السلام عليكم ورحمة الله وبركاته


حبيت استشيركم لان خايفه اقبل و اندم بعد الكرف
و خايفة ارفض و ضيعت فرصة خاصة اني احتاج وظيفة بهالوقت.


جاني اتصال من شركة الحلول
لوظيفة ببنك الرياض بالادارة مدخلة بيانات مع العلم اني بكالوريوس اقتصاد
الراتب 3000
والدوام من 8 لين 5
والتثبيت بعد 3 شهور ان اثبت نفسي.

الراتب احسه قليل بس مدري
وش رايكم .

؟!

دقوا علي بعد بس رفضت لاني استلم (حافز) .... واذاقبلت بالعرض راح يدخل اسمى بالتامينات ويتوقف صرف الاعانه ...علما بان الراتب 2800بعد خصم التامينات200ريال وثلاثه شهور العقد اللي بينهم ....حلو للي مايستلم ويبي خبره ...... وبالتوفيق للجميع

وعليكم السلام ورحمة الله وبركاته

المثل يقول : تعبر بأم شوشه لين تجيك المنقوشه

يعافيكم ربي

2800
و 1000 على الاقل سواق
بيتي شرق الرياض

شي صعب.

برضو انا ينزل لي حافز
بس احد جرب هالشركة

جزاك الله خير

احم



أتمني احد يفيدني جرب الشركة

وعليكم السلام ورحمة الله وبركاته

بغيت اكتب لك رأيي بس لمن شفتك كاتبه إنها من شركة الحلول وأكيد هي الحلول الممتازة فأقول لك ترا نصف مميزاتك راحت عليك للحلول الممتازة

بس تدرين خذي نصيحتي

قبل التوقيع اسألي عن:

س/ هل الثلاث الاشهر راح تسجل في التأمينات أو لا؟ ( الغرض من هذا السؤال حتى تعرف إذا حافز راح ينقطع أو لا ) إذا قالوا نعم نطلع للسؤال الثاني

س/ هل إذا عدت الـ 3 أشهر على خير وأثبت جدارتي هل سيكون الترسيم على البنك؟ إذا نعم كم بيكون الراتب؟ ( وإنتي هنا عاد وقتها تقرري )
إذا كان الراتب فوق 5000 ريال وترسيم على البنك توكلي على الله

س/ هل فيه شرط جزائي لو تركت العمل؟

مواضيع حول شركة الحلول الممتازة
https://www.btalah.com/t12231.html

https://www.btalah.com/t23870.html

هنا أحد الردود يقول فيه شرط جزائي لو تركت العمل من الحلول الممتازة
https://www.btalah.com/t324583.html

https://www.btalah.com/t65427.html

اي راح تسجل بالتامينات

بالبداية قلت له اوك لما دق الثاني وقال مبلغ الراتب
بصراحه ترددت لو شركة خلدا مع ان عليها كثير سب
بس صديقتي اشتغلت عن طريقها و كل أمورها تمام
ونفس الوظيفة بس الراتب ٤٥٠٠ او تكثر بكم ١٠٠
وهذا الراتب بعد الخصم التأمينات بمقدار ٨٠٠

خائفة اتعب و يصير نفس اللي قرات لهم ـلا ترسيم
ولا شي مع أني لما سالت صديقتي قالت بنك الرياض
يرسمون
بس ما اضمنهم ياكثر ما انسب هالبنك وانا تدربت فيه برضو


الله يعين

^^
بمجرد ما توقعين العقد يسجلونك؟ أو بعد مرور 3 أشهر؟

والله لو أنا انحطيت في مكانك أستخير

ترسيم انسي انسي انسي ((الا اذا تعرفين احد بالبنك منصبه قوي بمعنى قريب او من الجماعه ))

وشركه الحلول الممتازة ياكثر مادقو علي اخرها لوظيفه مركز اتصال بسامبا براتب 4500 غير العمولات

ورفضت لني عارف على اقل تقدير نصف الراتب ماكلينه غير المميزات !!

هذا من ناحيه


من ناحيه اهم واعتبرها هي الاساس قطاع البنوكـ والريا !!!



ما اقول الا الله يعوضكـ ويعوضنا بخير


حسبنا الله سيوتينا الله من فضله انا الى الله راغبون