13-03-2012, 02:56 PM
|
عضو مهم
|
|
تاريخ التسجيل: Mar 2010
المشاركات: 259
معدل تقييم المستوى: 25277
|
|
مسا ء الخير يابنات لي نص ساعه تقريبا من وصلت كنت من 9 صباحا بالخدمه المدنية
طبعا رحت وكلي متحطمه الموظفات بالاول ياخذون بالدوره عطينا سجلك ويعطونك النقاط من حظنا كان الكهرباء طافي بنص الوزاره وعشان يصرفونا بالاول يقلون الاجهزة ماتتشغل قلنا لهم فيه جهاز بره وعطونا نقاطنا حاولنا ناخذ معلومات يرفضون يقلون ماعندنا معلومات انتظروا المطالبه قالت وحده لما شافت انو احنا فوق رؤسهم فيه مسئوله ودخلنا وجلسونا بالمكتب بدون انوار طبعا جت وحده رائعه وقالت انتظروا المسئوله وشرحت لنا الوضع وكيف انو فيه كثير تلاعبوا وسجلوا بشهادة بكالوريوس قالت قابلوا الدكتورة بدرية لعرادي طبعا لقينا بنات دبلوم يقولون موب ذنبا مانتوظف وليش انتم ضدنا عشان يستبعدونا تناقشنا معاهم قلنا القرار صريح كان المهم رحنا لدكتورة بدرية وصراحه كانت ذوق دخلنا مكتبه وشرحنا لها اول من تكلم معها بنت معها دبلوم عربي وتقول ليش مو من حقي اتوظف تعبت ودرست قالت انتي ماكنتي صادقه بالبيانات وقرار الملك الوظائف للتربويات الجامعيات وقالت اسمح لي اقولها لك من الحين راح تستبعدين وكان معنا وحده لها 14 سنه عربي ايضا لكنها غير تربوية قالت لها الدكتورة ايضا القرار لا يشملك لك حق فقط بالوظائف الادارية لان الوظائف على المرتبة الخامسه ناقشناها وقالت اليوم وصلنا خطاب من الوزير وفعلا جابت لنا القرار وقراته قدامنا كلام الوزير باختصار انه يتم استبعاد بنات الدبلوم والغير تربوية لان الوظائف الاحق بها للجامعيات التربويات ويتم توضيح هذا الامر بجميع الوزارة ويعمل به >>>طبعا لاحظوا خطاب الوزير صادر لهم اليوم وهذا اكبر دليل على الاعلام وتاثير عشان كذا لا نوقف بمطالبنا
ناقشنا الدكتورة اوك يتم استبعاد الدبلوم بعدها مالخطوة اللي بعدها قالت يوضع بها من هي بكالوريوس تربوي على طول قلنا نغير الرغبات طيب قالت حتى لو تغيرون لن يؤخذ بها فقط الرغبات الاولى طالبناها بمناشقة سن التقاعد وقالت والله المفروض بس صعب اجبار اي شخص على التقاعد كان تعاملها راقي وعلى فكره شرحت لنا طريقة حسبة النقاط وراح انزلها وكل وحده راح تحسب نقاطها كذا
طبعا اخذت سجلاتنا وطبعت لنا اوراق بكل بياناتنا وفيها نقاطنا والنقاط التي ترشحت اخر وحده بقسمي بحيث تعرفين توقف على كم الترشيح
كذلك قلنا لها عن بعض الاسماء اللي طلعت وتخرجهم حديث وقالت عطوني سجلها واطلع لك معلوماتهم عطيناها امس وقالت لا لازم سجل مدني ؟؟
طبعا فيه كان رجال بالوزارة ومنهم ولي امر ووقال الوزار كانت مره قايمه وقاعده على هالسالفه والكل هناك جاي وجايب اوراق بنته او زوجته ويعترض وهم طبعا يطالبون ننتظر فترة المطابقة
والوزير اتصل واستدعائهم على اجتماع عاجل بهالامر وهذي بوادر تبين ان فيه تحرك وان شاء الله لصالحنا
|
العرض العادي
