بتراب ابيعـك دام بعتـي سنينـي !!

مَاجِد · #1 (**permalink**) 10-03-2008, 02:03 AM

بدري حبيبي توه الجرح ما طـاب
زيدي همومي واجرحي واتركيني

سيف ركزته وسط قلبي ولاهـاب
كمل جميلك اطعن اليـوم عينـي

مابي عيوني تشتكي جور الأهداب
ولاأبي احد غيري يـداوي انينـي

ماقد طلبتك بس انا اليوم طـلاب
وابي على كثر الرمـل تكرهينـي

لأني كرهتك صدق ولانيب لعّاب
صعبه على مثلي خيانـة حنينـي

ياما جرحتيني بـلا ايـا اسبـاب
وهالمره عاد اقـول لا تحترينـي

لاتحتري قلب شكى الضيم منصاب
تعب يذوق من القهر مـا يجينـي

جرح الكرامه ماهوب جرح كذاب
عند الكرامه ابيع حتـى ضنينـي

عودت انا نفسي على جلد وعطاب
لامن قصرت يمناي بقطع يدينـي

نفسي عزيزة لو هو العشق غلاب
ماهنت انا نفسي وتشهـد يمينـي

قلتيـلي انساني انا اقـول بتـراب
بتراب ابيعـك دام بعتـي سنينـي

خلاص روحي لعنبو قلب ما تاب
روحي لهوى غيري وغيرك يبيني

الحين روحي اقفلي بعـدك البـاب
ابكي على نفسك وبعديـن بّكينـي
م ن ق و ل

زيدان · #2 (**permalink**) 10-03-2008, 02:10 AM

مبدع الليله يابو ترمس ..

يســـلموو ع النقل ..

ايه احبك · #3 (**permalink**) 10-03-2008, 03:30 AM

صح لسان الشاعر
وسلمت يمناك على النقل الجميل
يعطيك العافيه
وتقبل مروري

كــــــــــــــــــــــــانت هنـــــــــــــــــــــــا

ايه احبك

Dark angel · #4 (**permalink**) 10-03-2008, 03:35 AM

عودت انا نفسي على جلد وعطاب
لامن قصرت يمناي بقطع

صح لسانك عاطل

بسكويتة · #5 (**permalink**) 10-03-2008, 03:36 AM

جرح الكرامه ماهوب جرح كذاب
عند الكرامه ابيع حتـى ضنينـي

خلاص روحي لعنبو قلب ما تاب
روحي لهوى غيري وغيرك يبيني

الحين روحي اقفلي بعـدك البـاب
ابكي على نفسك وبعديـن بّكينـي

قصيدة روووووووووووعة
وفي الصميم....والله قة في الابداع