المشاركة الأصلية كتبت بواسطة اام اليتيم

الحمدلله كما ينبغي لجلال وجهه و عظيم سلطانه

إذا ارد شيءً قال له كن فيكون ....سبحانه ..

...

من نزلت الاسماء يوم السبت حتى اليوم و انا من صفحه الى صفحه النوم و الصحه الحمدلله حدث
ولا حرج .. انا على يقين بأن اللي ربي كاتبه بيجيني ولو بعد حين ..

لكن و الله ان قلبي ليحزن , عمري ما شفت مثل هالحسد بقلوب الناس ليه كل واحد تفكيره بنفسه
و الله اللي يعلم بحالي و بقلبي أني ادعي و اقول يا رب انك ترزق اكثر شيء اللي محتاجه لها ..
(( مثل صاحبتي مطلقه و عندها بنات , صح اني ارمله و احتاج لها و نفسي اربي ولدي و احقق له
كل اللي نفسه فيه لكن احس ان صاحبتي احوج مني فيها و ادعي لها ان ربي يحققها لها ))
تفجأت من بعض الناس تستشف في بنات الدبلوم و كانهم ما عندهم احساس او انهم ما يستحقون
بغض النظر عن عدد السنين اللي درستها فيا ناس هذا اللي ربي كتب لها تدرسها تجون تقولون
ما تستحق ما تعبت ..
و الله اني اذكرها باليوم ايام دراستي الدبلوم كنت احيانا ابكي وقت الاختبارات و زوجي الله يرحمه يقول
الله ياخذ الدراسه اللي تكدرك و يسحب الكتاب و يقول قومي خلينا نخرج (( الله يرحمه و يجزاه عني الجنه ))
اااااااااااااه << من قلب اقولها مو عشان اني خايفه يستبعدوني لا والله لاني مقهوره على تعليق
ناس و اخوات يعلم الله ادعي ان الله يرزقهم بأحسن مما يتوقعون ..

بعض الناس تقول مو حسد .. بس احنا احق يا أختي اعيدها و اكررها ... انا ما اتكلم عن مين احق
و مين تعب اكثر ايام الدراسه .. اتكلم عن من احوج ما اقول انا احتاج و انت لا اتكلم عن الاحوج
اليها ..فيه بنات مو لاقين اللي يصرف عليهم ..احوج مني و منك

قولي الحمدلله .. ولا تعلقين بكلمات تقهرين فيها اخواتك عسى الله ان يعوضك بخير احبي لغيرك
ما تحبين لنفسك ..

الكثير يعلقون بأن بنات الدبلوم راح يستبعدونهم ....رحمةً بأمشاعرنا و قلوبنا اللي تنتظر سنين
لا تتكلمون بهذا الموضوع خلونا نكمل هالفرحه اللي يعلم الله وحده اذا مؤقته او دائمه خلونا
حنا نكتشف وقت المطابقه اذا راح يستبعدون او لا ...

اتمنى من اي اخت تقرأ كلامي ان لا تعلق بما تشعر بأنه سيؤذي مشاعري , اللي في قلبها شيء
تكتب دعوه لاخت لا تعلم من تكون و تكتفي ..

أنا اكتب كلامي هذا كفضفضه لا اكثر و لا اقل ..

دعواتكم لي بالتوفيق و اني اربي ولدي على ما يحبه الله و يرضاه لانه هو املي بعد الله و اشوف
فرحتي بعيونه لمن يبتسم ...


اختكم

من حملة الدبلوم بعد الثانوي ..

و الحمدلله كما ينبغي لجلال وجهه و عظيم سلطانه

المشاركة الأصلية كتبت بواسطة ملكة باحاسيسي

الحمدلله والصلاة والسلام على رسول الله وعلى آله وصحبه أجمعين


الف الف مبروك لكل اخواتي المرشحات ،، واللي ماترشحوا الله يرزقكم ويسهل اموركم


المطابقه ناخذ الاوراق المطلوبه مثل الوثيقه والهويه وملخص الطلب،، وللاحتياط خذوا ورقة حسن السيره والسلوك



اللي من الشرقيه وتسال عن مكان الديوان ..... هو في الدمام بجاتب فرع وزارة الخدمه المدنيه للبنين اما مجمع الواحه


والمطابقه سهله ومنظمه


اول ماتدخلين المبنى تلقين جهاز زي اللي بالبنوك لخدمة العملاء

تضغطين وتسحبين رقم

وتدخلين قاعة كبيره زي المدرج وامامك ست موظفات ينادون بالاسماء وتطابق بياناتك اللي بالنت مع الاصول وتاخذ منك الصور


وتعطيك ورقه بيضاء وتحتها ورقه صفراء تكتبين اسمك والسجل والتخصص وفوق تكتبين كلمة مبصره ورقم الجوال



وتوقع عليها تعطيك الورقه الصفراء وتمسك البيضاء

بعدين توقعك على كشف باسمك وتخصصك وتاريخ مطابقتك

وتوكلي على الله



وترى المقابله في الشرقيه شفوي وقيه اختبار تحريري ،،، المنطقه الوحيده اللي مسويه اختبار تحريري


زميلتي ترشحت السنه الماضيه وتخصصها رياضيات اعطوها مسائل واعتبر الاختبار صعب وشامل


جابوا عن اللوغاريتم. ومسائل كتابيه وتحلينها وزوايا ومثلثات وارقام عدديه وكسريه


يعني مو شئ سهل



سووا لها مقابله المشرفات ودخلوهم قاعه للاختبار


مو مثل باقي المناطق اكتفوا بالمقابله فقط

المشاركة الأصلية كتبت بواسطة عاطلة لغة عربية

بنات اللى عندهم خلفيه الحين تم الترشيح

هل مكان المفاضله هو المكان اللى راح ادرس فيه ولا بس مطابقه وبعدين يوجهوني على

مكان ثاني ولا وش السالفه

ممكن احد يفهمني