات او نقل بضائع لكن ماعندي خبره بالمعدات . نبي المشوره ,,

ما عندي فكرة عن المشاريع صراحه

ولكن حبيت انصحك نصيحه لوجه الله

ابعد كل البعد عن سوق الاسهم

والله يا انه دماااااااااااااااااااااار

شوفلك مشروع على قدك بسيط ب 300 الف وشوي شوي طورة وكذى

موفق

قبل كل شيء

لا تدخل بمشروع بكامل مبلغك لأن التجارة ربح وخسارة ، وهذا لا يعني تخويفك بل الحذر مطلوب

أدخل مشروع بـ 250 ألف وليكن معدات ثقيلة ( قلاب - شيول - بوكلين )

ومشروع آخر بـ 200 ألف ( مطعم - ورشة - مقاولات )

والباقي احتياط لظروف الحياة ولإنقاذ المشروع في حالة خسارته لا قدر الله

والله انا اشوف القلابات شغلها هالايام مشششاء الله

اعلانات كثيره يطلبونها بجميع احجامها

يعيني لو تاحذ قلابين وشيول كلها في حدود الـ 500 ترد لك راس مالك بس اهم شي المتابعه وانت فاضي وبتابعها اكيييييد

هلا أخووي ْ

نصيحه لكْ ~ > فلوسك لآتدخلهآ كآمله مشروعْ

أنـآ أقول مثلا ْ

أفتح حلاق يكلفك بالكثير 80 ألف
ومغسلة سيآرات 150 ألف
وخياط رجالي 60 ألف
مطعم صغير يكلفك بالكثير 150 ألف ( شآورما برستد فطائر ) < هذآ ربحه حلوو

ونفس كذآ وتطلع عليك خير أخوي والأهم أنك متفرغ لهآ ...

والله يكتبلك الخيرْ ي ربْ

فآلك التوفيقْ .

افتح لك بمبلغ 300000 ريال محل كل شي بريالين والله انه ذهب بس اهم شي تكون انت الي متابعه

مو تفتحه وتسلمه للعماله

ماقصرو الاخوان وممكن ازيد اقتراح مكتبة للادوات المدرسية وفيها وسائل ومكائن تصوير

[align=center]
اخوي مواطن عادي،،،
أسعد الله مساك أنت وجميع الأعضاء ،،
باجاوبك من الأخيرر وحط في بالك محدثك خبررة سنين في التجارة وفي جميع المجالات (العقارات ، المقاولات ، المعدات ،المحلات التجارية ، المصانع )فكلامي لك من واقع خبررة وتجربة وان شاء الله راح أفيدك كثيرر ، أولاً بالنسبة للعقار البيع والشراء في الاراضي فمثل ما قلت ولى زمانه او خلنا نقول رركد سوقه ، نصيحتي لك وأتمنى تأخذ بها طبعا خذ من المبلغ 400 ألف ووزعها في الآتي:
1/المعدات أفضلها عندك البوكلين (الدقاق) بتلقى المستخدم النظيف من (250-350)ألف كتربلر أو هيتاشي لا تدور غيرره وجب لك سواق فنان وانطل البوكلين عند المخططات الجديدة وكل شهر وصافي لك ما لا يقل عن 25 ألف ريال وبخصوص القلاب انحش منه اللي يجيك منه يروح فيه يعني حالبها شاربها مثل ما يقولون ...

2/المحلات التجارية عندك الوجبات السريعة في موقع ممتاز طبعا يكون مطعم متوسط فيه فطائر وشاورما وبيتزا وبروستد وهمبرقر وأتعب على اختيار الموقع وجب لك عمالة تركيا وراح يكلفك من 150 ألف وعليها وطبعا
دخلك ماراح يقل يوميا عن 3000 ريال وطالع طبعا الدخل ما هو الصافي والحسابة بتحسب...

والباقي300 ألف خلها احتياط في الحساب وأي استفسار أنا حااضر ونسيت أقولك المشروعين اللي ذكرتهم لك بتررد راس مالك في سنة مو سنتين ،،،
[/align]